36. यीशु क्ये रूपाव बदिलिवव्को

डा ध्यंग, यीशु य पान हूंङ पयावसिला, पतरस, याकूब, और युहन्ना क्ये पान हंगे कातासी। (अय यूहन्ना नामु को पयाव व्हाई मंछ हां ही जोय यीशु तिय्या डूबकि लावस्याबा ) व्हाइला विनती घयक्ये डा उच्चो पहाड़या कासी।

जब यीशु विनती घय हा त्ये आयक्ये मह्व दिहो क्ये बराबर रोंग हिय्ये। आयक्ये लत्तावला रोंग क्ये बराबर धवङया हिय्ये, जोह्हो धरती या अच्च धवङया हु ना घय हाक्कोरिव।

जब मूसा और एलिय्याह भविष्य जिघय वालोला प्रकट हिय्येसी। अय पयला धरतीया अय समय दी घयनु ह्ये बरेहे पयलो कुहानेसी। आयलाय यीशु हाते आयला सीके बिषय्या बतकाव खय्याहे, हान्खानी कि व्हाइला जल्दिले यरूशलेम या चिशी ही।

जब मूसा और एलिय्याह यीशु हाते बतकाव घय हासी तब पतरस य यीशु ना, “नानी खानी अय्या हिको भला व्हा। नानी हुंग डेराला ला बनायेरे, डा नंङ खानी, डा मूसा खानी, और डा एलिय्याह खानी। ” पर पतरस हां दहेन्या कि व्हाई हान घय हारे।

जब पतरस बतकाव घय हा, त्ये डा चिचमेक्यो देहो धी पिते आयला भरव्वे। फिर आयलाय देहो दी डा आवाज बितर्या कुन्हाहे। आय चिनेसी, “अय ना पयाये ही जो हाते ना प्यार घय्युरे। ना आय खानी खुश गुहा। आयक्ये कुन्हेनी। ” व्हाई हुंग पयासीला पाड़ीय्येसी और जमीनया लोटायेसी।

तब यीशु य आयला छुव्वासी और नासी, “पाड़ीनि ता। खड़े हीनी। ” जब आयलाय पाड़ी और दब्वाहे, त्ये जो लय व्हाईला ही व्हाई केवल यीशु ही।

यीशु और व्हाई हुंग प्यावसिला आय पहाड़े दी वापस धी उत्तर्व्वेसी। तब यीशु य आयला नासी, “अत्तर जो लय अय्या हिय्ये अयक्ये चर्चा कोईला हाते धा जिघय्ये। ना जल्दीले सीरी और जीवतो हिरी। अयक्ये बाद, ननि मंछला बताव स्याकोय्येरे। ”