32. येसु देय्यम पोयती मडसी नी ओर्रु जब्बु मन्दानी नटवा टीनू साईं तुग्तोंडू

यीशु ओरु शिशुर्किन तोंड ओरु होडात गिरसिनीजनम मन्दान नाटी अतोर आ नाटी एव्वास मलान होडात हुन्ची डिगतोर।

अग्गा ओरु मंड्सुंडू दैयाम पोयस मति।

आ मंड्सुंडू आछु गट्टीन मातोंड बनुन गुडा पोयदादिलोर चाला सुटुकू होनिन पोस मल्ला कैयाकिन सैयन्दी तोचमालन काल्किनु गुन तोंच्माला कानी होंडु आ सैयकीन देतितोंड।

आ मंड्सुंडू येक्वा विसिकिनानागे मातोंड आ मंड्सुंडू नरका पेयल केयोरून मन्दनोंड होंडु गुडा केर्दानोंड अय्यु हॉंक होंडे रायकिन तोंटी वाड्सी पुंडूकु तुन्गानोंड

आ मंड्सुंडू मिरी वास यीशु प्रभु मुन्नी वास कुद्तोंड अस्की यीशु आ मंड्सिना मन्दान दैयात तोंटी तिर्यो हिला इंजोर केतोंड। ही मंड्सी नुंची बेयदी अन्नू।

आ दैयाम बेर्रा लेंगादी कैयाती, ”ये यीशु देवुट मरीने निक ना तोंटी बात पन्नी दया तुंगी नान्नी तिपावाटमा”अस्की यीशु आ दैयात तल्पतोंड, ”नी पेदेर बात आ दैयाम केती”ना पेदेर सैना बार्हित्किन मम्मा चाला पज्जा मिदाम, ”रोमी सैयनिकिरागु वेयद कान येक्कवामंदन ओरु सेना इंजोर केतोंड।”

आ दैया अंता यीशु हिला इंजोर तप्लता, ”देया तुंगी मलान ही जागत हुन्चिन बेयदी रोतामा, आ पक्ताके ओरु मट्टाता दिबी पद्दी मेयो मता अग्गा रोचिम अन्देके दैया यीश तिन हिला इंजोर तल्पता, ”दैया तुंगी मलान आ पद्दिना रोमू यीशु केतोंड अलाके अग्ग अनूट।

अस्की आ देया अंता गुडा आ मंड्सिन नुची पेच मल्ला आ देय्या पददीन लोपल अंजू आ पदी अंता मिरोरू काल्वता आरसु डोलता आ पददी मन्दा 2000 मत्ता ।

अग्गा आ पददीन मेतानोर अग्गा जर्गाताद अंता उडी मलान ओएउ नाटी अन्तोर्कू यीशु तुन्गाताद अंता जनताककेचिटर आ नाटेनोर निची जनम बेयदीवास मलान आ से अंतीं मंड्सिन उडतोर होड़ सायंगुडा केर्सू मातोंड इंका सायेट मंड्सुन लेकाम कुदुकू तिर्यो मातोंड।

आ जनामु गट्टीन वेर्सन्जमलान ओरु अंदोर यिशुतीं अन्नू इगानुची केतोर अस्की यीशु होडाता तारतोंड आ मंड्सुन्ड बेना दैयाम मतों, होंडु यीशु तोंटी वातोड़ इंजोर केतोंड।

अस्कीयीशुहिला इंजोर केतोंड ओदु नन्ना केचोंदान लोन अंजू मलान केला देवुड निया बाता तुन्गतोंड, ओरुकू तेल्सू देवुड निकू बेला देया तोपिस्तोंड

अन्देके आ मंड्सुंडू अन्तोंड अंजू अन्दरिरकू केतोंड यीशु बाता तुन्गातोंड, होंड केता माटा केंजी मलान अन्दुरू उडो मतोरू। .

यीशु वान्गीन अब्बार अतोंड होड़ अग्गा एवातासकी अग्गा गट्टीन जनाम कुड़ी होनिन नोकोर मतोरू आ जनता ओरु नाटवड पन्नेंड सवन्सरानेतुर अनदान जबतोंटी मति, अदू दाना मन्दान डब्बकु अंता मतिनोर्कू हिती बार्हित्की दनिन साय तुन्गितोर इंजोर कानी दान जबू इंका येक्वा असोमती।

आ नाटवाड केंजी मति यीशु चाला जबू मंदानोरिन सायी तुन्गितोंड, अदू हिला इंजोर आलस्ती नन्ना नम्मो मिन्दान नन्ना यिशुत गुडतीन केटकिन बाग़ आतां इंजोर अन्देके अदू यिशुन पेर्की वासोरून होन गुडतिन केटी बेस्कत्किन होन गुडातिन नेतुर जबू सायी अती।

अस्की यिशुत कु तेल्यती होंनुंची शक्ति पेच अतादु अन्देके पेर्केंक गिरुड़ी तल्प्तोंड बेनुंडू नान्नी केटोंड, अस्की शिशुर्कू हिला इंजोर कतोर, हिग्गा अच्चा जनाम मिदोर निसुटून इंका निनी नोकोर मिन्दोर निम्मा केचोंदीन नान्नी केटोर इंजोर।

आ नाटवाड यिशुन देगेर वांडकोर वेरसोरुन होन देगेर वास कूदती अदू होकु हिला इंजोर केती अदू बात तुन्गतादु इंका बात अतादु गुडा केती। अस्की यीशु हिला इंजोर केतोंड नी विश्वाशम निनी सायी तुन्गती समादनाम तोंटी अनु।