42. येसु परलोकम गीरुडी अन्थोंडू

बेन रोजू येशु डोलता अग्गा नुंची तेतोडू होन हिरवुर शिशुर्कू ओरु नाटी अंजोर मतोर अंजो -अंजो येशुत्कू बात जर्गतोवान गुरुंची तिरयो अंजो मतोरओरकु नम्मकाम मति होड़ मसीहा इंजोर आयानागुडा होनिन अवकितोर इन्जी कोदिगा नाटवा केचो मिदा ओड मल्ला बतकतोंड इंजोर होकु तेलयट पिली।

येशु ओर देगेर वास मलान ओर तोड़ नाडसो मातोंड। ओर होनिन गुरत तुगिलो होंड ओरिन तल्पतोंड मिरू बात दान गुरुंची तल्पोमंदीर। ओर होकु मुने रोजू जगारात वाता येशुत गुरुंची अन्ता केतोरू। होरु अन्कुडा मतोरू हिडू वेरे नाटी नोंडू हिकु तेलयु यरूशलेम बात जर्गती।

अस्की येशु ओरकु आर्दाम आदान लेकाम केतोंड। देवून वयाक्याम येशून गुरिंची बेला इंजोर रासी मिन्दी चाला सवन्सरा मुन्ने भविष्यवाणी केतोर चडा जनमु येशून तिपा वाटी अवकितोरू इंका भविष्यवाणीं हिला इंजोर गुडा केतोर मुंडो रोजू तेदितोंड इंजोर केतोर।

ओरु अंदान नाटी येवादान देगेर आतासकी। अस्की मुलपेवेला आसो मति। ओरु येशूनु ओर तोंड मंदानक केचो मतोर अस्की होड़ ओर तोंटी ओरु लोन अतोरू होरु मुल्पे दोडा तिन्दानाक कूदतोर येशु ओरी रोटे तीसी मंलान देवुट कु धन्यावादम केतोंडू अस्की दानिन होंडु मुका दुनतोंड। वेंटने ओरकु तेलीयति ओडे येशु इंजोर कानी आ समयातुओर कनकी मुन्ने मयातोंड।

आ हिरवुर ओरनी तोंटी ओरोंड होड़े येशु आस मतोड़, अन्देके होड़ मनाक देवुट माटा केतनास्की मनाड गट्टीन सरदाग मंतोंड जपुने ओरु पेच मलान यरूशलेम अतोर ओरु येवसू मलान शिशुर्कुंन केतोर येशु बातकी मिन्दोड़ मम्मा होनिन उड्तम।

शिशुड्क तिरियो मतोर, जपु येशु आ गद्द्ता तोपतोंड। होंड केतोड़, मीकु शांति दोर्कावाल शिशुड अनुकुटोरु अदू दैयाम इंजोर कानी येशु केतोंड, बार वेर्द्तिरू, मिरू बार हिला अल्स्तोरू निजामगा नन्ने येशु ना कैयकिन कालकिन उड़ाटू देयन होलू हिला मनु बेला अत्किनू नायग मिन्दो होड़ हिला तोपिसनाक होंडु दैयाम अय्यु इंजोर। होंडु तिन्दनाक बात तल्पतोंड ओरु किकेट ओर मुक्का हितोंर अस्की होंड दनिन तितोंड।

येशु केतोंड ना सेंगा देवून माटा बात अतकिन रासी मिन्दो अव्वंता जरगातानन्ना मीकु केचोंदान हिवु बेलातकन जरिगिता, अस्की येशु होरकुदेवुट माटा सायी केतोंड। इंजोर केतोंड, मुन्ने भविष्यवाणी हिला केचो मिन्दी, येशु कष्टा बेलात्कान अनुबविशवाल, इंका होंडु डोलावाल ना पेर्की, मल्ला मुंडो रोजू डोली तेदावाल।

आ भविष्यद्वकता हिला गुडा रास्तोर, ”न शिशुरुकू देवून माटा केतोंर, होरु अतारिरूकु मारवाल इंजोर पापनुची होरु ओक्का वेला आला तुन्गकीनू देवुडू ओरु पापानु चमिन्चितोंड ना शिशुडकु ही खुशेल खबुर यरूशलेम तूंची आरम्भ तुन्गितोर अस्की। अन्ता सोटा अन्ता कुलाकू मीर अन्दोरू ओरोट माटा इंका ना पन्नी हिवान्ता नाक सख्सेंगा मंदावालू इंका नाया बात जरगताकू वांक गुडा।

आ नाल्पेय रोस्कू अन्ता यशु ओर शिशुर्किन चाला सुटुकू तोपतोंड ओंडू ओरु सुटुकू 500 अंटे एक्कावा जनातकू तोपतोंड ओंडू ओरु शिशुर्किनु वेरे -वेरे रकम तोपिसतोंड इंका होंडु बत्की मंदोंड इंजोर ओंडू होर्कू देवुड राज्यम गुरिंची नेरपिस्तोंड।

येशु ओर शिशुड्किन केतोंड देवुड नाकु स्वर्गराज्यम निन भुम्मता मन्दान जनामतीन सहासानम तुन्गाना अधिकारमहितोंड अन्देके नन्ना मीकु केचो दान अन्जामलान अन्ता कुलानाग मन्दान जनातकू ओरिन शिशुडक तुन्गाटआला ओरिन तुन्गनाकूहियाल, मर्रु, परिशुदआत्मा पेदेटी बापतिस्माहिमुट बात अतकिन मिरू ना तुगनाक आज्ञाया हितानु अन्नी देवुट माटा केंजी वान लेकाम नाड़दावाल इंजोर केलाट गुरुतु तासाटू नन्ना बेस्केट के मितोंटी मंतानु।

येशु डोली तेदीमलान नालेपेय रोस्कून तर्वाता ओंडू ओरु शिशुरकिन केतोंड बेस्केट दान्का मा ईयाल बलम हिवोंडो अस्केट दान्का यरूशलेमें मनुट होंड निया परिशुदात्मतिन रोचमिया आला तुन्गी तोंड। अस्की येशु स्वर्ग राज्याम अन्तोंड मबू ओरु कन्डकिन मुन्ने मिसिती स्वर्ग राज्यामता येशु अन्नी वांटी राज्यम तुन्गनाक देवुट तिना पका कुद्तोंड।