9. मोसेस तिनु देवुडू करांग तोंड

-युसुप डोलती तरुवता ओनु सुट्टा आंन्ता मिस्र मत्तोरू, ओनु सुट्टाकू चाला सवसरा मिस्र देसम मत्तोरू ओरु पिल्ला कन्नी चाला जानम आसत्तोरू, ईरु इस्राहेल जानम आसत्तोरू |

वंदा सवसरा तरुवता इस्राएल जानम एक्कुवा जानम आसत्तोरू, मिस्र जानम जोसप ओरकु तुन्गती पनकू अन्त्ता मर्गित्तोरू, जोसेप ओर्सेंगु चाला पनकू तुन्ग्तोंडू, इस्राएल जानम तिनु उडी वेर्सत्तोरू, बरित्की इस्राएल जानम एक्कुवा मत्तोरू, अन्दुके मिस्र ती सासन तुंगा फिरोन, इस्राएल जानम ती मिस्र पनी वारुगा तुगित्तो।

मिस्रा तोरू इस्रीएल तोरिनु बेरा -बेरा मेडा कु इंका चाला नाकिनु तुंगनाक हिबंदी वाटोर। होरीं गट्टीन पन्नी तुन्गिसोरोन होरीं तिपा वारोटोर। कानी देवुड होरीं आशीर्वादम हितोंड होर्कू इंका पिल्ला कन्तोर।

फिरोन उड़ तोंडू इस्राएल जानात्कू एक्कुवा पिल्ला आसो मत्तोरू, आन्दुके ओनु जानत्कू केत्तोंडू, इस्राएल जानत पेकालोर आन्दीरिनु नील गोदाटा, एस्सी मल्ला आव्कटू ईन्जो केत्तोंडू।

ओर्रु इस्राएल मांची नाटवाडू, ओर्रु पेकानु कान्ति, अद्दुनी दा मुत्पालू एका मिस्सी तासी मत्तोरू।

आ पेकानु येव्वा ईयालू ओनीनु एक्कुवा सेपू मिस्सदिल्लोरू, अस्की ओरु दोल्लान्दा नुंचे कपडनंकू, ओनीनु ओर्रु बुट्टा ता वाटी नील गोदाटा ओडीना जेंड़ीता वाटतोरु, ओनीनु उडानंकू ओनु यक्का उडोमत्ती बेलती ईन्जो।

फिरोन ति माय्याडू बूटता अंजू तीसी उडती, अददु आपिल्लाती उडी असके नुंची अपिल्लाती पेंच ती अददु ओर्रु इस्राएल नटवातिनु पल ईदनंकू तसती, दंकू तेलिया कुंटा में पिल्ला तू येव्वा ने तसती, आ पेकालू बेर्रतासकी ओरु येव्वा पालू आवसरम मंदिल्ली, अस्की अददु फिरोंती माय्यटा ओसित्ति, ओ पेद्देरू मूसा।

मूसा बेर्रतासकी ओर्रोजू, उड़तोडू मिस्र देसत मडसुंड इस्राएल तोनिन वाड्सो मत्तो, मूसा ओनु इस्राएल तोनिनु कपाडनंकू उडतो।

असकी मूसा अल्स्तोंडू, ओनीन बेनुंडू उडील्लोरू, अन्दुके आ मिस्र तोनिन आव्कितोंडू आसकी ओनीन मिस्सितोंडू, दनिनु ओर्रोंडू उडतोंडू।

फिरोन कु तेलियात्ति मूसा बात तुग्तोंडू, आसकी ओंडू ओनीन वडसानंकू उडतो, अस्की मूसा मिस्र देसत आडता मिर्तोंडू, फिरोंती सैनिकुर्कू ओनी मेंगादील्लोर।

मिस्र नुंची दुरम मंद्दा अडता, मूसा गोर्रे मेचो मत्तो, ओंडू अग्गा ओर्रु नटवाटी पेल्लाडतोंड, ओरकु ईरुवुरु पिल्ला पुटतोरु।

मूसा ओनु मामानु गोर्रे कु मेंचो मत्तोंडू, ओक रोजू ओंडू किस पोत्तो मत्ति मारा तिनु उड़तोंडू, अददु मारा वेदुकू पोत्तो मत्ति, ओंडू दनिन उडानंकू माराता आत्तो, आसकी ओंडू दा देग्गेरू मत्तासकी, देवुदु ओंतोंटी तिर्य्तोंडू, हे मूसा नी हेर्पू तीसा, निम्मा ओर्रु परिसुद्दा बूम ता निल्ली मिन्दी।

देवुदु केत्तोंडू नन्ना, ना जानम ती कस्टकू उड़ता नु, नन्ना नीनिन फिरोन ती देग्गेरू रोतितानु, आसकी निम्मा इस्राएल तोरिनु बन्दीसी मत्ति मिस्र तोरू नुंची तीसी तत्तावालू, नन्ना ओर्किन्कू कानन देसम ईता, आदेसम नन्ना आब्रहम, इसाक, याकूब तो माटा इस मत्तनु।

मूसा तल्प्तोडू, ओकवेला जानामु तल्पिकीनु नीनीन बेनु रोथोंडू नन्ना बाता केत्तावालू, देवुदु केथोंडू, नन्ना मत्तानु, नन्ना मन्दनोनु, ओंडू केत्तोंडू नन्ना, मंतानु ईंदनोडू ननीन रोतोंडू ओंडू ईलागु केत्तोंडू नन्ना मी पुरवा तोर, अब्राहम, इसाक, याकोब ती देवुदु, ना पेद्देरू बेस्केट मानती।

मूसा वेरतानो इंका फिरोन ती देगेरू आन्दनान्कू ईस्टाम मंदिल्ली, बरित्की ओंडू आल्स्तोंडू नन्ना साईं तिर्यालोनु, अन्दाके देवुदु मूसा तू तम्मानु आरोन तिन ओंकू सायंम तुगनाकू रोथोडू।