1. संसारा री सृष्टी

पहिले परमेश्वरे धरती री हर एक चीज एउ तरीके बणाई | तेऊ छहा धयाडी में संसार होर जोह कुछ तेता में आसा सह सबे साह बणाऊ। जेबा परमेश्वरे धरती बणाई तेवा , तेऊ वक्ते पुरी धरती में निहारा थी होर पूरी ख़ाली थी, किबेकी एबरे तणी परमेश्वरे धरती में कोहे भी चीज नाँई बणाई थी। पर परमेश्वरा री आत्मा पाणी पेंदे चला करा थी।

तेउकी परमेश्वरे संसारा बणने का पहिली धयाडी यह आज्ञा दीनी की “परयाशा हो!" होर तेभरी प्र्याशा होऊ, परमेश्वरे हेरू की परयाशा शोभला साहा होर तेता बे परमेश्वरे “धयाड” बोलू। तेउकी तेऊ परयाशा निहारे का अलग करू होर निहारे बे “राच” बोलू। परमेश्वरे हेरू की शोभला साहा। परमेश्वरे संसारा बणने का पहिले धयाडी में प्र्याशा बणाऊ।

तेउकी दूजी धयाडी परमेश्वरे बोलू, “पाणी रे बीचे एक फर्क होए।” होर हेरा पाणी में एक फर्क होऊ। होर परमेश्वरे एउ फर्का बे सरग बोलू।

तेउकी चिऊणे धीयाडे परमेश्वरे बोलू’ पाणी एक तरफा बे इकठे होए होर शुकी जमीन हेर्दी लागे। "परमेश्वरे शुकी जमीना बे “धरती” बोलू होर पाणी बे समुन्द्र बोलू। परमेश्वरे हेरू की जो कुछ माए बणाऊ सह शोभला साहा।

तेउकी परमेश्वरे बोलू, “धरती पेंदे हर तरहा रे बेजे आल़े डाल बूटे लागे। ” होर एडा ही होऊ। परमेश्वरे हेरू जोह कुछ बणाऊ सह सभे शोभला थी।

तेउकी चऊथे धयाडे परमेश्वरे बोलू, "सरगे अलग- अलग परयाशा होये।" होर तेडे ही सरगे सूरज होर जोथ ,तारे प्रगट होई। परमेश्वरे या रौशनी बे धरती पेंदे परयाशा दीणे री तणी होर राच धियाड, होर साला परमेश्वरे ने धरती पेंदे प्रयाशे दींणे री तणी धयाड होर राच होर मोसमा में होर सालोमा में फर्क करने री तणी बडाई।

तेउकी पांजे धयाडे परमेश्वरे बोलू, "पाणी रे बीचे तेरन आल़े सारे जीब जन्तु होर सरगे उडन आल़े सभे चेलू बणाई। एउ साबे परमेश्वरे पाणी में तैरन आल़े जीब जन्तु होर सरगे उडन आल़े चेलू बणाई परमेश्वरे हेरू की यह शोभला साहा की होर तेता बे आशीष दीनी।

छहे धयाडे परमेश्वरे बोलू, "जमीना पेंदे रहण आल़े सारे जानबर बणे।"होर परमेश्वरा रे बोलणे रे साबे एडा होऊ। कुछ जानवर पालतू थी, कुछ जानवर जमीना पेदें रेंगणे आल़े थी, होर कुछ जगली जानबर थी। होर परमेश्वरे हेरू की जो माए बनाऊ सह शोभला थी।

तेउकी परमेश्वरे बोलू, “महा मणश आपणी समानता में बड़ाऊण। तेऊ धरती पेंदे होर सभी जानबरा पेंदे राज करना।"

एता बाद परमेश्वरे माटा आणी करे तेता सगे मणश बणाऊ, होर तेऊ मणशा में शाह फुकरु होर सह एक जिउंद मणश बणु। एऊ पहिले मणशा रा ना परमेश्वरे आदम डाहु। परमेश्वरे आदमा बे रहणे बे एक बडा वगीचा बनाऊ होर आदमा तेत्की भाल शूण करने बे बोलू।

बगीचे रे वीचा में परमेश्वरे दूई मुख्य बूटे लाई, एक जीबना रअ बूटअ होर बुरे रे ज्ञाना रअ बूटअ लाऊ। परमेश्वरे आदमा बे बोलू की तूह तेऊ बगीचे रे फला खाई सका पर शोभेले होर बुरे ज्ञाना रे जोह बूटे आसा तेतके फल तूह कधी भी नाँई खाए | किबेकी जासु धयाडी तूह तेऊरअ फल खालअ तेसी धयाडी तूह मरण।

तेउकी परमेश्वरे बोलू की आदमा मर्दा रा केले रहणा ठीक नाँई आंदा।" पर कोहे भी जानवर आदमा रअ सगी नाँई बणी सकदअ।

तेबा परमेश्वरे आदम घणी नीजा में पाऊ। तेउकी परमेश्वरे आदमा री एक पसली काडी करे एक बेटड़ी बणाई होर सह बेटड़ी आदमा सेटा डाही।

जेबा आदमे सह बेटड़ी हेरी तेवा तेऊ बोलू, " काम से काम यह माह ज़ेही हेरनी साहा! ऐसा बे बेटड़ी बोलणा, किबेकी यह मर्दा का बणाई दी आसा।"एउ साबे मर्द आपणे आमा बापू छाडी करे आपणी बेटड़ी सगे एक हुंदा।

परमेश्वरे मर्द होर बेटड़ी आपु ज़ेही बणाई। तेऊ त्यहा बे आशीष दीनी होर त्याह बे बोलू, "तमें खासे बाल बच्चे पैदा करा होर सारी पृथ्वी में भरा!" एता बाद परमेश्वरे हेरू जो माए बणाऊ दा थी सह शोभला आसा, होर सह तेता सभी चिजा का खुश थी। यह सभे साहा बणाऊणे री छ्ही धयाड होई थी।

साते धयाडे परमेश्वरे त्या सभे काम पुरे करी जोह तेऊ शुरू करी दे थी। होर साती धयाडी बे परमेश्वरे आशीष दीनी होर सह धयाड पवित्र डाही, किबेकी तेसा धयाडी तेऊ संसारा री हर एक चीज बणाई करे आपणा सारा काम करू। एउ तरीके सगे परमेश्वरे संसार होर जोह कुछ तेता में आसा हर एक चीज बणाई।