49. देवुटू कोत्ता माटा

ओरू स्वर्गदूता ओरू लेयादाड नाटवातिन केती, अदू देवुट मर्रीन कन्नित, अदू इंका पेलायकुंटामें मत्ती अस्की परिशुदात्मा तोंटी अदू डोकात मंतीअदू ओर पेकान कन्नितु अदू होन पेदेरु येशु इंजोर वाटी अन्देके येशु देवुडू इंका मंड्सुंडू इर्वुर आस मंतोड।

येशु चाला अद्द्भुता तुन्गतोड होंड देवुंड इंजोर तोपिस तोंड एत्ता पोरू नडतोड इंका गाल दिन गुडा आम्तोंड। होडू चाला रोगा मंदनोडी बागा तिन्ग्तोंड इंका चाला जनाताम मती देयाम नुंची विड्पिसतोंड, होंडु डोला तोंरिन गुडा बतकिस तोंड इंका होंडु आय्दु रोटे रेंडू किके 5000 जनातकूतिपिसनाकतकवा दोड तिनु एक्वागा तुन्गतोंड।

येशु ओरु बेर्रा नेरपिसनोड मतोंड, होंडु बात अतकिन नेरपतोड होंड कथन तोंटी नेरपिसतोड होंडु जनात्कू देवुड माटा केंजी नडदावाल इंजोर केचु होंडु गुडा देवुट मर्र आस मल्ला होंडु गुदा नडतोंड उदाहरणगा होंडु नेरपिस्तोड मिर्रू वेरे जनात कीनू आला प्रेमिन्साटू बेलात्की मीक मिरे प्रेमिस्तीरू।

होंडु हिला गुडा नेर्पिस तोंड मीरु अन्नी वांटी कन्त्ता मी आस्ति एक्वा कत्ता एक्वा देवुटिन प्रेमिंसा वाल।

येशु केतोंड हिलोकमता चाला वांटीनु सम्पादिस कन्टे एक्वा देवुट राज्यम ता अन्दनादमन्चिदी होंड राज्यमता निम्मा अन्दवाल हितकिनु हिदनिक कवालू देवुड नी पापम नु क्षमिन्चवाल।

येशु हिला इंजोर केतोंड कोत्ता मंदी होनिन नमितोरदेवुड होरीन कापडितोंड, कानी वेरे जनाम होनिन नम्मोरु होंडु हिला गुडा केतोंड कोंत्ता मंदी सायट भुमता लेकम बार ईत्किन होरु येशून गुरुंची खुशेल खबुर तिन केंजी नम्मितोरू अस्की देवुड होरिनू कपाडी तोंड, कानी कोंत्ता मंदी अर्दा मन्दान भुमती लेकाम समानामु देवुट माटा वित्तनम लेकाम अर्दा रालिताकानी अग्गा बात गुडा मोड्वोकू, ही जनामु येशुत गुरुची माटा कु केंज कुटाम मतोरू, हीरू होन राज्यमता अन्दानाकू केंजोरू।

येशु नेरपिसतोंड देवुड पापम तुगान जनातिन प्रेमिस्तोंड, होंडु ओरिनु क्षामिन्चितोड इंका होडू होन पिलागा तुन्गितोंडू।

येशु हिला गुडा केतोंड पापाम तिनु ग्रुना तुन्गितोड बार ईत्किन आदाम निनी, हव्वा पापाम तुन्ग्तोर अन्देके होंड वशंम तोर पापाम तुन्ग्तोर इंका देवुट उंची दुरम आस्तोर, अंदोर गुडा देवुट मर्र के

कानी देवुड हिलोकमता मंदन जनामतीं हिला प्रेमिन्चतोंड, होंडु होनु ओरू मर्रिनु हितोंड, अस्की देवुड होरीनु शिक्षाशिंचा कुंडा बेनूर अतकिन होनिनु विश्वास हिनचितोरू दान तर्वाता होर अन्त्ता होन तोंटी बेस्केट गुडा मंदावाल इंजोर।

मनाडू डोलन्दानोरू. बार ईतिकिन मनाडू पापम तुन्गताड, देवुड मन्नानु उडी बागा कोपर्तोंड, दिन सेंगा होंडु येशुत पोरु कोपातोंड होंडु येशुनु सिल्वातावाटी अवकी दण्डीस्तोडू।

येशु बेसकी गुडा पापाम तुन्गिलोंड कानी होंडु देवुटिन, शिक्षाहिचानाक हितोंड होंडु डोलान्दानाक, ओपकुटोंड हिला तुंगी मलान नी पापम हिलोकता मन्दान अन्दरीर पापामु तिसिदनाक होंडु ओरू मंची बलि आसतोंड, येशु होंकू -होंड देवुट सेंगा बलि आसत्तोंडू अन्देके देवुड बेलोटूपापाम अतकान्गु चाला पापान गुन क्षामिंचीतोंड ।

निजम सायेट पन्नुकू तुन्गाकू दिन द्वारा देवुड निनी कापडी तोंड, होन जतगान अन्दनाकू निम्मा हिला बतगुन तुन्गालिन, हिलानिम्मा विश्वासम तुन्गावाल येशु देवुट मर्रु, होंडु नी सेंगा सिल्वाता डोलातोड, इंका देवुड मल्ला होनिन ओक्वेला दिनिन निम्मा नमकीन देवुड नी पापानि क्षामिन्चितोंड।

देवुड अन्दरीन कापाड़ीतोंड बेनूर अतकिन येशु प्रभुन विश्वासम तुन्गितोरो होनिन प्रभु इंजोर नमितोर कानी होंडु होरुनु कापाड़ोड बेनूर अनतकिन विश्वासम तुन्गोरो हिला बात मनु निम्मा गरीब, डब्बकु मंदनोड नाटवाडू, मंड्सुंडू मुकालू, लेयोंडू, इंका निम्मा बेगा मतकान देवुड निनी प्रेमिसितोंड, इंका होंडु हिला आलसीतोंड निम्मा येशून विश्वासम तुन्गाकिन निजात्गा आसमंतोंड।

येशु निनिन करंगोमिन्दोंड विश्वासम तुंगी बापतिस्मा तिसकुंडाटू, निम्मा विश्वासम तुगो मिदिना देवुट ओरोंड़े मर्रु यीशु मसीह निम्मा नम्मो मिन्दिना निम्मा ओरू पापाम तुन्गतोंड इंजोर, निम्मा देवुट द्वारा शिक्षा पोंदितिन इंजोर, निम्मा विश्वासम तुन्गितिना नी पापान तिसिदानाक येशु सिल्वाता डोलातोड।

निजम निम्मा येशुत पोर्रू इंका होंड निसेंगा तुन्गतादु, दानिन निम्मा नामितिरा आलात्किन निम्मा ओर्रु देवुट पिल्ला, देयामु होंडु सिकाट मन्दान राज्यमता इंजी निनिन बात तुन्गालोंड इंजी देवुट होनु वेलुगत राज्यमता सासनाम तुन्गितोंड होंडु निनिनु पापम तुन्गकुटम आम्तोंडू बात अतकिन निम्मा तुंगो मतिनो होंडु निकू ओरू कोत्ता जीवितम हितोंड।

ओक्वेला निम्मा येशुत मंड्सिनु अतकिनु, ओर्रु मसीह मंड्सुंडू अतकिन येशु बात अतकिन तुंगीतोडू अद निया तुन्गवाल देवुड नी पापा अंता क्षामिन्चितोंड देवुदु निनिन ओर्रु शत्रुगा उड़ोंड ओर्रु मंची जतगान गा उडितोंड।

निजम निम्मा देवुट जतगान अतकिन ओक्वेल येशु प्रभु सेवाकुडू अतकिन निम्मा आ माटा नु अनुसरिन्च्नाकू हिस्टाबरदवालू बात अतकिन येशु मीकु नेरपतोंडू, वान्टिनपालान तुन्गानाक हिस्टाबार्दावाल निजामगा निम्मा येशून मंड्सिन अतकिन देयाम इन्जगुन निन्नी पापाम तुगिसनक परिक्षातुंगो मातोंड, देवुड एकान अदे तुंगो मातोंड बात अत्किनू तुन्गितोंडो केचो मातोंड ओक्कवेला नी पापन ओप्पू कुटकी होंडु निनी क्षामिन्चितोंड, होंडु निकू पापम तिनु होडीसनाक बल्लम हितोंड।

देवुदु मीकु प्राधना तुन्गानाक इंका होन वाक्याम चदावानाक केचो मिन्दोड़ होंडु मीकु वेरे विशावशिर तोंटी कल्यी मलान आराधना तुन्गानाक केचो मिन्दोंड, मिर्रू वेरे जनात गुडा केतवाल होडू मी सेंगा बाता तुन्गतोंड, ओक्वेला ही पन्नकन्त्ता तुन्किनु अस्की निम्मा होन मंची जतगान आसानतीन।