33. व्यवसायंम तुन्गनी ओर्रु मडसीनी कत्त

ओरु रोजू यीशु गोदाट वोडिना, मातोंड, अग्गा दिबी जनम कु देवून माटा केचो मेतोंड होन माटा केंजनाकू दिबी जनम वतोरू यिशुतकु हिन्तोंती तिर्यनाक सोटे मंदिली, अन्देके होंडु एत्ता मंदन होडाता तरतोडू। होंड अग्गा कुदी मलान जनातकु नेर्पिस्तोंड।

यीशु ओरकु ओरु कथा केतोंड”ओरुंड वेवासायाम तुन्गानाक वितानाक पेतोंड, होन कैयादा वितनाम वितोमतोंड, कोदिग वितना अर्दा रालता, वाटीनु पिटे वास मलान तीता।

रेंडो वितनाम राय्कि मन्दान भुमता आरती अग्गा मंडूल तकावा मती, रायक मन्दान भुमता राल्त वितनाम अदू जपु वती बार्हित्किन दान वेकु लोपल गट्टीन मांदिला बेस्कत्की गट्टीन इद तेरती आ मोकी वातंजू डोलती

आ मुंडो वितान्मु कोये मन्दान भुमता रालती आ मोकी बेस्कत्किन पेरसो माताको, अस्की कोये वांटीन नोकिता अन्देके कोये मन्दान भुमता आरति वितानाम बाता गुडा वादिली।

नालगो वितानाम सयेट भुमता रालती, आ वितानामु पेर्सिमालन बेचो अतकिन वितोरो 30, 60इंका 100 गुना पंटा वती, बेनुंड अतिकिन देवुट हिस्ट म नाडदनाकअन्तोंड़ो ओढे आ माटा सायंकेंजी तास्वाल बनुन माटा नन्ना केचो मिन्दानु।

ही कथाशिशुर्कू असाल अर्दाम अदिली यीशु माला वोर शिशुड कु केतोंड आ वितनाम देवुट वाक्यं आ ओरु मंड्सिन लेकाम होंडु देवुट माटा केंजी तोंड कानी दानिनअर्दाम तुन्गातोंड अस्की दैयाम वासी आ व्याक्यमती ओतोंड़। अस्की दैयाम वाय्कयम अर्दाम अयुकुनटम दुरम तुगीती।

आ रायक मन्दान भुम्मु हिलाट मंड्सिन लेकाम अदू देवुड माटा केंजी मलान होंडु गुंडिता तासी मातोंड कानी तिपा समियम वातासकी, बसकी वेरे जनम हिबन्धी तुन्गितोरू अस्की होंडु देवुट नुंची, दुर्म अतोंड अस्की होंडु, देवुटिन नम्मनाद विदिसितोंड।

आ रायक मन्दान भू हिलाट मंड्सिन लेकाम होंडु देवुट माटा केजी तोंड कानी होंडु अन्नी गट्टीन डब्बू गुरुंची गट्टीन एकान आल्सो मंतोंड। होड़ गट्टीन डब्बू संपादिस नाक आल्सो मांतोड इंका चाला कवाल इंजोरन तुन्गानाक मतोड़ कोदिग रोस्कू अतासकी, होड़ देवुटिन प्रेम्हिंचा कुंटाम अस्तोंड। अन्देके होंड देवुट माटा नेर्स्तावता होंडु देवुटिन ख़ुशी तुगालकुटम मातोंड। गोदमा राल गटिन लेकाम मल्ला अव्वु गोदमाहिवुकू।

सायेट भूम हिलेट मंड्सिन लेकाम होंडु देवुट माटा केंजितोंड आ माटा नम्मी तोंड इंका व्याखाय्म लेकम बतिकितोंड।”