14. आडता उडनादु

देवुड इस्रीएल तोरकु आ नियमाकू केतानाक आकार तुन्गतोंड होर्कू माटा हित्व पाटीस्नाकू। होंड सीनेय मेटटता मिन्नी करंक तोंड अग्ग माटा हित देशम होतोंड आ देशमतिन कनान हिन्तोर देवुड मबिन थम्बा आस मल्ला होर मुन्ने -मुन्ने अत्तोंड इंका होरु होन पेर्की -पेर्की अतोर।

देवुड आब्रहम, इसहाक, इंका याकुब्कू माटा हित देशम होर जाति वारकू हितोंड कानी इंजी अग्गा चाला जाति वारु मंदनोर। होरु कनानीर अतोर। देवुट आराधना तुन्गनोर आयु। होन माटा केंज नोर आयु देवातान पुजिसनोर होरु चाला कासी मेला पन्नी तुन्गनोर।

देवुड इस्रीएल तोरिन केतोंड, “मीरू माटा हित देशम था अतास्की अग्गा कनानीतोर तोंटी मन्नामट्टू होर तोंटी पेल्लाडमाट मिरू होर बोम्मेन अन्त्ता नाशनम तुन्ग्वाल मिरू नन्ना केती माटा केंज कुटम मतकिन मिरुगुन होर पूज तुंगन देवतन पूज तुन्गीतिर।”

अस्की इस्रीएल तोर कनान एव्तास्की मूसा इस्रीएल तोरिन अन्नी गोत्रा निंचीओरु -ओरु पनेड मंडसरिन एन्चतोड होंड होरीं अग्गा अंज मल्ला आ देशम तोर तोंटी कल्यानाक केतोंड हुडाट आ देशम बेला मिन्दी होरीं कनानीतोर तोंटी कल्यानाक केतोंड उड़ाट होर बलम मतोरा बलम हिल्वोरा मतोरा।

आ पन्नेडे मांडसुरूक आकार कानान ताला नाल्पेयरोस्कू उडतोर मल्ला ओरु बत्तरू। ओरु जनात्कू केतोरू “आ देशम गटटीन पंटा पंडान देशम व्यवसायम गटटीन तुन्गोतोरू! पददी मन्द कल्यातोरू केतोरू “ओरु नाटे गटटी बलम मंदनोर इंका” ओरु जनम पोड़गु लाव मिन्दोरु! मन्नड ओरु तोंटी हमला तुन्गकिन, बेलाकाही होडानताडू मननान अव्यकितोरू।”

असके कालेब, यहोशू इंका वेरे हिरवुर तोंडी थोर केतोंर, “हिदू निजामे कनान तोर पोड्गु इंका बलम मंदनोर। आलाके बेलाकाही होरीन मन्नाड होडिसोचु! देवुड मन्ना सेंगा लडेमातोंड।”

जनम कालेब, यहोशू माटा केंजी हिलोर होरु मूसा, हारून थी पोर्रू कोपर्तोर इंका केतोर”निम्मा माम्मिन ही भयम मंदन जगाता बार ततींन? मनाड मिस्र थागे मंदानद मति आ देशम था अत्किन युद्ध मकिरा डोलांतर, इंका कनान तीर मन्ना मुतकिन, पिल्लान, पन्नीमंशिगा तिन्गितोरहोर मलसमिस्र होयमुट इंजोर वेरे वानिन एनच्चो मतोर।

अस्की आ जनम आला केतान वेलन देवुड गट्टीन कोपतोंड। अग्गा कलायन जागता वातोंड इंका केतोंड, मिरू ना पोर्रू कोपाम तोपिस्तिर। अन्द्के मीर अन्दुर गगता हुड्नाद आती। हिर्वेय सवसरानोर इंका दानक बेर्तोर अन्तोर डोलंततोर इंका आ देशम बेस्किगुन अन्दालिर नन्ना मीक केचोंदन कालेब गुन यहोशू अग्गा अन्तोर

अस्की जनम देवुड हिला केतनाद केंज्तोर होरु दुखम असतोर बहित्किन होर पापम तुन्गतोर अन्द्के होरु कनान जनात पोर्रू वड्सनाक अल्स्तोर मूसा होर्कू अदमट केतोंड देवुड होर तोंटी अनोंड़होर होन माटा केंजीलोर।

देवुड ही युद्धम था होर तोंटी तोड़ अन्दिलोंड अन्द्के कनान तोर होरीं होडीस्तोर इंका होरा चाला मन्द्तीं अवकितोर। अस्की इस्रीएल तोर जनम कनान नुंची माल्स वातोर। वादन नाल्पेय संवसरा दनकाहोरु अडतागे हिकी -अकी हुड़ोर मंतोर।

इस्रीएल जनम नाल्पेय संवसरा अडता उडतसकी, अतसकी देवुड होर कावल्सिनावअंता हितोंड। पोरों नुंची मन्ना हिन्दन दोडाहितोंड। पोर मंदन पिटे ओरु लोकिन रोतोंड इंका तिन्दान आ मोतम सवन्सरा ओरु गुड्डा हिन्गिला इंका एर्पुंप तेग्गिल्ला।

देवुड चमत्कार तुंगी बड़ात हुन्ची एर पेतिस्तोंड एर हितासकी गुन इस्रीएल जनम देवुड कु मूसा कु विरुदंगा आयनागुडा देवुड नम्मकंगा मंजू होरुकू हितां इत्ती देशम अब्राहम, इसहक़, याकूब हितां इत्ती देशम सेंगा आंगतोर |

ओरु संयान्ति ओरा एर हिल्कुंटम मत्ति देवुड मूसा तोटी केतोंड”बड़ात तोंटी तिर्या, अग्गा नुची एर वती”। कानी मूसा बड़ाट तोटी तिरिएलोंड। रेंड शूट बडती आ डूडटी वड्सतोंड।

इस्रीएल जनम नाल्पेय सवसरा तप्तास्की देवुड विरोधंगा तुन्ग्तोर अंदोर डोलातोर अस्की देवुड इताना हित देशमदेगेरे ओरिन तिसोतसकी मूसा मुकाल आ मातोंड आ जनम थिन यहोशू न एंच्तोंड ओरु शूटकु देवुड मूसा केचमातोंड निलेकम ओरु बेरा नेतान रोतितन।

अस्की देवुड मूसा ना बेरा मेटता अन्दनाक केतोंड। मल्ला देवुड माटा हित देशम थी तोपिस तोंड। मूसा देवुड केती देशम थी हुड तोंड कानी आ देशम अन्दिसीलोंड। अस्की मूसा डोलातोंड इस्रीएल जमन मुंड रोस्कू केयतोर। मल्ला यहोशू कोत्ता नायकूड अतोंड। यहोशूओरु सायंमातोंड बरहित्किन होन देवुट पोर्रू नम्तोंड इंका होन माता केंज तोंड।