45. स्तिपनुस नी फिलिप

मुन्नेट देवून माटा केतन जनमता, स्तफनुस पेदेरेता ओरु मड्सुंडू मतोंडू। जनम अंता होंतोंटी साय मंदनोर, परिशुदा आत्मा होंकू चाला बलम, बुधिहीस मातोंड। स्तफनुस चाला अद्द भूदा तुंगो मातोंड ओंडू येशून बेला नम्मा वालो इंजोर नेर्पिसनासकी चाला जनम होनिन नम्मतोरू।

ओरु रोजू स्तफनूस येशुनु गुरुंची नेर्पिसो मातोंड। अस्की कोदिग जनम यहूदी वतोरूओरु येशुती नम्मी मंदिलोर अस्की होरु होंतोंटी गोडवा तुंगो मतोरू। अस्की ओरु गट्टी कोपामअतोरू, अन्देके ओरु बेर्रा पोजरिरन अंज मलान होंगुरुंची आबदाम केतोर। मम्मा स्तफनुससता केंजताम मोसा गुन्रुंची देवुट गुरुंची तप्पुड माटा कचोर मंतोंड, अन्देके बेर्रा पोजरिरू पोस मलान होनिन महायाजकतानी इंका यहूदी बेर्रा तोरा ओतोरइंका गट्टीन तप्पुड माटा केतोरू, स्तफनुसत विरुधंगा।

महायाजक स्तफनुसतिन तल्पतोंड निजामा हीरू अन्दुरू नी गुरुंची केतनाद निजामा स्तफनुस, महायाजक चाला गोटी केचोरू आरम्भा तुन्गतोंड अस्की होंडु केतोंड। आब्रहमतिन समयाम हुन्ची येशुत समयात दान्का देवुडू इस्रएल जनाता चाला गोप्पा पन्न्कू तुन्तोंड कानी जनामु इंका देवुट माटा केंजाकुटम मतोर, स्तफनुस केतोंड मिरू देवुट विरुद्दंगा तिरुयानोरू इंका देवुट विरुद्दंगा पन्नी तुन्गनोर मिरू एकाना परिशुदात्माता माटा केंजिलिरू बेला अतकिन मन्ना मुन्नेट जनाम परिशुदात्मा ता माटा केंजिलोरू इंका भविष्यद्वकता किरीन इकाना अव्कोर मतोरू बेलाअतकिन होरु तुन्गतादान कांटे मिरू इंका एक्कावा तुन्गोमिन्दोरू इंका उएशु मसीह गुन अव्कतिरू।

ही माटा अंता आ बेर्रतोरू केंजी मलान गट्टी कोपारस मलान अस्की ओरु -ओरु पंकिना विडिसी मलान गट्टीन गोला तुन्गोर मलान ओरु स्तफनुसतिन नाटेन बेयदी लागोसू इंका होनिन अव्कानाक रायक पेकि वाडसतोर।

बेस्कत्किन स्तिफनुस डोलान्जोर मतोंड़ो, गट्टीन लेंग तोंटी केतोंड येशु ना आत्मा तिनु निकू हिसो मिन्दानु अस्की होंडु नेल कुदी मलान .मल्ला गट्टीन केतोंड ये प्रभु ही पपानु होर पोरू वाटमाकू अस्की होंडु डोलातोड।

आ रोजू यरूशलेम मन्दान चाला जनमु, ”येशुनु नम्मतोरिनु कष्टा वाटनाद आरम्भ तुन्तोरू, अन्देके विश्वासीरअंता वेरे नाक अतोर हिला अतकान गुन येशून गुरुंची केतनोर।

फिलिफुस इंदान पेदेर तोंडू येशुनु ओर्रु विश्वासी मातोंड बेलाअतकिन वेरे विश्वसिरू मिर्तोरू इनमून येरूशलेम तूंची मिरी मातोंड हिन्डू सामरिया हिन्दा नाटी मीर तोंड। अग्गा हिन्दू येशुत गुरुंची केतोंड। चाला जनमु होनिन नम्मी रक्षाना पोंद्तोर। ओरु रोजू फिलिफत देगेर देवुट स्वर्ग दूता। वास मलान इंका ओनिनअडता अन्दनाकू इंजोर इंका ओरु अर्दा अन्दनाक केती फिलिफुस अग्गा अतोंड। बसकी अतकिन आ अर्दा नाड्सो मतोंड़ो। अस्की ओरु मंड्सिन उड्तोंड गुर्रा बंटा तरी अंजोर मातोंड आ मंड्सुन कुश देशम तोंड आ पिस सार आस मातोंड परिशुदात्मा फिलिफुस तोंटी केती अंज आ मंड्सिन तोंटी नाडमु।

अन्देके फिलिफुस आ बंटीदेगेर अतोंड, अस्की ओंडू केंजतोड आ कुश मंड्सुंडू देवून माटा सदवोमिन्दोड़ याशयाह भविष्यद्वाकता रास्ती दनिन सदवो मातोंड होनिन अवकिदान गोरेत लेकाम ओतोर्रइंका ओरु गोरि बेला अतकिनो कोटो मानती होंडु गुन ओर माटाकेतीलोंड ओरु होन तोंटी हिमशा तुन्ग्तोर इंका हिनिन साय उड़ीलोर ओरु होनी अवाकितोर।

फिलिफुस आ कुश मंड्सिन त्ल्पतोंड निम्मा सद्वानादु निकू आर्दाम आसो मिंदा आ कुश मंड्सुंडू केतोंड हिली। बेनुडान नाकु दिन गुरुंची केत्कुंटम मतकिन नाकु बेला तेल्सू दया तुंगी ना देगेर वास कूदा याशयाहहोन गुरुंची रासो मिन्दोंड वेरेटों गुरुंची का? ”

फिलिप्पूस आ बंटा अंज कुद्तोंड, अस्की होंडु आ कुश मंड्सिंकू केतोंड बात अतकिन याशयाह येशून गुरुंची रास तोंडू। फिलिप्पुस देवुट माटा चाला वेरे -वेरे माटा गुडा होंकू केतोंड हिला केचोरून आ मंड्सिंकू येशून खुशेल खबुर केतोंड।

फिलिप्पुस निन आ कुश मंड्सुन अन्जोरून एता देगेर एवतासकी आ कुश मंड्सिंडकेतोंड उड़ा इग्गा एर मिन्दी नन्ना बापतिस्मा तिसोचा अस्की होडू गुराम तोलनोनिन आपा इंजोर केतोंड।

अस्की होरु एती देगेर अतोरू फिलिप्पुस आ कुश मंड्सिन्कू बापतिस्मा हितोंड। बसकी अतकिन होरु एती हुन्ची होडिं वातोरो अस्की परिशुदात्मा वाद्टपे फिलिप्पुस तिन टेक मलान वेरे सोटा होत्ती अग्गा फिलिप्पुस जनातकू येशून गुरुंची केचो मातोंड।

आ कुश मंड्सुंडू होन लोन अन्दनाकू इंका होन अर्द आकी अतोंड, होंडु चाला ख़ुशी आसतोंड इंजी नन्ना येशुत गुरुंची तेलस कुटान इंजोर।