50. येसु मल्ला वातोंडू

2000 संवसरान नुंची देगदेगेर हिलोकता अन्नी सोटकिना एक्वा जनाम, येशून गुरुंची खुशेल खबुर केचो मिन्दोर, संगाना जनाम पेर्गो मिन्दोर येशु माटा केच अतोंड हिलोकता सवारोस्किना होंडु मल्ला वातोंड, कानी होंडु इंजी वादिलोंड अतकिन गुन होंडु माट तिन होंडु नेरवेर्सितोड।

बेस्कातकीन मन्नाडू मल्ला वादान येशून सेंगा येदुरू उडो मंताडू, देवुड मनानु हिला बतकवालइंजोर हिस्टबारसो मिन्दोंड, परिशुदांगा इंका मन्नाडू होनिन संमानीचन येशु ही भुमता मंदानास्की होंडु हिला इंजोर केतोंड |ना शिशुरकू लोकमता उडी मलाना अन्दरीरकु देवुट राज्यामत गुरुंची कुशेल कबूर केतोर, अस्की देवुन राज्यम वाती।

चाला कुलान जनामु इन्जिगुन येशून गुरुंची केंजीलोर, स्वर्ग राज्यमता अन्दिल मुन्ने येशु आ जनता देवुट पिल्लान्कू कुशेल कबूर केतवाल इंजोर केतोंड, ओर्रु हिमाटा बेसकी केंजीलोर अस्की केतोंड अनूट अंज मलान इंका अन्ता जाती वारिन शिशुरक तुन्गाटू, इंका कोयदनाकू पंट्ट अयेस मिन्दी।

येशु हिला गुडा केतोंड ओर्रु मंड्सिनु पन्नी वानडू होंडु होन मालिक कांटे बेर्रतोड अय्यु हिलोकता मन्दान बेर्रा मंड्सुंडूकु नी पोर्रू कुलु तासितोंरू इंका ना सेंगा मिमिन गुन कास्ट वाटीतोरू, इंका अवकितोरू गुडा हिलोकता मीकु गट्टीन कस्टाकु कानी मिरू विश्वासम तो मन्नुट बात ईतकिन नन्ना देयातिनु होडिसी मिन्दान होंडु हिलोकतिन सहसनाम तुंगो मति। ओक्वेला मिरू चिवरा दांका विश्वासमतो मतकिन अस्की देवुड मिमिन कापडी तोंड।

येशु ओरु शिशुरकिन्का अर्दाम आदवाल इंजोर ओर्र कत्ता केतोंड. बेसकी अतकिन हिलोकम अन्तम आसान्ता अस्की जनातकू बात जरिगीतु होंडु केतोंड, ओर्रु मंडसूड होंड सेन्दा सायेट वितनाम जलतोंड, बेसक अतकिन होंडु उन्जो मतोंड़ो होड़ शत्रु वास गोदमा वितनामता नडवि अडत्ती वित्तानाम जलितोंड अस्की होंड अतोंड।

बेसकातकिनु आ मोक्के परसों मताकू पन्नी वारु आ मंड्सिन तल्लापतोरू ये स्वामी नी भुमता सायेट वित्तानाम जलतिन गदी, कानी हिग्गा आडती मोके बेला पेरस्ता, आ मंड्सुंड केतोड़, होंडे ना शत्रु हिला वितोंडू, होंडे हिला तुन्गातोंड।

आ पन्नी वारु ओरू मलिक्ति तोंटी केतोंरू, मन्नाडू आडती मोक्के पिन्किदवालू ओर्रु स्वामी हिला इंजोर केतोड़, ओदु ओक्वेला मिरू आला तुन्गकिनु गोदामा मूक्कें गुन वाताकू, कोता कोयदान दांका आन्गाटू अस्की आड़ती मोकें अन्ता वेरे तुंगी वांटीन किस वाटोछु अस्की गोदामनु सेन्दीनुंची मालानु होयमूट

शिशुरकु ई कत्त तिन अर्दाम तुन्गीलोर. अन्देके होरू येशून मल्ला केला इंजोर केतोंरु येशु केतोंडू, सायेट वित्तनम् वितनोंड येशुत मंड्सुंरकु सेनु लोकम आसमिन्दी मंची वित्तनाम देवून राज्यामता मंदन जनाम इंजोर कचोर मिन्दी।

आडती मोक्के आ छेदा जनाम, शेयतान्ता जनामगा आरदाम इंजोर मिन्दी आ मंड्सुन शत्रु देयन्गा तोपोंमिन्दी, बेनुन अतकिन आ अडता वित्त नाम वितितोंड़ो कोयदनादु हिलोकतुर चिवारा रोस्किनु केंचोंदी आ पंटतिन कोयदनोरु देवून स्वर्गदूतान केचोंदी,

बेसकी अतकिन हिलोकम अन्ताम आसन्तो अस्की स्वर्गदूता आ जानामतींन अता ओरू सोटा कुड्पिता ओर्रु शेयतानता जनाम आ स्वर्ग दूता ओरिन किस पोतान आरदा येषिता, अग्गाट जनामु कष्टा बरसोरून, केयोरून पलकिन कोरकोरून मन्तोरू कानी बेनूर अत्किनू धर्मिक जनामु बेनूर येशु न अनुशारिशितोरो ओर्रु देवुड आसमती तंड्रीराज्यामता पोड़ती लेकम मेरसो मनतोर।

येशु ईला इंजोर गुडा केतोडू ही लोकम सामाप्ताम आदना मुन्ने नन्ना हिलोकता वातानु, होंडु बेला अतकिन अतोंड़ो आलाके गिरुड़ी वातोंड, अस्की होना मन् लेकम अस्की होंडु पोर्रू मन्दान मंबिन उंची गट्टीन गोला तुन्गोर वातोड़, बेसकी अतकिन येशु गिरुंडी वातोंड़ो अस्की डोला तोरू अन्दोरू तेदि मल्लान पोर्रू होन तोंटी कल्यी तोरू।

अस्की बेनूर अत्किनू देवुटिन नम्मी बत्की मतोरू ओरु मबिन पोरू तेदी अन्तोरू अस्की वेरे देवुट जनाम तोंटी कल्यान्तोरबेनूर अतकिन मुन्नी बत्की तेदी मतोरो, हीर अंदोर येशून तोंटी मंतोरू दान तर्वाता येशून होनु जनाम तोंटी कल्यी मातोंड बेसकी अतकिन होरु अंता कल्यी मतोरो होन तोंटी बेसकी गुडा समादानाम मंती।

येशून विश्वासम तुन्गती अन्दरीनु पोरू मुकुट हितान इंजोर माट केतोंड, ओरु बेस्केट गुडा देवुट तोंटी मंजू अन्ता वांटा सहसनम तुंगो मतोरू ओरा बेस्केट गुन शांति मंती।

कानी देवुडू आ जनातकू न्यायम तुन्गितोंड बेनूर अतकिन येशुतिन विश्वासम तुन्गिलोरो ओंडू होरीन नर्कमता येशितोंड आगा होरु केयोरून पलक कोरकोरून इंका बेस्केट गुडा बादा परसोर्रमंतोर इंका बेस गुन पियदुकुंटम मंदन किस्ता वेसोरमंतोरू इंका पुडिक आंगा कुन तिन्जोरे मन्ता।

बेसकी अतकिन येशु गिरुडी वातोंड़ो सैयतानतिन मोत्ताम राज्यमतींन अन्ता नाशनम तुन्गितोंड, होंडु शेयतान्तिनी नरकमता वाटी तोंड आ शेयतान बेस्केट गुन किसता वेसोरे मंतीओर अन्दरीर तोंटी बेनूर अतकिन देवून माटा केंज कुटम शेयतान्तीं पेरक अतोरो।

बार ईतकिन आदम निन हव्वा देवुट माटा केंज कुटम हिलोकमता पापामतिन ततोर् देवुडू ओरिनु सपिस्तोड इंका ओरिनु नाशनम तुन्गनाक आलसी मातोंड कानी ओर्रु रोजू देवुड ओर्रु कित्ता लोकमता, कोत्ता भूमि तेयार तुंगी अग्गा साय मंतोर।

येशुनी आ जनाम, आ कोत्ता लोकम ता आत्तोरू होंडु बेस्केट गुन अन्नी वांटा शासन तुन्गितोंड, होंडु अन्दरीर कंडेर किन उमितोंड अस्की बाता कष्टाकु दुखाकू अग्गा मन्नोकू, केयानाद्गुन मनु ओरन्कू जबू वारु इंका डोलनाद गुन वरू अग्गा बाता तप्पू गुडा जर्गु येशु होन राज्यमता न्यायम तोंटी शांति तोंटी शाहसनम तुन्गीतोंड, होंडु बेस्केट गुन होन जनात तोंटेमातोंड।