13. देवुदु इस्राएल जानाम तो माटीत्तोंडू
इस्राएल ती जनम एर्रा समुद्रम दंटी अत्तासकी, देवुदु ओरिनु अडती नुंची सीनै ईंदा मेंट्टा ताकि तिसोत्तोंडू, आमेट्टाता के मूसा वेसो मत्ति मारा तिनु उड्तोंडू, जनम अंता आ मट्टा तू ईडपू पका तुग्तोरू।
देवुडू मूसा तो नी इस्राएल जनम तो केत्तोंडू, एका मीरंदोरू ना माटा केंजोमंदावालू. मीतोंटी ओर्रु माटा केतानु दनिन कुर्तासी मंदावालू, मीरू आला तुन्गकिनु अस्की मीरू ना नुंची पुरस्कारम, दब्बू, याजकुलू मन्दानी राज्यं, इंका परीसुद्दा जनम गा मंतिरू।
देवुडू देग्गेरू वादानाकू जनम मुड़रोस्किनु दंकाओर्क ओरे तैयार तुग्तोरू, अस्की देवुदु सिनै मेट्ततुंची डीग्गी वत्तोंडू, ओंडू वत्तासकी भुकप्पम वत्ती, गट्टी मेर्सती पोर्रू गत्टिंग दूम वत्ती, अस्की बुरा गोला वत्ती, अस्की मूसा मेंट्टाता तेर्री आत्तो।
असकी देवुडू जनत तोंटी ओर्रु माटा केत्तोंडू, नन्ना मीदेवुडू, येहोवा, नन्ने मीमिनु मिस्र तोर नुंची कापडितान वेरे देवातानु पुजिस्माटू।
मीरू बोम्मेकू तुन्ग्माटू, वाटीनु मोड़क माटू, बरित्किनु नन्ना येहोवा, मी ओरटे देवुटीनु, ना पेद्दे टीनू अड्डा गोलू केत्तामाटू, सबथ रोजू परिसुद्दा रोजू ईन्जो गुरतु तासाटू. आरू रोस्क पन्नी तुन्गिमाल्ला एडो रोजू पन्नी तुन्गुकु, नानीन पुजिसा रोजू।
मी येव्वानु ईय्यानु माटा केंजवालू, बेन्निनु आव्क्मटू, तप्पू तुगमाटू, बेन्ना दोंग्मटू, वेरे लोत्ती वनटी ईस्टबर्दामाटू (मुत्तेनु, लोत्ति सामानु )।
अस्की देवुडू पादी आग्याकू, रेंडू रायकी पलाकाना रासी मूसा कु ईत्तोंडू, देवुदु केत्तो ई आग्या लेकनु नाडदा वालू ईन्जो, इंका चाला माटा गु केत्तोंडू ओका वेला वींटीनू पालन तुन्गिनु देवुदु ओरिनु आसिर्वदम तुगितोंडू, इंका ओरिनु कपदितोंडू कानी ओंडू केत्तोंडू, ओका वेला ओरु माटा केंजुकू मतकी, ओरी सिक्सीसीतोंडू।
देवुदु इस्राएल तोरिनु ओर्रु बेर्रा पाका तुगटू ईन्जो केत्तोंडू, आ पकतिनु बेला तुन्ग्वालू दालोपलू बातावाटवलू इंका आ पाकता रेंडू गद्दी वटवालू, बेर्रा गुम्मा गुड्डा वटवालू, अस्की, देवुदु आ पेर्के गद्दाता वतोडू इंका आ गद्दा महा याजक ओर्डे आन्दवालू.।
आ पाकता कु तीरम इदानी ओर्रुसोटा तुगटू, बेनुड़ा तप्पू तुगिनु ओर्रु जीवतिनु तछु महायाजक कु ईदवालू, ओंडू दनिनु तिरमु ईतोंडू, देवुदु केत्तोंडू आ जीवतु नेत्तुरु आ मडसिनु पापनु नोरदीतू अस्की देवुदु ओनु पापनु उडोन्डू, आ मडसुडू देवुटू मुन्नी पवित्रंगा मंतो देवुदु मूसा टू तम्मिनु आरोन तिनु ओनु लोत्तोरिनु याजक आदनाकू ऐन्चतोंडू।
देवुदु ओरकु इत्ती पदी अग्या वटीनु पालन तुन्गाटू ईन्जो कत्तो, इंका ओरु देवुटू पिल्ला गा मद्दवालू, इंका देवुटीनु आरादाना तुग्वालू ईन्जो केत्तिस्तोंडू।
चाला रोस्क मूसा सिनै मेंट्टातू पोर्रे मत्तोंडू, आग्गा ओंडू देवुड तोंटी तिरियो मत्तोंडू कानी जनम ओंडू वदनादु उडी उडी अयवत्तोरू, अस्की इस्राएल जनम बंगारा तछु मल्ला, ओर्रु बोम्मितिनु तुग्कडू आ बोम्मा देवुडू गा पुजिस्कडू इला तुगी मल्ला बेर्रा पापम तुग्तोरू देवुटू वीरुद्दंगा।
आरोन ओर्रु बक्का पेय्यातु लेकनु, बंगाराम तोंटी बोम्मी तुंग तोंडू, अस्की आ जानाम मोड्का नंकू आरंब तुग्तोरू, इंका तीरम गु इसो मत्तोरू, ओरु तुंगी ती पापम वल्ला देवुदु गट्टीन्ग कोपरतोंन्डू, देवुदु ओरिनु आव्कनान्कू मत्तोंडू असकी देवुटा मूसा प्रर्ताना तुंगा वेला, देवुडू ओनु प्रर्ताना केंजी ओरिनु बुता तुन्गिल्लो।
आसकी मूसा सीनै मट्टा तूंची दिग्गी वत्तोंडू, ओना रेंडू रायकी पालका मत्ताकू, वांटा देवुटू पदी आगया मत्ताकू, आसकी ओंडू आ बोम्मितिनु उद्तोंडू, अस्की ओंडू गट्टी कोपर्सू आ पलाकाणु नेलु एस्सितोंडू।
अस्की मूसा आ बोम्मितिनु पोडीसिसु बुडिदी तुंगीतोंडू, आ बुडिदी तिनु एत्ता कालीपी मल्ला, आ जानात्कू उप्पिस्तोंडू, देवुदु ओरु पोर्रू कस्ताकू रोत्तोंडू, अस्की ओरा चाला जानाम दोल्लात्तोरू।
मूसा बे पलाकान आतकी पच्चीस मत्तोंडो, वालेकनु 10 आज्ञा मन्दूनु कोत्ता पालका तुंगथोंडू, अस्की ओंडू मल्ला मेंट्टाता तेरतोंडू, अस्की ओंडू जानम तिनु देवुदु क्षमींचवालू ईन्जो प्रार्थना तुंगतोंडू, देवुदु मूसा टू प्रार्थना केंजी ओरीनु क्षमिन्च्तोंडू, अस्की मूसा 10 आज्ञा मंदानु कोत्ता पालका पोयसू दिग्गिवात्तोंडू, अस्की देवुदु सिनै मेंट्टा तूंची माटा इत्ती देसम दाका ओरिनु नाडपिस्त्तोंदु।
बाईबिल नुंची ई कत्ता :निर्गामाकंडम 19-34
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।