37. येशु लाजार थिन समादी तूंची तेतोंड

लाजर हिन्दान ओरु मंड्सुंड मतोंड होंकू रेड यक्का मता, ओर दान पेदेर, मरियम, इंकोर दान पेदेर मार्था। हीरू येशुत्कू साय जतागा आस मतोर ओक्क रोजू ओरोंड येशुतक केतोंड लाजर गट्टीन जब्बु परसंज मिदोंड। येशु केंजी मलान हिला इंजोर केतोंड, ही जब्बु लाजर डोलानक वादिली, कानी हिदू देवुट कु महिमा तुन्गानक आती।

येशु ओरु जत्वारिनु प्रेमिन्चो मातोंड। येशु बेगा मतोंड़ो अग्गे रेंडू रोस्कू अन्गतोंड। आ रेंड रोस्किन तर्वाता येशु ओर शिशुर्डकु हिला इंजोर केतोंड वाराटूमाला गिरुड़ी माला यहूदा नाटी अन्दकाड, ”शिशुर कु केतोर, ”ये प्रभु कोदिग रोस्किन मुन्ने अग्गट जनाम निनिन अवकानाक मतोर येशु केतोडू, मन्ना जतवांडू लाजर उन्जो मिदोंड नन्ना अंज मल्लन तेतवाल।

येशु शिशुर्कू हिला इंजोर केतोंड, ”प्रभु निजम लाजर उन्जो मिन्दोंडा। होंडु साय अतोंडा अस्की येशु होर्कू आर्दाम आदान लेकाम केतोंड। लाजर डोलान्तोंड नन्ना चाला आंन्दिसो मिन्दान नन्ना अग्गा मंदिलान अन्देके मीर नानिनु विश्वास हिन्चाट।

बेसकीअत्किनू येशु लाजर नाटी येवतोंड़ो लाजर डोलिमल्ला नालू रोस्कू आसो मति। मार्था येशून कल्यनाकू बेयेदिवास हिला इंजोर केती, प्रभु निम्मा ईग्गा मन्दानअतकिन मा तम्माल डोल्कोंड अय्यु कानी नन्ना नम्मो मिन्दान, कानी बात अतकिन गुडा देवुटक निम्मा तल्पकिनु होंडु निकू हितोंड।

येशु केतोंड, ”डोली तेदनादु, बत्की मंदानादु नन्ने बेनुन अतकिन ना पोरू विश्वासम तासी मतोंड़ो, होंडु डोलात्कान गुडा बत्कितोंड। बेनुन अतकिन नानिनविश्वास इंचीमतोंड़ो होड़ बेसकी डोलोंड निम्मा नाम्मितिना? मार्था अस्की केती। प्रभु नन्ना विश्वास हिस्तान निम्मा देवुट मरू मसीहा आस मिन्दीन।

अस्की मरियम वत्ती, अदू येशु न काल्किना राली केयती, ”.ये प्रभु निम्मा ईग्गा मंदान्त्किन मा तामाल डोल्ल्कोंड अय्यु येशु हिला इंजोर केतोंड। मीर लाजर तिन बेगा वाटिर, ओर कतोर होनिन विस्किना वाटाम इंजोर केतोर। वास मल्लन उड़ा, अस्की येशु केयतोंड।

आ विस्कु पान्कू हिना मत्ति आ पान्कुता ओरु रायुम आडाम वाटी मतोर, येशु आ विस्किना येवास्माल्लन केतोंड आ रायुतिन तिसाटू अस्की मार्था केती, होंड डोली मलान नालू रोस्क आसो मिंदी, अगाट हुन्ची कड़ियती गबु वाती।

येशु केतोंड, नन्ना निकू मुनने केच्चामतन गदी निजम निम्मा विश्वासहिन्चाट देवुट शक्तिन उडितींन इंजोर, अस्की ओरु आ रायुतिन तिसितोर,

अस्की येशु मबिन पोरू उडोर केतोंड, ईय्या ना प्राधाना केंजोर मिन्दिन अन्देके नीकु धन्यावादम केचोमिन्दन, नाकु तेल्सू बेस्केट गुडा ना प्रधाना केंजितिन। बाहित्किन नन्ना हिग्गा निल्ली मंदानोर अंदोरकु सहायम तुन्गानाक केतान। अस्की हिरंता नाम्मितोर येशु हिला इंजोर केतोंड, ये लाजर बेयदी वा।”

अस्की लाजर पेच मलान बेयदी वतोड अस्की गुडा होना गुड्डा उत्ती के मता। येशु केतोंड आ गुडा तिसनाकू होंकू सहायम तुन्गाट। इंका होनिन विडादल तुगाट, ही अद्भुता तुगान वेलान चाला मंदी यहूदी जनम पोरू विश्वासम तुन्गतोर।

कानी यहूदी जनता मंदान पुजरिरू येशून पोरू कोपारतोर, अन्देके ओरु तिरयानक कुड्तोर बेला य्व्शुं गुन लाजर थी अव्वाक वाल इंजोर।