3. गोदारू वदनादु

चाला रोस्केनु तरुवाता ई लोकथा चलाजानाम बातको मथोरू चाला पापं मोसंम तुंगो मथोरू ओरु अछु तप्पू तुंगो मत्तोरू देवुडू ओर्रु बर्रा गोदारू वदिसी ईलोकाम्तिनु नासनाम तुन्गितानु ईन्जो अल्स्तोंडू

असकी देवुटू मुन्नी नूह सायी तोपों मथोंडू पापम तुंगानी जानम देग्गेरू मन्दानी ओर्रु मांची माडसुडू देवुडू नूह थो केंतोंडू नन्ना बेर्रा गोदारू वादी सो मिन्दानु अन्दिके ओंडू नूह तो केत्तोंडू बेर्रा ओडा तुंगा ईन्जो कत्तो।

देवुडू नूह थो ओर्रु होडा तुन्गनाक केथोंडू अदू 140 मीटर पोडूगु 23 मीटर वेड़ेल्पू 13.5 ऐत्तु ओडा तुंगा इन्जो केतोंडू नूह तिनु मारा तु मोद्दीतो तुंगा ईन्जो कत्तो आग्गा मुड आन्तरा चाला गद्दिकू ओर्रु आट्टूम ओर्रु किड कि इनका आ ओडता नूह नी ओरु लोत्तोर इंका बुमता मंदनी अन्ता जीव जन्तुकीनू आ गोदाटूनची कापाडीतू।

-नूह देवुट माटा केंज्तोडू ओन्ड नी ओनु मरकु आलाके ओडा तुन्ग्तोरू बेलात्की देवुडू केच मथोंडो बारित्कीन आ ओडा चाला बेर्रदु मत्ति अन्दुके दानिनु तुन्गानाकू चाला सवसरा पोयती नूह जनात्कू वदनी गोदारू गुरिंची केत्तो इंका ओरिनु देवुटा वर्रटू ईन्जो केथोंडू कानी ओरु ओन माटा नाम्मिल्लोरू।

देवुड नूहकू होर लोतोर्कू इंका जन्तुवकु तिन्दानक सामना बेचोटू कावाल आवान्ता कुडपानाकु केतोनड अंता सामना वाटस्की देवुड नूहकु केतोंड आ संयम होन, होन मुती, होन मुवुर मर्कु इंका होरु मुते कल्पी एनमिद पजा होड़ता अन्दानद मति।

देवुड अन्नी जीवा पिट्टेन नाटवड़ो, माड्शुंडू नूह देगेर रोतोंडू आवऊ होड़ता अन्दोछु इंका गोदार हुन्चीगुन कापाडोछु देवुडू अल्लाके अन्नी रखा जीवां एडू माडूसुन जीवा एडू नाट्वा जीवा रोतोंड तीरम हिदनाकू पनिक वाताअस्की अन्नी होड़ता याव्तास्की होडात गुम्म्तीं देवुड़े केतोंड।

अस्की वाना वादानक येरती, वाना वासोरे मति आन्गाकुंटम नाल्पेय रोस्कू पयाल नाल्पेयरोस्कू नरका वाना वासोरे मति आकार अन्नी लोकता मंदनव अंता मुंडगता इंका हेत्तमन्दानी मेंट्ठ गु मुडागत्ता।

नेलु मत्तावु अन्त्ता डोल्लात्त अग्गा मत्ति जीवा कु मद्सुर्कू बेनुरूआ ओडाता मथोरो आ ओडा हेत्ता तेडो मत्ति इंका ओडाता लोपलू मत्ति वांटीनु मुडगीसूकुंटा कापाडा तोड।

वा ना आंग त्ती पेरीकी 5 नेला दानका ऐत्ता आ ओडा तेडी मत्ति अग्गा आ समयमति हेरु ताग्गो मत्ति असकी ओक्का रोजू आ ओडा ओर्र मेत्टता पोर्रू अंजू आंगती बुमंत्ता इंका हेथोंटे नींडी मत्ति मुडू नेला पेरिकी मत्टती सिवरा तोपों मत्ति।

मल्ला नाल्पेय रोस्किन पे रकी नूह होरु काकड़तिन ऊड़नाक बेय्यदे रोतोंड एरु हिडकता आ काकड़ वत्ती नेल मेगो इकी-आकी पारसो मत्ति दाकू बेगा सोटू दोरकिली।

मल्ला पेर्की नूह ओरु पावरमथिन बेय्य्दी रोतोंड दान्कू बेगा वत्ती नेल दोरकिली, अदुके, अदू नूह देगेर वती ओरु वाराम पेर्की होंडु पवाराम्तीं मल्ला रोतोंडू, अदू तन्ना पवुटा जेतुन थाद ओरु कोथा आकीं कोमा पोयस मलस वती एरु इंडको मति एटटकु मल्ला मोडोसो मता।

नूह ओरु वाराम इंका ऊड्तोड मुड़ो सुटक आ पावाराम्तीं बेयादी रोतोंड ई सारि, दान्कू मंदानाकू सोटू दोक्ति इंका आदू मल्स वादिली एरु हिडको मती।

रेंडू नेला पेर्की देवुड नूह तो केतोंड निम्मानी नी लोथोरू इंका जीवा अन्ता ओडा तूंची पेचवर्रटू चाला पिल्ला कन्नोरू बुम्तिनु निम्मूटू नूह नी लोथरु ओडा तूंची बैदी वत्तोरू।

नूह ओडा तूंच बैदी वत्ती पेरिकी ओंडू ओर्रु सोटू तुंग थोंडू तीरम ईदनाकु असकी अन्ता जीवकिना कोद्दीग वनटी तच तीरम इत्तोडू देवुदु कु आ तीरम सायीअत्ति नूह तू लोथोरिनू आसिर्वदम तुगथोडू।

देवुडू केत्तोंडू नन्ना माटा ईसोदा नारुंडू तुन्गनी पापम की सेंगा नन्ना बेस्गी गु बुमती सपिसो गोदारू वदिसी लोकथी बेसकी गु नासनाम तुंगो बरित्की मडसुंडू चिन्नासके नुची पापम तुगितो।

आसकी देवुडू ओंडू ईति माटत गुरतु थोटी मब्बिना वील्लू तोपिस्तोड ईंजेनुंची बेस्कत्की बेसकी मब्बिना वील्लू तोपितो असकी देवुदु गुर्त्तु तुगितो ओंडू केत्ती माटाती इंका ओंडू केत्ती माटा हित्त लेक्कानी ओनु जानामु गुरत तुन्गीतोरे।