49. परमेश्वरा री नऊई वाचा

एकी स्वर्गदूते मरियमा ना री एकी कुआरी शोहरी का बोलू, ताह परमेश्वरा रे शोहरू बे जन्म दीणा। सह एबरे कुँआरी थी, पर पवित्र आत्मा तेसा सेटा बे आउअ होर सह सुईदी होई। तेसे एकी शोहरू वे जन्म दिना जासका ना तेसे यीशु डाहू। तेवा, यीशु परमेश्वर होर मनश दुहे साहा।

यीशुये बहु सारे चमत्कार आल़े काम करी जासु का पता चला कि सह परमेश्वर साहा। सह पाणी पेंदे हाण्डू होर बागर शान्त करी। तेउये बहु सारे बीमार लोका ठीक करी, होर बहु सारे लोका का दुष्टात्मा काडी। तेउये मुंयेदे लोका जिउंदे करी, होर तेउये पांज रोटी होर दुई मछली का 5,000 लोका वे रज खाणा खिलाऊ।

यीशु एक महान शिक्षक भी थी। जोह किछ भी तेउये सिखाऊ, सह तेउये पुरे अधिकारे संघे सिखाउ। जोह सह लोका वे करणे बे बोल्दा थी सह त्याये करू लोडी किवेकी सह परमेश्वरा रअ शोहरू साहा। तेऊ लोका बे सिखाऊ की तमे दूजे लोका सगे तेहडा ही प्रेम करू लोडी,जेहडा प्रेम तमे आपु सगे करा।

तेयूये यह भी सिखाऊ कि तमा सभी चिजा का बहु होर आपणी संपत्ति का भी बहु परमेश्वरे सगे प्रेम डाहू लोडी।

यीशुये बोलू कि संसारा में कासी भी चीजा पाउणे का ठीक साहा परमेश्वरा रे राज्य में हुणा। तेउरे राज्य में तमा नाहणे री तणी जरूरी साहा कि परमेश्वर तमा वे थारे पापा का बचाये।

यीशुये बोलू कि तमा लोका हाऊ ग्रहण करणअ। होर परमेश्वरा त्या लोका बचाउणे। पर दूजे लोका हाऊ नाँई मनण। तेउये यह भी बोलू, एखा लोका रामबडी जमीना साही साहा, किबेकी त्या यीशु रे बारे में शुभ समाचार मना साहा, होर परमेश्वर त्या बचाऊदा। पर एखा लोका हांडणे री बाता जेहे पाके साह। परमेश्वरा वचन बेजे साही बाता में पडा, पर तखे किछे भी नांई लाग्दा। याहा लोका यीशु रे समाचारा नांई शूणदे। त्या तेऊ रे राज्य में ईहणे वे नांई करा।

यीशु बोलू कि परमेश्वर पापी सगे बहु प्रेम करा। यीशु पापी क्षमा करना चहान्दा होर त्या आपण पुत्र बडाऊण चाह्न्दा।

यीशु यह भी बोलू, की परमेश्वर पापा रे कामा का रोष करा। किबेकी आदम होर हबा पाप करू, तेबा त्यारे सारे बंशे भी पाप करू। एउ संसारा में रहण आलअ हर एक मणश पाप करा होर परमेश्वरा का दूर आसा। हर एक मणश परमेश्वरा रअ दुशमन आसा।

पर परमेशवरे एउ संसारा में रहण आल़े हर मणशा सगे एथरा ज्यादा प्रेम करू की तेऊ आपण एक्लोतअ शोहरु दीनअ की जोह कोई तेऊ पेंदे विशवास करे तेऊ तेऊरे पापा री सजा नाँई भेटे, पर परमेश्वर तेऊबे अन्त जिंदगी दे।

तमे मरणे लायक साहा, किबेकी तमें पाप करुदा साहा। परमेश्वरा रा रोष तमा पेंदे ठीक साहा ,पर थारी तणी, तेऊ आपणे शोहरू यीशु पेंदे रोष आउआ। तेउये यीशु वे क्रूसा री मऊत देई करे सजा दीनी।

यीशुये कदी पाप भी नाई करू, पर तेउकी तेऊए सजा होर मरणा स्वीकार करू। एउ सावे ,थारे पापा वे होर एउ संसारा में रहणे आल़े हर एकी मनशा रे पापा चुआकणे री तणी सह एक सिद्ध बलिदान थी। यीशुये परमेश्वरा री तणी आपणा बलिदान करू, तेवा परमेश्वर कासी भी पापा, अखे तणी कि बड़े बड़े पापा भी माफ करा साहा।

भले ही तमे बहु रामबडे काम करदा साह, पर याहा कामा रे जरिये परमेश्वर तमा नाँई बचाऊलअ । तेउरे दोस्त बणणे री तणी एडा किछे भी नाई साहा जोह तमे करी सका। एतके बजाए, तमा विशवास करणा साहा कि यीशु ही परमेश्वरा रअ शोहरू साहा, होर सह थारे बदले क्रुसा पेंदे मूअ ,होर यह भी कि परमेश्वरे सह भीआ का जिउन्दअ करू।

परमेश्वरा सह हर एक मनश बचाउणा जोह यीशु पेंदे विशवास करदा, होर तेऊ आपणे प्रभु स्वीकार करदा। पर सह तेऊ त्या नाई बचाऊणे जोह तेऊ पेंदे विशवास नाई करदा साहा। यह जरूरी नाई आन्दी कि तमे सेठ साहा या गरीब साहा, मर्द होले या बेटड़ी, बूढ़ले होले या जुआन, या तमें कही रहंदा। परमेश्वर तमा का प्रेम करदा साहा होर चाह्न्दा कि तमे यीशु पेंदे विशवास करे कि सह थारअ दोस्त बणी सके।

यीशु तमा शाददअ लागदअ साहा कि परमेश्वरा पेंदे विशवास करा, होर बपतिस्मा लआ। कैह तमे विशवास करदा कि परमेश्वरा रअ एकलौतअ शोहरू, यीशु ही मसीह साहा? कैह तमे विशवास करदा कि तमे एक पापी आसा, होर परमेश्वरा रे जरिये सजा पाऊणे रे लायक आसा? कैह तमे विश्वास करदा साहा कि थारे पाप वे मिटाउणे री तणी यीशु क्रूसा पेंदे मुअ?

अगर तमे यीशु पेंदे होर जोह तेऊ थारी तणी करुदा साहा तेऊ पेंदे विशवास करदा साहा, तेवा तमे एक मसीही साहा! शैताना आपणे अंधकारा रे राज्य में एवा तमा पेंदे राज नाँई करना। एवा परमेश्वरा आपणे प्र्याशे रे राज्य में तमा पेंदे राज करा साहा। तेउये तमें पापा करणे का रोकी दे साहा, जासु तमे करदा थी। तेउये तमा वे एक नउआ,जीबन दिनादा साहा।

अगर तमे एक मसीही साहा, तेवा जोह यीशुये करूदा साहा, तेतकी बजहा का परमेश्वरे थारे पाप क्षमा करी। एवा, परमेश्वर तमा एक दुश्मना का तमा एक सचअ दोस्त मनदा साहा।

अगर तमे परमेश्वरा रे दोस्त साहा होर प्रभु यीशु रे सेवक साहा तेवा तमे दुई गला रा मनणे री इच्छा करणी जोह यीशु तमा वे सिखाउदा साहा। भले ही तमें एक मसीही साहा, शैतान एवरे भी पापा करणे री तणी थारी परीक्षा करणी। पर परमेश्वर सदा सह करदा साहा जोह सह बोलदा साहा कि महा करणा। सह बोलदा साहा कि अगर तमें आपणे पापा मानले, तेवा तेऊ तमा वे क्षमा करणा। तेऊ तमा वे पापा रे खिलाफ लड़णे री ताकत दीणी।

परमेश्वर तमा वे प्रार्थना करणे होर वचना पढ़णे री तणी बोलदा साहा। सह तमा बे दूजे विशवासी सगे होरी विश्वासी संघे मिली करे तेऊ री आराधना करणे री तणी भी बोलदा साहा। तमा होरी लोका वे भी खोजणा साहा, तेउये थारी तणी कैह करुदा साहा। अगर तमे याह सभी कामा करले, तेवा तमें तेऊरे सचे दोस्त बडने।