36. रूपबदलणा

इक दिन, यीशुये अपणे तीन्नां चेलेयां, पतरस, याकूब कने यूहन्ना जो अप्पुं सौगी लया। (ये यूहन्ना नौं रा चेला सै माहणु नीं आ तिनें जे यीशुये जो बपतिस्मा दित्या था।) सै प्राथना करने खातर इकी उच्चे पहाड़ा पर गये।

तजे यीशु प्राथना करे रां था तां तेसरा मुँह सूरजा साई उज्जवल हुई गया। तिसरे कपड़े बरफा साई चिट्टे हुई गये, तेढ़ा जे कोई घरतिया पर करी सको तिसते बी कई मान चिट्टे।

तां मूसा कने एलिय्याह भविष्यव्दक्ता प्रकट हुये। ये माहणु इस धरतिया पर इस बगता ते कई सौ साल पैहले रैया करां थे। तिनें यीशुये ने तिसरे मरने रे बारे च गल्लां कित्तियां, कांह्भई तिस छोड़े ई यरुशलेमा च मरी जाणा।

तजे मूसा कने एलिय्याह यीशुये ने गल्लां कर रां थे तां पतरसे यीशुये ने गलाया, “अहां खातर येथी रैहणा खरा आ। अहां येथी तीन्न मंडप बनाणे, इक तेरे खातर, इक मूसा खातर कने इक एलिय्याह खातर।” पर पतरस नीं जाणदा था भई सै क्या बोले रां था।

तजे पतरस गाल्ल करे रां था, तां इक चमकदार बादल तेथी आईने तिनां पर छाई गया। फेरी तिनें बदला च ते किसी रे गलाणे जो सुणेया। तिने बोल्या, “ये मेरा पुत्र आ तिसने जे हऊँ प्रेम करां। हऊँ तिसते खुश आ। तिसरी सुणा।” सै तिन्नो चेले डरी गे कने धरतिया पर लेटी गे।

तां यीशुए तिनां जो छुया कने बोल्या, “मता डरदे। उठी जावा।” तजे तिनें चऊं पासेयां देख्या, तां सै जे तेथी था सै सिर्फ यीशु ई था।

यीशुये कने सै तीन्न चेले पहाड़ा ते वापस थल्ले उतरी कने आई गे। तां यीशुये तिनां ने गलाया, “जो किछ येथी हुआ तिसरे बारे च किसी ने बी देहां गलांदे। मेरे मरने रा बगत नेड़े आ कने मांह फेरी जीऊंदे हुई जाणा। तिसते बाद तुहें लोकां जो दस्सी सकां ये।”