47. फिलिप्पी बस्ती या पौलुस और सीलास

जब शाऊल य पुरो रोमी साम्राज्य क्ये यात्राला खय्याहे त्ये व्हाई पान रोमी नामु “पौलूस” क्ये उपयोग घयक्ये सुरु खय्या। डा ध्यंङ, पौलूस और आयक्ये दोस्ताव सीलास फिलिप्पी बस्तीया यीशु क्ये बारेया शुभ संदेस हागुन्हे खानी कासी। व्हाइला बस्ती क्ये बहारी गांगे किनारय डा जग्गाया कासी जाहा मंछला प्रार्थना घय खानी इकठ्ठा हिय्येसी। व्हाइय्या व्हाइला लुदिया नामु को डा मठ्या हाते मिल्वासी जो डा ब्यापार जिघय वालो ही। व्हाई परमेश्वर हाते प्यार खयने और आयक्ये बतकावला मान्योने।

परमेश्वर य लुदिया क्ये यीशु क बारेया संदेशावया भरोसा घय खानी मजबूत घय स्या। पौलूस और सीलास य आय और आयक्ये परिवाराव क्ये तिया पवित्र डुबकी चिलाव्बासी। आय पौलूस और सीलास क्ये पान नावया गुहा खानी न्योता बाहे, अय कारणय व्हाइला व्हाइय्या कुहासी।

पौलूस ओए सीलास मंछला क्ये अक्सर आय जग्गा मिल्लोनेसी जाहा यहूदी मंछला प्रार्थाना खयनेसी। हर ध्यंङ जब व्हाइला व्हाइय्या कानेसी त्ये डा गुलाम गाड़ोङ जो दुष्ट आत्मा य बसया ही पापाव्ला दी आयला पीछा खयने। अय दुष्ट आत्मा क्ये जरियाय व्हाई मंछला क्ये भविष्य जिबतावनेसी, अय कारणय व्हाई भविष्य जिबताव वालो क्ये रुपया पान मालिकाव खानी झिक्क रुपय्याला कमावने।

आयला गा समय अय गुलाम गाड़ोङ भोत काला खयने, “अय पयला जम्माला होय झिक्क बड़ीवतर्या परमेश्वर क्ये सेवक ला ही। अयला ननिला पापावला दी छुटकारा धरे क्ये योंङ जिबताव स्यायरे!” व्हाई हर ध्यंङ इन्द खयन्या जोह्हो कि पौलुस नाराज हिय्ये।

बादया, डा ध्यंङ जब आय गुलाम गाड़ोय काला घयक्ये सुरु खय्या, त्ये पौलुस य आय और पल्टीवते आयक्ये भतोरी क्ये दुष्ट आत्मा ना, “यीशु क्ये नामय अयक्ये भतोरी दी घे। ” आयल समय आय दुष्ट आत्माय आय चिहाड्वा।

आय गुलाम गाड़ोङ क्ये मालिकावला झिक्क गुस्सा हिय्येसी। आयला पत्ता हिय्ये कि बिन आय दुष्ट आत्मा क्ये व्हाई गुलाम गाड़ोङ मंछला क्ये भविष्य हां बताव स्याक्यो ही। अयक्ये मतलाबाव ही कि मंछला अब आयक्ये मालिकाव्ला पय्हा हां जिबेरी कि व्हाई आयला भविष्य बतावरिव कि आयला हंगे हांङ हिरी।

अय कारणय आय गुलाम गाड़ोङ क्ये मालिकलाय पौलुस और सीलास क्ये रोमी अधिकारियों लाक्ये पाह काताहे। आयलाय पौलुस और सीलास क्ये हानुव्वाहे, और फिर आयला जेलखानाया ओड़ाहे।

आयलाय पौलुस और सीलास क्ये जेलखानाया इन्द हिस्सावया थाहे जाहा सबसे झिक्क सिपाहिला ही। अय झानी कि आयलाय अयला भासिलाया काठङ क्ये बयना टुकड़ाया जोड़्याहे। पर पौलुस और सीलास आद्दा गायरे समय,। परमेश्वर क्ये गुणगान क्ये गित्तला लाह्यक्ये हांसी।

अचानकय, डा भयानक भुयचाल हिय्ये! जेलखाना क्ये जम्मा धेरला घोयनेसी, और जम्मा केदिला क्ये जंजीर सिला घोयनेते गिरिक्यासी।

तब अफसर ह्ये। आय दब्वा कि जेलखाना क्ये धेरला घोयनेतर्या व्हाई। आय हुच्वा कि जम्मा केदिला बेचोते थावकेसी। व्हाई पाड़ीय्ये कि आयला थावक्ये क्ये कारणय रोमी अधिकारिला आय चिहातेरी। अय कारणय व्हाई पानक्ये हाते खानी तेयार हिय्ये! पर पौलुस आय दब्बोते काला खय्या, “जगिव्वो! पान क्ये नुकशान ता खय। नानी जम्मा अय्याल गुहाय। ”

आय दरोगाय काम्मोते पौलुस और सीलास क्ये पाह काते होदया, “पापला दी छुटकारा धरे खानी ना हांङ घय्यु?” पौलुस य जव्वाब जिबे, “प्रभु यीशु पर भरोसा खय, त्ये नंङ और नंङगे नाव वालोला पापला दी छुटकारा धरेरे। ” तब व्हाई अफसर य पौलुस और सीलास क्ये पान नावया काता और आयला काठी सिला सिलेबा। पौलुस य आयक्ये नावया जमा मंछला क्ये शुभ संदेह हागुनासी।

अफसर और आयक्ये पूरो परिवारय यीशु ठाय भरोसा खय्याहे, अय कारणय पौलुस और सीलास य आयला तिय्या पवित्र डुबकी लगाव्बाहे। तब पौलुस और सीलास क्ये अफसर य जाको हायटासी, और व्हाइला डा हंगे खुश हिय्येसी।

गेंता ध्यंङ बस्ती क्ये प्रधान लाय पौलुस और सीलास क्ये जेलखाना दी आजाद जिघय्ये और फिलिप्पी दी गा खानी चिनेसी। पौलुस और सीलास लुदिया और थोड़ा और दोस्तावला हाते मिल्वासी और आयक्ये बाद बस्ती दी ओक्कासी। यीशु क्ये बारेया शुभ संदेह फेलीवतल का, और कलीसिया बाड्डोतल का।

पौलूस और दुहरो मसीही लाय प्रधान ला घयनु बस्तिला क्ये यात्रा खय्याहे। आयलाय मंछला क्ये यीशु क्ये बारेया शुभ संदेह हागुनाहे। आयलाय कलीसियाओं क्ये भरोसा जिघय वालोला क्ये गेंता बड़व खानी और शिक्षा बेखानी घयनु चिट्ठी ला लिख्वाहे। अय दी घयनु चिट्ठीला बायबल क्ये किताबला बनिव्वासी।