1. स्रुस्टीसन

मुने अन्नि वानटिन देवुड तुन्ग्तोंड ओंडूआरऊ रोसु किन ने भूमतीं इंका बतात्किन अग्गा मिदा अव्वंता तुन्ग्तोड देवुड भूमतीं तुंगता अस्की भूम अग्गा शीकड़ हिन्का खाली मति, बरहित्किन अस्की देवुड अग्गा बातगुन तुन्गिलों। बेलाहितकिन देवून आत्मा एर्दा पोरों हुडोमति।

मल्ला देवुड केतोड़ ”वेनेल अयमु ”इंका वेनेल आसती। देवुड हुड़तोड़ वेनेल सायी मिन्दी इंका दनिन ”प्पयाल केतोंडू“ होन्डू दानिन शीकड़ हुंची वेरी तुन्गतोडू इंका “दानिन शीकड़ ”केतोंड देवुड भूमतीं तुन्गता ऑक्क रोजु वेनेल्तीं तुन्गतोड।

स्रुस्टीस्ति मुड़ो रोजू देवुडू केत्तोंडू एत्ती नुंची दुरम मंदावालू अस्की एतुंची दुरम अत्ति, अस्की दनिनु मब्बू ईन्जो केत्तोंडू, स्रुस्टीस्ति रेंड़ो रोजू केत्तोंडू

मुंडो रोजू देवुड केतोंड एर ओरु सोठा कूड़ावाल इंका वती मन्दान भूमु नेल तोपा वत्तीनेल तोपा ”होन्डूवती मन्दान नेल दिन”भूम इंजोर केतोंड इंकाएर दिनीन समुद्रम केतोंड देवुड होडतोंडू बाता होन्डू तुन्ग्तोंड़ो अवुसाए मिन्दा।

मल्ला देवुड केतोंड भूमता अन्ने मारा इंका एठक्क मोड़तावाल (अदावल) ”इंका आलाके अत्ता देवुड हुड्तोंड होन्डू तुन्ग्तावु सायी मत्ता।“

भूम्तीन तुंगता नालु रोजू देवुड कितोंड ”मबिना वेनेल अय्य्म पोडूदु, नेला, इंका उक्का आदवालु देवुड वांकु भूमता वेनेल ईदनाक इंका पय्याल गुन नरका इंका सवसराकु आन्वाल्गा तुन्गनाक तुन्ग्तोड़ो।

अयदो रोज देवुड केतोंड”पांडाम मन्दाना जंतु एता निड वाल (निचिम) इंका मब्ता पिटे पार्सो मंदावल”ई प्रकारम होन्डू एता इनतावडसनावअंता जंतु इंका पिटें तुन्ग्तोंड़ो देवुड हुडतोंड आव्वु साई मत्ता इंका वंटिन अशिर्वादाम्म हितोड़।

भूम तुन्गती आरऊ रोजू देवुड केतोंड ”नेल मंदानाव अंतारखा जंतुवऊ आदवाल (कल्गावाल)” इंका देवुड केता आलाके आसाता कोदिग जतुवु पोरपनाव मता इंका कोदिग जन्तुवु नेल पान्कनाव कोदिग जन्तुवु आड़ता मान्दँवजन्तुवु मता इंका देवुड हुड्तोंद अव्वु साय मता।

“मल्ला देवुड केतोड़ वराट मन्नान होन्डू होनं लेकामे तुन्ग्तोंड होन्डू भूम ता अंता जन्तुवु नडपिशितोंड’’|

देवुदु माडुलती माड्सीनु तुन्ग्तोंड ओना पानडम ईदान गाल उद्थोंडू ही मंडीसिन पेदेरू आदम देवुदु आदम मंदानाकू ओर्रु बेर्रतोट तुन्ग्तोंडू दनिनु उड़नाकू आदम तिनु अग्गा वाटतोडू

आ तोटाता नाडवी देवुडू रेंडू वीषेशंगा मारा वाटोंडू जीवा हिदान मारा, मंची, इंका छेडा ज्ञानम थी मारा देवुडू आदम तोंटी केतोंड अग्गा आ तोटता जीवा मारा इंका सायेटज्ञानम, छड ज्ञानम मारतीन विड्शी आकार मारन पंडी तिन्दोछु आलाके होंडु आ मारत पंड तित्किन होंडु डोलान्तोड़।

असकी देवुदु केथोंदु मडसूड ओर्रोंडे मन्दनादु साईंइल्ली बेजीवगु आदम थो कलियी मंदिल्ला

अन्दुके देवुडू आदम तिनु उन्जीसी असकी देवुडू आदम थी पक्कातु बुला तीसी अ बुलाती नाटवडती थुंगदोंडू असकी दनिनु आदम था तीसी थाथोंडू

असकी आदम दनिनु उडी केथोंडू बेलाथ्की बारू ईदू नालेकानु मिन्दी दिनिनु नटवाडु इन्जो केथोरू बरित्की ईद्दु मडसी नुंची वत्ती अन्दुके मडूसुंडू ओनु ईय्यानु येव्वानु विडिसी ओनु मुत्तेनु थो कलियी मन्थो

देवुदु माडीसिनु नटवटीनु ओनु लेकनु तुन्ग्तोंडू ओंडू ओरिनु आसिर्वादामतूगतोंडू ”असकी देवुदु केत्तोंडू डीटानु मन्माराल्कीनू कनाटू भूमतिनु नीचीमुटू।” देवुड ऊड्तोंडू बाता होन्डू तुन्ग्तोंडू अव्वु साईं मता होंडु वान्तोंटी गट्टी सरदागा मतोंडू हिवंता भूम तुन्गते आरूऊ रोजू अत्ता।

अस्कि एडो रोजू वतासकी बाता देवुड तुन्ग्तोंड़ो होंड आकार पनी आ रोज आस्ति होन्डू एडोरोजु थिन आशिर्वादाम्म तुन्ग्तोड़ो इंका वांटीन परिशुधाम्म केतोंड बरहित्किन आ रोजू अन्नी सामना तुगनाद आस्ति इ लेकनु देवुड ही लोकाथिनइंका अग्गा बातात्किनो मिन्दा अव्व्नता तुन्ग्तोड़ो।