41. देवुड येशून समादी तुन्ची तेतोंड

सैनिकुड द्वारा, येशून क्रूस ता पोरू वेलाडस्ति तर्वाता! यहूदी पुजरीर पिलातुस्त तोंटी केतोंड। बोलिसान येशु केतोंड नन्ना डोली मुंडो रोजू मल्ला तेदितान इंजोर केतोंड। बेंनरिना ईग्गा कापाला तास्वाल ओक्क वेला होन शिशुड्क वास मलन होत कीनो ओक्क वेला आला तुंगी मलान यिशुन डोली मलान तेद्तोंड

पिलातुस केतोंड, ”सैनिकिर किन तिसोय्मुटमलान मीर बेला आलोसो मिन्दिरो आलाके वाटाट। अन्देके ओरु निगान गुम्मता सैयकिन तोंटी गट्टीन तोच मतोर। इंका ओरु सैनिकिरन अग्गा कापाला तासी मतोर बेनूर वास मलान येशून होद्गुरु इंजोर।

येशु डोलता तर्वाता रोजू सब्त रोजू बेनूर गुन पन्नी तुंग गुडू, अन्देके येशून जतवार्रू बेनूर गुन विसिकिना वादिलोर कानी सब्त रोजू तर्वाता वेरवेके कोदिग नाटवा येशु मति विसिकिना अन्दनाक कद्लोर मता। अवू होन होल्दा सोंटू रासनाक अन्दनाक मता।

आ नाटवा येविदिल मुन्ने बेर्रा भुकप्म वती। ओरु स्वर्ग दूताम वास मलान आ विसिकिना रायातीं पकात नुकिती। आ विसिकिना पकात मति रायुम अस्की अदू दान पोरू खुदती। आ स्वर्गदूताम गट्टीन वेन्व्ल तोंटी मेर्सो मति। आ विसिकिना मति सैनिकुड उडतो। ओरु गट्टीन वेरसमलान कडक उडो मलान रालातोंड।

आ नाटवा विसिकिना येवतासकी आ स्वर्गदूता केती वेर्दामाट येशु हिग्गा हिलोंडू होंड, डोलांज तेदी मिन्दोंड बेलात्किन होंड केच मातोंड तेदितान इंजोर आलाके विसकिनालोपाल अंज मलान मेंगाट आ नाटवा विसिकिना लोपाल अंज मलान येशून बेगा वाटी मतोर मकता अंज उड़ता कानी येशु अग्गा मंदिलोंड।

अस्की आ स्वर्गदूता आ नाटवा तोंटी केती। अंज मलान होन शिशुर किन केलाटयेशु गिरुड़ी तेदी मिन्दोंड। इंका होंडु मिकान मुन्ने गलील इंदा नाटी अतोंड।

आ नाटवा गट्टीन आलासी मलान गट्टीन आनन्द दिसता ही खुश खबर शिशुडकिन केतानाक मिरर्ताकू।

ही नाटवा खुशेल माटा शिशुडकिन केतानाकू अंजो मत्ता आरदा येशु होरुकू तोपतोंड। अव्वु होन कालकिना रालता अस्की येशु केतोंड, वेर्दामाट अंज मलान ना शिशुरकिन केलाट गलील हिंदान नाटी अनूट इंजोर। ओरु नानिन अग्गा उदीतोर।