2. पापम ई लोकता वत्ती

आदम इंका होन मुती आ सयाट तोटता मंज्जू गठिन सरदागा मथोरू होरु बेनुन्गुडा गुढा केर्तानोर अय्यु मल्लुगुन आ गोटू होरकिंक शिग्ग वादिली बरहित्त्किन लोकता पापम मंदिली। बेसकाही के अग्गा तोटता हुडोमंदनोर इंका देवुड तोटी तिरिय्नोर।”

कानी आ तोटता होरुऊ तार्स मति आग्ग़ गट्टी आदु आ ना ट वाटी तल्प्ती ”बात निजाम में ना देवुड मिटोंटी हि तोटता बे मारता प्पंडी तिनम्मट हिन्जोर खितोंडा।

आ नाटवाड केती ”देवुड मातोंटी केतोड मम्मा आ सायीज्ञानम, छड ज्ञानम थी मारात विड्शी अन्नी मारन पंडी तिन्दोछु ”देवुड मातोंटी केतोंड मिरू आ पंड दिन तितकीन, केठ्किनगुन मिरू डोलितिर।”

आ तार्शु नटवतिन केती हिदू निझाम आयु! निम्मा डोलींनु देवुड पुतोंडू बेला निम्मा आ पंड तिन्तीनो निम्मा देवून लेकम आसंतीं होन लेकम सायीज्ञानम, छड ज्ञानम आर्दम तुन्गीतिर।

आ नटवाड हुड्ती आ पंडू तिन्दान लेकाम तोपोमती इंका रुशुगा तोपों मति अदु तेलविगा आदनाकू आदू पंडदिन कोयस मल्ला तिती मल्ला अदू तन्ना मुत्पांकगुन हित्ती होंडगुन तितोंड।

आसकी होरु कन्डकु खुलेम आता, होरुकू तेल्यती होरा गुडा हिल्लकुंटम मता। होरु आकीं अंता कल्पी होरु गुडा तुन्ग्तोर होरु होल्दीन मुच्नाक ऊड्तोर।

अस्की मंडशुण्ड गुन होन मुती आ तोटता उडोर देवुटी लेंग केंजतोर होर हिर्वुर देवून वेर्स अडकतोर। अस्की देवुड मड्शीन करनगतोंड”निम्मा बेग मिन्दीन? ”आदम केतोंड ”नन्ना निन्नी तोटता उडोरून केंज्तान, नन्ना वेर्सतान, बरहित्त्किन ना गुडा हिला अन्दाके अडकतान।”

मल्ला देवुड तल्पतोंड ”निकू बेनुन केतोंड निया गुडा हिल्ला हिन्जोर? नीम्मा आ पंडदिन तीतिना दानिन तिनमा हिन्जोर केतान गदी? ”मडसुंड केतोंड ”निम्मा नाकु ही नाटवाटीन हितीं आदे नाकु आ पड हिती ”अस्की देवुड नटवातिन तल्प्तोंड”निम्मा हिदू बात तुन्ग्तीं? ”आ नटवाड केती ”तार्स नानीन बोलिस्ती।”

देवुड तार्स तोंटी केतोंड नीया सापमम वत्ती! नीमा नी डोकाते अंतीं इंका मंडूल नाखितीं निम्मा आ नाटवाड ऊरोंकू-ऊरोंकू आर्वु इंका नी पिला दान पिल्ला गुन आर्वु ही नाटवाड वंशंम नी तल्तीं ओगितोर इंका निम्मा होर कालदिन कचितीन।

असकी देवुडू नटवाटतो केथोंडू नेटुंची निकू पिल्ला कंनानादु चाला कास्टग्ग मानती निम्मा नी मुत्पना आशा तो मानती ओंडू नी पोर्रू सासनम तुन्गितोड ।

देवुड मंड्शीन केतोंड ”निम्मा नी मुतें केंजतींन ना माटा केंजिलिन आन्द्के भूम शाप भर्ती नीमा तिन्दानक कटिनामिय्ना पन्नी तुन्गवाल। एंजे नीमा डोलानतिन, नी होलू मंडूल था कल्यांति ”आ मड्सडू तना मुतें पदर हव्वा वाटोनड, दान आर्दम प्राडम ही दनादु बार अदू अंता जनात्कू याव्वा आती। देवुड आदम कु हव्वातकु जन्तुवु तोल्का थे तुंगता गुडा केर्पिस्तिंड।“

मल्ला देवुदु केत्तोंडू इंजी मड्सुड थाप्पू मंचिदु तेलियी मल्ला मनलेकम असतोर अन्दुके ओनीनु ईग्गा मंदानु बतिकिसनु पंडू थीन्दुस्कुडू ईल्लीत्किनु ओंडू बेस्केट बतिकी मंथोडू अन्दुके देवुदु आदम थी नी हव्व तीनु आ तोटा तूंची बयीदी रोचिथोंदु असकी देवुदु बेनुडूगु आ बतिकिसा मारातु पंडी तिंदगुड ईंजोरू आ तोटातू गुम्मता बालम मंदानु स्वर्ग्दुतानु वत्तोंडू।