44. पेतुरु नी योहन्ना ओर्रु तल्पनोनीनु बागातुन्ग्तोरू

ओक्क रोजू पतरस नी यहुन्ना गुडीयदा अतोरु ओर्रु कुंटी वांडू तल्पी तिन्दनाकू बेयदी आर्दा कूदी मतोड।

पतरस आ कुंटिवाना उडी हिला इंजोर केतोंड नन्ना निकू हिदनाक डब्बकु हिलाकू कानी नायाबात मिन्दाकू अदे निक हितानु, येशु पेदेरटी तेदी मलान नाडम।

अस्की देवुंडू आ कुंटीवानीबाग़ तुन्गतोंड होंडु हिकी आकी मिरोरून इंका देवुटिन स्तुतिसोर मतोंडू। आ गुडियदा बेयदी मतोर आचार्या पोयतोर।

जप्पू अग्गा जनम कुड्तोरु आ मंड्सिन उद्नाकू बेनुन अग्गा साय आस मातोंड पतरस होर्कू केतोंड ही मंड्सुंड बाग़ अतोंड। कानी हिमाटात गुरुंची आचार्यम आदमाटू मम्मा हिनिनु मा बलम तोंटी साय तुन्गिलाम हिला अयू मम्मा देवुटिन आदरिसो मिन्दाम कानी आ येशु हिनिनु होन बलम तोंटी साय तिन्ग्तोंड बार्हित्किन मम्मा येशून नम्मो मिन्दाम।

आ जनम मिरू आ रोमा राज्यम तिन पलिसनोंकू येशु अवव्वाकनाक केतिरू मिरू होनिन अव्वाकतिरू बेनुनुडाअतकिन अन्दरीरकू जीवाम हितोंड कानी देवुदु होनिन डोलता अग्गा नुंची तेतोंड मीकु तेल्याकुंटम मति मिरू बात तुंगो मतिरू कानी बसकी अत्किनू आ पन्निकू तुंगो मतिरू अस्की केतोंड। मसीहा येशु कष्ट अनुभाविस्वालू इंका डोलान्दावाल इंजोरन देवुड होनिन हिला आदवालइंजोर तुन्गतोंद अन्देके एंजे तप्पू तेल्सकुंडी देवुंटमरू अस्की होंसू मी पापान अंता नोर्सू सुभरंगा तुन्गितोंड।

आ गुडीयदि पोजरिरू, ”इंका यहुन्ना पतरस केंजी होर गट्टीन वेरसंजू ओरिन पोयस मलान जेलदा वातोरू। कानी बात अन्त्किन पतरस केतोंडू वांटीन चाला जनम विश्वास तुन्गतोरू येशुतिन विश्वास तुन्गातोर अक्कवा आसो मतोर ओरु 5000 जनम मतोर।

मल्ल ओक्क रोजू आ यहूदी पोजरिरू पतरस तिन, यहुन्ना तिन महा याजकता देगेर एका वेरे पोजरिरा तिसोतोर। ओरु आ मंड्सिनगुन तीसी ततोर्र साय आती कुंटीवाड अस्की पतरस तिन, यहुन्ना तिनु तल्पतोंरु बेन अधिकरत तोंटी आ कुंटीवानीनं साय तुन्गातिरू।

पतरस होर्कू केतोंड, ”बेन मंड्सुंडू निल्ली मंदोंड़ो होंड येशुत बलम तोंटी बाग़ आसमिन्दोंड मिरू येशुतिनु सिल्वाता वेलाडिदिस्तिरू कानी देवुड मला बत्किसतोंड मिरू होनिन होद इंजोर केतोर कानी येशु बलम तोंटी मन्नाकू रक्षाना पोंदंनाकू इंका वेरे अरहिली।

आ पुजरिरू बागा आलसी मलान पतरस निन, यहुन्ना बागा बलम तोंटी तिरियो मिन्दोर ओरु उडतोर हीरू मामुल मंड्सुरकु सदविलोर कानी ओरकु गुरुतु वातीही मंड्सुरकु येशुत तोंटी मतोंरू अन्देके ओरु होरकु केतोरू मम्मा मिम्मिन गट्टीन शिक्षाहिसितामु ओक्कवेला मिरू येशुत गुरुंची केचो मतकिन हिला चाला गोटी केतासकी ओरु यहुन्ना तिनु, पतरस तिनु अन्दनाक हितोरू।