4. देवुदु आब्रहम कु माटा ईदनादु

गोदारू वासात्ति चाला संवासरा पेरिकी ईलोकता चाला जानम बातोको मात्तोरू मल्ला आजनम देवुट नी मडसीर्क वीरुद्दंगा पापम तुन्ग्तोरू बारित्की ओरंता औरटे बासा तिरीयो मत्तोरू आन्दुके ओरंता ओर्रु सोटा कुड़ी इंका ओर्रु नाटेन तुन्गनाक एरतोरू देवुटू माटाकेता आलाके केंजुकू ओर्रु लोकता अन्दिलोर ।

ओरु गट्टी गामंड तो मत्तोरू इंका ओरु बेला बथ्कुवालो दीनाकु देवुटू माटालेकनु नाडदूकु मथोरू इंका ओरु पोडकुट लोनु तुंगो मात्तोरू अददु मब्बिना एवदा लेकनु देवुदु उडतोडू ओकवेला ईरु कलियी छडू पन्नी तुन्ग्की ईरु इंका डीत्टिंग छड पन्नी तुन्गितोरू।

आन्दुके देवुदु ओर्रु बासनु चाला बासागा मर्सित्तोंडू असकी ओरंता ईलोकता वीरंतोरू बेना टेनु तुंगो मत्तोरोदनिनु बाबेल ईन्जो केत्तोरू दानुकू आर्दम {गडबडी} ।

कोन्नी वन्द्दा सवसरा तरुवाता देवुडू आब्रहम इन्दा माड्सी तो तीर्य्थोंडू देवुडू ओंतोंटी केथोंडू नीदेसम तिनु नीलोथोरीनु आदेसम अन्नू नन्ना बेग्गा तोपिसितानु नन्ना नीनिनु आसिर्वादम तुन्गिथा इंका नी नुंची हेक्कुवा जानम तुन्गिता नन्ना नीपेदेरु गोपंगु तुन्गिता बेनुडू नीनिनु असिर्वदम तुगिथोंडो ओनीन असिर्वदम तुन्गीता बेनुंडू नीनिन सपिसी तो ओनीनु सपिसिथा नीनुंची लोकं आन्था आसिर्वदम पोंदीतू।

असकी आब्रहम देवुटू माटा केंज्थोंडू आसकी ओंडू पनिवारीनु ओनु मुत्तेनु ओनु दानाम पोयसू आ देसम.कानन देसम आत्तोंडू देवुदु तोपिस्ती देसम।

आब्रहम कानन देसम हेवथासकी देवुडू ओंरतोंटी केथोंडू नी नालू पक्का उड़ा नन्ना नीकू ई देसा आन्था ईतानु नी वंसम तोरू आन्दोर आदिकरम तुन्गितोरू आसकी आब्रहम आ देसम मत्तोंडू।

मिलिसिद्क पेदर तोंड होरु मंड्शुण्ड मातोंड होंडु देवून साहेट याजुकूडू मातोंड। होक्करोजू अब्राम युद्दम तुंगी वासो मातोंड अग्गा होंड गुन अब्राम कलयतोर। मलिकिसिदक अब्राम आशीर्वादम हीस मलान केतोंड ”अन्तोर कान बेरा देवुड होंडु भूमकु, स्वर्गम कु बेरा तोंड होंडु निकू आशीर्वादम हितोंड़”मल्ला अब्रामयुधाम्ता गेल्स्तोंद अस्की अंता सामना मलिसिद्क कु दसम भागम हितोंड।

चाला सवन्सरा आसता कानी इंजी गुन अब्रामकु, सारातकु पिल्ला मंदिलोर देवुड अब्राम तोंटी तिरिएतोन्डू इंका मल्ला माटा हितोंडहोंकू होरु मरू पुटीतोंड इंका मबिना बेला हुक्का मिदाकू अल्लाके होंकू कुल्ला मंतोर अब्राम देवुड हित माटता नाम्म्तोंड देवुड अल्लस्तोंड अब्राम ओरु निजत माड्सुंडू बरहितकिन होडू देवुड हित माटतिन नम्म्तोड़।

अस्की देवुड अब्राम तोटी ओरु माटा हितोंड ओरु माटा रेंड पका नाडवि ओरोंकु ओरोंड पन्नी तुन्गनाक तिरिएतोर देवुड अब्राम तोटी आ प्रतिज्ञा ईत्तोंडू ओंडू उन्जनास्की, अस्की गु देवुटू लेंग केन्जो मत्तोदेवुदु, केत्तोंडू नीनुंची ओर्रु मर्रिनु पुट्टीसितानु, नन्ना मी लोत्तोर्कू कनान देसम ईता, कानी, अस्केट अब्राम कु मर्र बेनुंडू मंदिल्लो।