8. देवुडू युसुप तिनु ओनु लोत्तोरिनु कपद्डतोंड

चाला सवसरा पेर्की, अस्की याकूबमुकाल असंज मातोंड, होंडु होन चाला हिस्टम मंदन मरु यूसुफतिन होर दादालोरिन हुडी वादनक रोतोंड होरु जन्तुवु कु मेचो मतोरो।

यूसुफथी दादालोर होन पोर कोपम मतोरो बरहित किन होर हियाल होनिन येक्वा हिस्ट पर्तोनोड़अन्द्के यूसुफ कलाद हुड तोंड होंडु होर शासन्म तुन्गितोंड। अस्की यूसुफ होर दादालोरा वतोंड होरु हिनिन पोयतोर इंका होनिन पिल्लानु थिसनोर्किक अमितोर।

लोन वादिल के मुने यूसुफथी दादालोर यूसुफथी गुढा हिंकी मलान मेकात नेतुरता मुतोर। मल्ला होरु आ गुडा होर हियांक तोपिस्तोरहोंडु हिला अलिसितोंड बेन अडती जन्तुवु यूसुफथी अवक्ति। याकूब चाला दुकामगा मातोंड।

नारिन तिसनोराहोरु यूसुफ थी मिस्र होतोर। नील गोदर था होडिं मंदन मिस्र ओरु बेरा इंका चाला बलम मन्दा देशम। आ व्यापरम तुन्गनोर यूसुफथी ओरु धनम मंदन सरकार्टबेर्तोंकू मन्नी वंगा अमितोर। यूसुफ होन स्वामिन सायी मन्नी तिन्ग्तोंड इंका देवुड यूसुफथी आशीर्वादम हितोंड।

होन स्वामिन मुती यूसुफतोंटी मन्दनक असोमती, कानी यूसुफ हिला देवून विरुधंगा पापम तुन्ग्नक होदु हिन्जो केतोंड अदू कोपरती इंका यूसुफ पोर्रूअबधंगा केती, अन्द्के होनिन पोयसू जेलदा रोचितोर। अग्गा गुन जेलदा यूसुफ देवून पोर्रूनिजम मातोंड इंका देवुड होनिन आशीर्वादम हितोंड।

रेंडू सवसरा तारवात, यूसुफ एन्ज्गुन जेल्दागे मातोंड, होंडु तपू तुन्गिलोंड। ओरु नरका, फिरोन, बेला मिस्र जनम होर राजुन करनोर, होंडु रेंडू कलाद हुड तोंड अदुहोनिन बागा अलोच्नता वाटीती। होकु बेनिन गुन केत्नोंड हिलोंड होकु आ कलाद अर्दम बेनिन गुन केतादिलोर।

देवुड यूसुफ कु आ कलाद अर्दम केतनाक बलम हितोंड। अन्द्के फिरोन यूसुफ थी जेलदा हुन्ची होना करंकतोंड। यूसुफ आ कलादिन अर्दम केतोंड, ”देवुड साईं पंटा पंडानु एडू सवसराई इंका एडू सवसरा करवु रोतितोंड।”

फिरोन चाला मार्तोंड होंडु होनिन मिस्र देशमता रेंड़ो अन्दोरकान बलम मंदन माड्सूडगा तासतोर।

यसुप जानम तोंटी साईं पंटी एडू सवसरा तरुवता. तिन्दनाकु एक्कुवा वनजी तासटू, आसकी एडू सवसरा करुवु वात्ती, युसुप आ जानात्कू आ वनजी अमतो, आन्दुके ओरा तिन्दनान्कू दोडा मंतिन्जो।

आ करवु मिस्र देशतागे आयु, कानी कनान था गुन बागा मति अग्गा याकूब इंका होन लोतोर मंदनोर।

अन्द्के याकूबहोन बेरा मार्किन दोडत तिशनंक मिस्र देसमता रोतोंड अस्की होरु दोडा तिशनकयूसुफ थी मुनि निलतोर होरु यूसुफ थी अनावाल तुन्गालिर्लोर कानी यूसुफ होरीं गुरुतु तुन्गतोंड।

अदू तेल्स्कुंडनाक होरु मार्तोरा, होरीं हुड्ती पेर्की, यूसुफ होर तोंटी केतोंड, “नन्ना मी तम्मान यूसुफ! वेर्माट अस्की मिरू नानीं दासुर्कू अमितास्की मिरू चडतुंग नाक अलस्तिर, कानी देवुड आ चड दनिन सयिगा तुन्ग्तोंडू! वराट इंका मिस्र देशमे में मनुट नन्ना मीकु इंका मी लोतोर्कू दोड हिदनक हुडितान।”

अस्की यूसुफ थी थमुस्कूलोन माल्स अतोर होर इयानकु याकूब कु केतोर यूसुफ हिन्जिगुन बत्कीमिन्दोंड होंडु चाला आनद पर्स तोंड।

याकूब ओरु मुकाल मातोंड आलागुन होन लोतोरिन अन्तोर तोंटी मिस्र देशम अतोर, इंका होरु अग्गा मन्दनक येर तोर। याकूब डोलिलिके मुने, होंडु तना अंता मार्किन आशीर्वादम हितोंड।

देवुदु आब्रहम कु इस मत्ति माटा, अददु इसाक ता, तरुवता याकूब कु, दान तरुवता ओनु पन्नेंडू मर्किन्कू इंका ओरु लोतोरा कु वत्ती, ओनु पन्नेंडू मार्की लोत्तोरू इस्राएल ती पन्नेंडू जाती वारु आसत्तोरू।