35. दया तोपिसनी ईय्यानु कत्ता
ओक्क रोजू यीशु चाला जनात कु नेर्पिसो मातोंड बेनूर आतकीन होन गोटी केंजिनाक मंतोरो आ जनमु डब्बकु वसूल तुन्गनोनि इंका वेरे जनमु देवुट माटा नु देवुट माटा केता लेकाम नाडद्कुनटम मंदनोर गुन मंतोर।
धर्मशास्त्रमतिन केतनोर कोदिग बेर्रा तोर हिव्वानता उडी ही जनाम तोंटी ओरु जतातों लेकाम तिर्यो मिन्दोर। अन्देके ओरु अंता ओर्निकू -ओरोंड केचो मतोर, होंडु तपूड माटा केचोंदोंड इंजोर यीशु होरु हिला तिर्यानाद केंजी अन्देके होर्कू ओर कथा हिला इंजोर केतोंड।
ओरु मंड्सुन्ड मातोंड होंकू हिरवुर मरकु मतोर। चिना मरू ईय्यांक हिला इंजोर केतोंड, ये ईय्या नाकु इंजी नाकुवादान आस्ति नाकु हिमु अस्की होर हियाल हिरवुर मर्र्किंक करंगी होन आस्तिन हिर्वुरिर्कू सदिरितोंड।
जपु आ चिना मर्रु होन आस्तिन अन्ता पोयस मलान दुरम मन्दान देशम अतोंड। अग्गा ईस्टम वात्ताट मतकी पापम तुंगी होन डब्बकीनू अंता, आकार तुन्गतोंड।
दान तर्वाता बेन देशम अतकिन चिना मर्रु मतोंड़ो आ देशम गट्टीन करवु वती अस्की दोडा तिसनाक गुडा डब्बाकु मांदिला। अन्देके होंकू ओरु पन्नी दोर्क्ति अदू पददीन मेतानाद होंड गट्टीन बादा तोंटी इंका कर्विन मातोंड अन्देके पददी तिन्दनाद तिन्दानाक आसो मातोंड।
अस्की आ चिना मर्रु होंकू होंड हिला इंजोर केतोंड। नन्ना बात तुब्गोमिन्दान ना ईय्याना मन्दान पन्निवारा अन्दरिरातिन्दानाक अंता मिदा, कानी नन्ना हिगा खरविनु डोलान्जोर मिन्दान। नन्ना गिरुड़ी मलान अंजू मा ईय्यान्ना ओरु पन्निवंड लेकाम मंतान।
आ चिना मर्रु होरु ईय्यान्न लोन अतसकी, होड़ इंका दुरम मता अस्की होर ईय्याल होनिन उडी मलान बागा आनन्दमा अतोड़, होंड मिरी देगेर अनज्मालनहोनिन गर्मुन्डीगी बुर तोंड।
आ मर्रु हिला इंजोर केतोंड ईया निकू देवुत्कू विरुदनगा पापम तुन्गतान नन्ना नी मर्रु केतनाकू, सुमार आवोन।
अस्की ईय्यालू ओर पन्निवान तोंटी हिला इंजोर केतोंड जपु अनज्मालन न मरीनकु सयेट गुडा केर्पिसाट, होन कैयादा उन्गाराम वाटी होनु कालादा एर्र्पू वाटाट अस्की सायेट मेकतीं न कोयमुट मनाड अंदोरु तिजू पंडूम तुन्गकाड बार्हित्किन। ना मर्रु डोलानज मातोंड होंड इंजी बतक्तोंड। होंड मायंज मातोंड होंड इंजी माकू दोर्कतोंड।
अन्देके जनाम अन्ता पंडूम तुगो मतोर। जामर मंतास्कीबेर्रा मर्रु पन्नी सेन्दा तुंगी मलान लोन वातोंड। होंडु पाटकु तुल्लानाव अन्ता केंजी बागा अल्सी मलान ईग्गा बात जर्गो मिन्दी।
अस्की बेर्रा मर्रिन्कू तेलियती, होर तम्माल वादावेलान अन्देके ईग्गा पंडूम तुन्गोदोर अस्की होंडु गट्टीन कोपार्स मलान लोन वाद्कुनटम कोपर्स मातोंड। ओर ईय्याल बेयदी वासी अन्दुर तोंटी पंडूता वासी कल्या। कानी होंड वारोंन इंजोर केतोंड।
अस्की बेर्रा मर्रु हिला इंजोर केतोंड इचू सवन्सरा नन्ना निसेंगा निम्मा केताट व्यवसायं अन्ता तुन्गतानू बेस्केट गुन नन्ना निम्मा आला केंजोर मातन कानी निम्मा बेस्किगुडा ओरु चिन्ना मेका पिल्ला गुडा हिदिलिन नन्ना ना जतागर तोंटी तिन्तान इंजोर केतकान गुडा। कानी नी चिन्ना मर्रु होन ड्ब्बकिन अन्ता आकार तुन्गितोंड। बेसकी अतका होंड वातोंड ओन सेंगा निम्मा पंडूम तुन्गनाक सायेट मेकतीं कोयतिनु।
ईय्याल हिला इंजोर केतोंड ना मरीने निम्मा नातोंटे मतीन बात अतकिन नाया मिदो अवंता निवादे। मनाडू पंडूम तुन्गनाद सायेट बार्हित्किन नी तम्मालू डोलंजमातोंड होड़ इंजी बत्की मिन्दोंड होंडु मायांज मातोंड मन्नक इंजी दोर्कतोंड।
बाईबिल नुंची ई कत्ता : लुका 15
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।