50. यीशु रा भीआ का बापिस ईहणा

लगभग दुई हजार साला का, संसारा में सभी जागहा पर बहु का बहु लोका मसीहा यीशु रे बारे में शुभ समाचार शूणदे लागे दे आसा। होर कलीसिया बढ़दी लागी दी आसा। यीशुये बाईदा करू दा की सह संसारा रे अन्ता में बापिस इहण। पर सह एबरे बापिस नांई आऊओ, तेबा भी तेऊ आपणा बाईदा पूरा करना।

जेबरे हामे यीशु रे बापिस ईहणे नहयालदे लागेदे साहा , परमेश्वर चहंदा की हामे एडी जिंदगी जिये जोह पवित्र आसा होर तेता बे आदर दे। जेबा यीशु धरती में रहंद लागअ थी तेबा तेऊ बोलू, "मेरे चेले संसारा री हर एक जागहा रे लोका बे परमेश्वरा रे राज्य रे बारे में शुभ समाचार प्रचार करले तेबा संसारा रा अन्त हीहणा। "

बहु सारी जाति एबरे तणी यीशु रे बारे में नांई शूणु दा आसा। स्वर्गा का बापिस ईहणे का पहिले यीशुये मसीही लोका बे बोलू की त्या लोका बे शुभ समाचार शूणाआ, जासुये यह कधी भी शूणु दा नांई आंदा। तेऊ बोलू, "नांहा होर सभी जाति रे लोका मेरे चेले बणाआ!" होर कटाई करने बे खेच री फसल पाकी मुकी दी साहा!"

यीशु यह भी बोलू, "एक सेबक आपणे मालका का बडअ नांई हुन्दअ। एउ संसारा रे बड़े लोके महा का नफरत करी, होर मेरी बजा का त्या तमे भी चीकणे होर मारी पाऊणे। एउ संसारा में तमे दुखी हुणे, पर पाके बणा, किबेकी माए शैतान हराऊ दअ आसा जोह एउ संसारा में राज करा। अगर तमे अन्त तणी मेरे बुशाह में बणी रहले, तेबा परमेश्वरा तमे बचाऊणे!"

यीशु आपणे चले बे समझाऊणे बे यह कहाणी शूणाई की जेबरे संसारा रा अन्त हुंदा तेबरे लोका सगे केह हूँणा। यीशु बोलू , "कासु मणशे आपणे खेचे रामबड़ा बेजा बऊ। जेबा सह सूती चालु थी तेबा तेऊर दुशमण आओ होर गीहू रे बेजे में जगली बूटे रा बेजा मिलाऊ, होर तेउकी सह ठुरु।"

जेबा बेजा लागा तेबा नोकरे आपणे मालिका बे बोलू, 'हे मालका त्याए तो आपणे खेचे रामबड़ा बेजा बोउ थी तेबा या जगली बूटे कधा कअ लागे?' तेऊ मणशे उतर दीना, यह जगली बेजा मेरे दुशमने बऊ होला। '

तेऊ नोकरे आपणे मालका बे उतर दीना, 'केह हामा जगली घाह पेची लोडी?' तेऊ मालके बोलू, 'नांई। अगर तमे एडा करले तेबा तमा तेता सगे कुछ गीहू भी पेचणे। पसला काटणे तणी रुका। तेबा जगली घाह एकी गाड़े में कठे करा की तमे याहा जाली सके। पर गीहू मेरे बक्सा में कठे करा।

चेले एसा कहाणी रा मतलब नांई समझू, तेबा त्याहे यीशु का बिनती करी की हामा एसा कहाणी रा मतलब समझा। यीशु बोलू, रामडे बेजे बऊण आलअ मणश यीशु मसीह साहा। खेच संसारा साहा। रामडा बेजा परमेश्वरा रे लोका रे बारे में खोजा। "

जगली घाह त्या लोका रे बारे में खोजा जोह शैताने सगे सम्बंद डाहन्दा। फसला री कटाई एउ संसारा रा अन्त हुणे रे बारे में खोजा। होर कटाई करन आल़े लोका परमेश्वरा रे लोका रे बारे में खोजा।

जेबरे संसारा रा अन्त हुणा, तेबा स्बर्गदूत शैताना रे सभी लोका कठे करने। त्या स्वर्ग दूत त्या नरका री आगि में फेकणे तखे त्या लोका दुःख हुणे री बजा का बहु लेरने होर त्या आपणे दाद पिशणे। पर जोह लोका धर्मी आसा त्या पिता परमेश्वरा रे राज्य में सुरजा जेहे चमकणे। त्या स्वर्गदूता त्या एकी बहु गर्म आगि में फेकणे। तखे त्या लोका बहु बड़े दुखा में हुणे, होर त्या लेरने होर बहु दुखी हुणे। पर जोह लोका धर्मी साहा जोह यीशु जाणा, त्या परमेश्वर पिता रे राज्य में सुरजा जेहे चमकणे।

यीशु यह भी बोलू की संसारा रा अन्त हुणे का पहिले तेऊ धरती में बापिस हीहणा। सह तेऊ तरीके सगे बापिस हीहणा जेडअ सह नाठअ थी। मतलब तेऊ सेटा हाड होर मास हूँणा, होर सह सरगा में बादला पेंदे सवार होई करे इहण। जेबरे यीशु बापिस ईहणा, तेबा हर एक मसीह जोह मरी मुके दे साहा त्याह जिउंदे हुण, होर यीशु सगे सरगे मिलणे ।

होर तेऊ वक्ते जोह मसीहा लोका जिउंदे हुणे त्या सभे तखे यीशु सगे हुणे, होर त्या दूजे लोका सगे मसीहा में शामिल हुणे जोह मरीदे में जिउंदे हुणे त्या सभे तखे यीशु सगे जिउंदे हुणे। त्या सभे तखे यीशु सगे हुणे एता बाद यीशु आपणे लोका सगे सदा बे पूरी शान्ति सगे रहणे।

यीशु तेऊ पेंदे बुशाह करन आल़े हर एकी मणशा बे एक मुकटा दीणे री कसम खाई दी आसा। त्या सदा बे परमेश्वरा सगे हर चीजा पेंदे राज करणा। त्या सेटा सिद्ध करी दी शान्ति हुणी।

पर परमेश्वरा त्या सभी रा इन्साफ करणा जोह यीशु पेंदे विशवास नांई भी करदे त्या तेऊ नरका में फेकणे जखे त्या लेरने होर दाद पिशणे, होर त्या सदा दुखी रहणे। कधी नाँई हीशण आली आग लागातार त्या जाल्दी रहणी, होर कीड़े त्या सदा खांदे रहणे।

जेबा यीशु बापिस हीहण, तेबा तेऊ शैतान होर तेऊरा राज्य सदा बे नष्ट करणा। यीशु शैतान नरका में पाऊण। सह शैतान सदा बे जलदअ रहण, त्या सभी सगे जासुये परमेश्वरा री गला मनणे का मना करी करे शैताने सगे हांडणे रा फैसला करू थी।

किबेकी आदम होर हबा परमेश्वरा री आज्ञा नांई मनी थी, होर त्याहे पाप एउ संसारा में आणू थी, परमेश्वरे एउ संसारा बे श्राप दीना, होर एउ नष्ट करने रा फैसला करू।पर कासु धयाडी परमेश्वरे एक नऊय स्बर्ग होर एक नई पृथ्वी री रचना करणी।

यीशु होर तेऊरे लोका तेसा नई धरती में रहणे ,होर यीशु तखे सदा बे सभी चीजा पेंदे राज करणा। तेऊ लोका री आछी का हर एक आशु टूशणे। तखे कोहे भी बीमार होर दुखी नांई हुणे। त्याहा कधी नाँई लेरना। त्या बीमार नांई हुणे होर त्या नांई कधी मरने। होर तखे किछे भी बुराई नांई हुणी। यीशु आपणे राज्य में न्याय सगे होर शांति सगे राज करणा। सह सदा बे आपणे लोका सगे रहण।