38. येशून पोयिस्तोर

प्रति सवन्सराम यहूदी जनम पसा पंडूम तुंगो मंदानोर। आ पंडूम दिनाम सेंगा हिला मति। चाला सवन्सरा मुन्ने देवुट होर मुनेट जनम मिस्र देशम था पन्नी वारगा मतासकी कापडतोंड । मिनड सवन्सरा तर्वाता यीशु बेयादी वास मलान जनातकू केतनाकू नेर्पिसनाक एर्तोंड। यीशु होर शिशुर किन केतोंड। ओर तोंटी यरूशलेम पसा पंडूम तुनका ईंजोर मातोंड। इंका अग्गा होनिन अव्व्कितोर

येशु शिशुर्किरा यहूदा इंदान मंड्सुंडू मातोंड। यहूदा शिशुड्किरा डब्बकु पोयस मंदानद होना पन्नी कानी अस्की -अस्की आ संच तूंची डब्बकु तीसोर मन्दानोंड। येशु नी ओरु शिशुड्कु यरूशलेम याव्तासकी। यहूदी – यहूदा पुजरिरा अन्जा मलान। होंडु डब्बकु हितकीन येशून मी कैयादी ओपगिसितान हिन्जोर केच मातोंड। होंकू तेलयी मति यहूदी पुजरिरू येशु प्रभु इंजोर नम्माकुनटम मतोंर। होंकू तेलयी मति ओरु होनिन अव्वाकानाक मतोर।

बेर्रा पुजेर केतान वेलन येशून ओर कैयादी पोयदिसनांक यहूदा कु मुपेय वेंडी हितोर। अदू आलाके जर्गती बेला भविष्यद्वाकता केच्मतोर अस्की यहूदा केंजी मलान आ डब्बकु पोयस मलान अतोंड होंडु येशून पोयसिदानाकूओरकु सहायम तुन्गनाक येकाम येदुर उडो मातोंड।

यरूशलेम ता येशु ओरु शिशुर्किन तोटी वास पंडूम तुन्गतोंड। पंडूम तुन्तागा, येशु रोटी तीसी मुका दुंची हिला इंजोर केतोंड दानिन तीस कुण्डी हीदी ना होलू नन्ना मीकु हिसोमिन्दन। हिदू नानी गुरुत तुन्गानाक हिसोदन हिलाकू येशु ओर सेगा डोलान जोर मिन्दान इंजोर केतोंड, ओर सेंगा होंड होल्दीन तिरम हितोंड इंजोरगुन तेल्सू।

अस्की येशु ओर दाखरसम मंदन गिनी तीसी, केतोंड दिन्नी उनुट ईदू कोता माटातना नेतुर नन्ना दिनिनु कारसोमिन्दान अस्की देवुड मी पापनु क्समिन्चितोंड येकाम दिन्निन उडनास्क नानिन गुरुत तुन्गाटू, बात अतकिन नन्ना मितोंटी तुंगो मिदानु।”

अस्की यीशु ओर शिशुडूक हिला इंजोर केतोंड, मी नाडवि मंदानोडे पोहिसो मिन्दोंड, शिशुर्क अंदोर बेदर्नज ओरा ओरोंड बनुन हिला पन्नी तुन्गोमातोंड येशु केतोंड। नानिन पोयिसनोड नन्ना बनुकु अतकिन रोटी मुक्का दुंची हितानु आ रोटी यहुदाकू

आ रोटी तिस्कूट तर्वाता यहूदा ना देयाम निगति, यहूदा अगट नुंची पेच मलान येशून पोयदिस्नाक, यहुदित पुजरिरकू सयाहम तुन्गानाक। अदू नरकाट समयां।

दोडा तितासकी येशून ओर शिशुर्डकु जेयतुन हिन्दान मेटाता अतोर अस्की येशु केतोंड नेडा नरका नानिन विड्सी अन्तिर। हिला इंजोर रासी मिन्दी नन्ना गोरेमेतानोनिनबादितान, गोरे हिकाकी मिरिता।

पतरस केतोंड अंदोर विडिसी मलान अतकान नन्ना निनी विड्सों, अस्की येशु पतरस तोंटी केतोंड देयम मी अंदरींनु होदनाक अलासो मिन्दोड़ ये पतरस नन्ना नी सेंगा प्राधाना तुंगो मिन्दान बार्हित्किन निम्मा विश्वासतूंची तपन्न कुंटाम अतकानगुन नेंड नरका कोरकू कुसिल्के मुन्ने मुंड सूटकु निम्मा नाक तेल्यु इंजोर केतिन।

अस्की पतरस येशु तोंटी केतोंड, नन्ना डोलात्कान गुडा बसकी केलोंन निम्मा नाकु तेलयु इंजोर केलोंन इंका वेरे शिशुर्कुड गुडा आले इंजोर केतोर

अस्की येशु ओर शिशुर्किन तोंटी केतोंड, गचिमानी हिना तोटता अतोंड। ओर शिशुर्किनु केतोंड प्राधाना तुगाट अस्की दैयाम मन्ना बात तुन्गु अस्की येशु गुडा प्राधाना तुन्गनाकअतोंड।

येशु मुंड सुटकु प्रार्धना तुंगी ये ईया ओक्कावेला अतकिन दया तुंगी। हिकास्टा इनका उड्नाकु ना उंची दुरम तुंगा कानी आ जनात पापा क्समिन्चि अदनाक इंका वेरे ओरु हिली अन्देके नी एस्टाके जारगावालएहू चाला बदते मातोंड। अस्की होन उर्बू नेतुर लेकाम पोंगती। होकु बलम हिदनाक देवुड ओर स्वर्ग दुतान रोतोंड।

येकाम प्रार्धना तुन्गती पेर्की येशु ओर शिशुड किर वास उडतोंड, बार्हित्किन ओरु उन्जाजो मतोर। अस्की यीशु मुड़ो सारे, वादनवेलानं यीशु केतोंड तेलवी मनुट! नान्नी पोयिसनोड़ हिग्गे मिन्दोड़।

यहूदी पोयतोरीन सैयनिकुड इंका ओरु चाला जनम तोंटी यहूदा वतोर। ओरु कसरी इंका डूडी पोयस मतोर यहूदी तोर यीशु देगेर वास होन तोंटी केतोर, ”ये बेर्रा तोंने नमस्कारम”इंका होनिन होंडु बुर्तोंड। ओरु पोयस मलान अंदान मंड्सिन यहूदी तोरिन ओरु तल्पानासकी हिला तुन्ग्तोर अस्की येशु केतोंड”, ये यहूदा बार निम्माओरु बुर्रीमलान नानीं पोयहिस्तीं।

अस्की होर सैयनिकुड येशून पोयसो मतोर, पतरस होन कसेर तीसी आ बेर्रा तोंड ओरु सेवाकुडीन केवदीन कोयसितोंड। येशु केतोंड, कास्टिंन दुरम तासा नन्ना ना सेंगा ना ईयाना नानिन कापाड़नाक स्वर्ग दुतान ओर सेयनाम्तींतालपोछु कानी नाकु ना ईयान माटा केंजवाल।”अस्की येशु आ मंड्सिन केवदीन साय तुन्गितोंड। अस्की येशु शिशुर्कू अग्गा निची मिरतोर।