27. खंत्या जिघय वालो सामरी क्ये कहानिव

डा ध्यंग, यहूदी नियम क्ये विषय्या विशेस ध्यान तिथा वालो यीशु क्ये पाह पिय्ये। व्हाई जम्माला अय हाम्टे चाहो हा कि यीशु गलत शिक्षा बे स्यायरे। अय कारणय व्हाई चिनेसी, “हे गुरु, खत्म हां चिहि वालो जिन्दगी धरे खानी ना हांङ घय्यु?” यीशु य जवाब जिबे, “परमेश्वर क्ये नियम या हांङ लिख्खो तर्या व्हा?”

नियम क्ये विषय्या विशेस ध्यान तिथा वालो मंछ य चिने, “व्हाई चिनेयरे कि पानक्ये परमेश्वर ना दी पानक्ये सेहांग मनेग्ये, प्राणग्ये, दम ख़म और बूध्दिव दी प्यार था! और पानक्ये पड़ोसीला दी प्रेम था। ” यीशु य जवाब जिबे, “नंङ एकदम सय ज्युस्या! अगर नंङ इन्द जिघयुरे, त्ये ना खत्म हां चिहि वाली जिन्दगी प्राप्त हिरी। ”

पर व्हाई नियम जिघय वालो क्ये के विशेस ध्यान तिथा वालो मंछला क्ये अय दिखावा चाहो हा कि आयक्ये जिन्दगी जीव क्ये तरिकाव सही व्हा। अय कारणय आय यीशु होद्या, “ठीक व्हा, त्ये ना पड़ोसीय्ये हु व्हा?”

यीशु य आय नियम जिघय वालो क्ये के विषय्या ध्यान तिथा वालो क्ये डा कहानी बताव क्ये जरियाय जवाब जिबे। “डा यहूदी मंछ ही जो डा योंग दी हिते यरूशलेम दी यरीहो क्ये सफर घय हां। ”

“पर घयनु डाकुलाय आय चिचेपा और आय उप्पर हमला जिघय बा। आयलाय आयक्ये सेहांग ज्यातेबा ओर आय लगभग सी झानी हानू – चरे स्याग्य्ये। तब व्हाइला ओक्कासी। ”

“आयक्ये तुरन्त बादले, डा यहूदी पुजारी आय योंङ दी हिते गा हा। आय यहूदी पुजारी आय मंछ योंङ या चोल्लितर्या चेपा। जब अय आय चेपा त्ये व्हाई योंङ क्ये दोहरो ओरय गेंता ओक्का। आय अय मंछ पुरो रुपय अनदेखा खय्या। ”

“आयक्ये बाद थोड़ाल समय बितिव्ते, डा लेवी आय योंय हिते पिय्ये। (लेवी यहूदियों ला डा वंश ही जोलाय मंदिर या यहूदी पुजारी लाक्ये मदद खय हा हे। ) व्हाई लेवी लय योंङ क्ये दोहरो ओरय ओक्का। आय लय अय मंछ अनदेखा खय्या। ”

“दोहरो मंछ जो आय योंङया पिय्ये व्हाई सामरिया क्ये डा पयला ही। ( सामरी और यहूदी डा नीमला हंगे नफरत खयनेसी। ) आय सामरी य योंङया आय मंछ चेपा। आय सपा कि व्हाई यहूदी ही, पर फिर लय आय अय पर बड़ा तरस खय्या। बादया व्हाई आयक्ये पास का और आयक्ये काठीवलाया पट्टी होय्या। ”

“फिर अय सामरी य आय मंछ क्ये पान घोङावया ओड़ा और आय अय योंङय हिते डा नावय्या काता। जाँहा अय आयक्ये देख भालाव घयक्ये जारी था। ”

दोहरो ध्यंग, आय सामरी क्ये पानक्ये सफर घयक्ये जारी थाक्ये जरुरी ही। आय अय नावय्या जिम्मेदार मंछ क्ये थोड़ा रुपय्या बा। आय अय ना, “अय मंछ क्ये देख भालाव खय्याना। अगर अय रुपय्या क्ये अलावा नंङेगे क्ये और रुपय्यागे खर्च हिरी त्ये वापस बीते ना नंङगे खर्च लाग्गोतर्या वापस बेने। ”

फिर यीशु य आय नियम क्ये जिघय वालो क्ये विषय्या ध्यान तिथा वालो होद्या, “नंङ हांङ चिहुचोरे? अय हूंङ मंछला दी हु आय मंछ क्ये पड़ोसिव ही जो लुट्टो तर्या और हानू तर्या ही?” आय जवाब जिबे, “व्हाइल जो आय पर कृपा खय्या। ” यीशु य आय ना, “नंङ घे और इंदल खय। ”