34. येसु वेरे कत्तगु केत्तोंडू

यीशु देवुट राज्यम गुरुंची वेरे कथा होर्कू केतोंड। ओरकु आर्दम आदान लेकाम केतोंड। देवुट राज्यम ओरु आव गिन्जा लेकाम मिन्दी बेनुंड दानिन होंड भूमता वितोंड मीकु तेल्सू आव गिन्जा अन्ता वांकु चिनादू।

”कानी बेस्केटकान आव गिन्जा पेरसितो आ तोंटता मन्दान मोकेंका अंता बेर्राद आसंती। हिचाबेराद आसंती पीटैवास मलान दान कोमानागे कुदि मता।

येशु इंकोर कथा केतोंड, ”देवुट राज्यम पुलांग मन्दान पिंडीलेकाम ओरु नाटवाड दानिनु पीड़ा वाटान दाना वाटी थी। अस्की आ पीडन अंता कलियती।

आ देवुट राज्यमु आ बंगाराम लेकामु मिन्दी, दानिन बनुन मंड्सुंडू भुमता मिसितोंड। वेरे मंड्सिंकू आ बंगाराम दोक्ति ओंडू दनिन ओदानाक अन्कुटोंड कानी वाटीन माला अग्गे मिसितोंड होंडु गट्टीन सरदाग तो निदातोंड होंड अंज मलान होना मन्दाना अंता अमितोंड होंडु आ भूम तिन तिसनाक बेगा आ बंगाराम मति।

आ देवुट राज्यमु ओरु वजाराम लेकाम मिन्दी बेस्कत्किनु ओरु व्यापरम तुन्गानोंड तेल्स्कुंडितोंड अस्की होंडु दानिन तिसनाकू होना मंदानाव अंता अमितोंड।

अग्गा चाला जनाम मतोर हिला हिन्जोर आल्सो मातोंर। अन्देके देवुड हिनिनु गट्टीन नाम्मितोंड बार्हित्किन सायेट पनकू तुंगो मिन्दोंड। ही जनम हिलाट मंड्ससिरकिन साय उड्नोर अय्यु बेनूर अन्त्किन सायेट पनकू तुन्गोर अन्देके यीशु होर्कू कथा केतोंड। हिरवुर मंड्सुर्कू मतोरप्रधाना तुन्गानाक गुडियदा अरोरू। होरा ओरुन्डू ड्ब्बकु वसूल नोंड़ इनका ओरोंड धर्मशासत्राम केतनोड।

आ धर्म शास्त्राकेत्नोंड हिला इंजोर प्राधाना तुन्गतोंड। ये देवुड नन्ना निकू वान्दाना केचोंदान बार्हित्किन वेरे जनम लेकाम अय्यु बेलाहित्किन डोंगनाडू, मोसम तुन्गानादु, व्याबिचार्म तुन्ग्गानादु इंका न पकात मंदन डब्बकु वसूल तुन्गान पापा मंड्सिन अय्यु।

बेलाहित्किन नन्ना वारात्कू रेंड रोस्कू उपावास्म मंतान इंका नन्ना सम्पादिसन डब्बकु नुंची दशम भागम गुडा हितानु।

अस्की ड्ब्बकु वसूल तुन्गान मंड्सुन्ड आ धर्म शास्त्राम केतान मंड्सी नुंची दुरम मंजी निल्ली होंडु पोरोटगुडा उडालकुंटाम अस्की होन कैयाकिन मुटा पोयस मलान होड़ गुंडितिन वाड्सोर ये देवुडा ना पोरू दया तोपिसा बार्हित्किनु नन्ना ओरु पापम तुन्गान मंड्सिन।

मल्ला येशु हिला इंजोर केतोंड नन्ना मीकु निजम केचोंदान देवुदु आ ड्ब्बकु वसूल तुन्गानोड प्रधाना केंजी चमिन्तोंड सयिवंड गा तुन्गातोंड कानी आ धर्म शास्त्राम केतनोड प्राधाना केंजिलोंड। देवुड बेनूर अतकिन ओरकु ओरे येक्वा तुन्गितोरो अल्टोरीन तागिसितोंड कानी बेनूर अतकिन ओरकु -ओरे तागिसितोरो ओरिन आशीर्वादम तुंगी बेर्रा तुन्गितोंड।