48. यीशु ही सचअ मसीह आसा।

जेवा परमेश्वरे संसार बणाउ तेवा सब्हे सा रामबडा थी। आदम होर हब्बा एकी दूजे सगे प्रेम करदा थी, होर परमेश्वर का प्रेम करदा थी। किछे भी बीमारी या मऊत नाँई थी। परमेश्वर ऐडे ही संसारा चाह्न्दा थी।

शैताने सर्प बणी करे हव्वा संघे गल्ला करी, किबेकी सह तेऊ बे धोखा दीणा चाह्न्दा थी। तेवा हव्वा होर आदमें परमेश्वरा रे बिरोधा में पाप करू। किबेकी त्याये पाप करू थी तेवा धरती में रहणे आल़े सारे मणश मरदा साहा।

आदम होर हव्वा पाप करू थी, तेवा होर भी बुरा होऊ। त्या परमेश्वरा रे दुश्मन बणी। तेता बाद, हर एक मणशे पाप करुदा साह। हर एक मणश जन्मा का ही परमेश्वरा रअ दुश्मन साहा। परमेश्वर होर लोका रे बीचा में शान्ति नाँई थी। पर परमेश्वर त्या बे शान्ति दीणा चाहंदा थी।

परमेश्वरे बईदा करू की करी कि हव्वा रे वंशज सर्पा रअ मुड़ फालणअ। परमेश्वरे यह भी बोलू कि सर्पा त्याहा री जाघा डासणी। शैताना मसीह मारी पाउण, पर परमेश्वरा सह भीआ का जिउदअ करणअ। तेता बाद, मसीहा शैताना री शक्ति सदा बे खत्म करणी। कईये साला बाद , परमेश्वरे प्रकट करू कि मसीह यीशु साहा।

जोह पाणी परमेश्वर धरती में आणण आलअ थी तेऊ पाणी का तेऊ आपणे परिबार बचाई। तेऊ नूहां बे एक बडी किश्ती बणाउणे री तणी बोलू, एउ सावे परमेश्वरे त्या लोका बचाई जोह तेऊ पेंदे विशवास करदा थी। त्या सारे परमेश्वरा रे जरिए मारने लाईक थी, एउ सावे, त्या सब्हे रे सब्हे किबेकी त्याये पाप करूदा थी। पर परमेश्वरे त्या सभी बचाऊणे री तणी यीशु भेजू जासु पेंदे त्या विशवास करे।

कई शह साला तणी, याजक परमेश्वरा री तणी बलि चढ़ाउदे रही। तेबा की सभी लोके पाप करू तेबा की त्या सबे परमेश्वरा रे जरीए मारने लाईक थी। पर सह बलिदान त्या रे पाप माफ नाँई करी सके। यीशु सभी का बडअ महायाजक आसा। तेऊ सह करू जोह कोहे याजक नाँई करी सकदअ थी। तेऊ आपणे आपा बे बलिदान चढ़ाऊ, जोह हर एक मणशा रे पाप मटाई सकदा थी। तेऊ मनु की परमेश्वर सभी लोका रे पापा री सजा महा दे एउ साबे यीशु सिद्ध महायाजक थी।

परमेश्वरे अब्राहमा का बोलू, "माह ताह सगे संसारा रे सभी कुला बे आशीष दीणा।" यीशु एउ अब्राहमा रअ वंशज थी। परमेश्वरा अब्राहमा रे जरिए का सभी कुला बे आशीष दिंदा साहा, किबेकी जोह यीशु पेंदे विशवास करदा साहा परमेश्वर त्या सभी पापा का बचाउदा साहा। जासू भी यीशु पेंदे विशवास करू तयाहे पापा का छुटकारा पाऊ, होर परमेश्वर त्या अब्रहमा रे बंशज बड़ाऊन्द।

परमेश्वरे अब्राहमा का बोलू कि सह महा बे आपणे शोहरू इसाहाका री बलि चढा, पर तेउकी परमेश्वरे इसाहका रे बदले बलि चढ़ाऊणे बे एकी गाभु रा इंतजाम करू। हामे सब्हे आपणे पापा री तणी मारणे लायक थी ! पर परमेश्वरे हमारी जगहा मरणे री तणी यीशु वे बलिदाना रे रूपा में दिनअ। एसा बजहा का हामे यीशु बे परमेश्वरा रअ गाभु भी बोल्दा।

जेवा परमेश्वरे मिस्र में विपत्ति भेजी तेवा तेउये हर एकि इस्राएली परिवार बे बोलू, कि त्या एकी छेलू री बलि करे।तेऊ मेमने में किछे भी दोष नाँई होऊ लोडी। तेवा आपणे दुआरा री चौखटा पेंदे होर बगला में तेऊ त्या रे खून लाउणा थी। जेवा परमेश्वरे सह खून हेरू तेवा सह त्यारे घरा का ज़ेह नाठअ होर त्या रे पहिले शोहरू नाँई मारी। जेवा यह होऊ तेवा परमेश्वरे एता वे फसहा री जाच बोलू।

यीशु फसहां जाचा री एकी गाभु साही साहा। तेउये कधी भी पाप नाँई करू, तेवा तेऊ में किछे भी गलत नाँई थी। सह फसह री जाचा री धयाडी मारू। जेवा कुण यीशु पेंदे विशवास करदा साहा ,तेवा यीशु रा लहू तेऊ मनशा रे पापा री कीमत चुकाऊदा साहा। होर परमेश्वर री सजा तेऊ मनशा का हटा साहा।

परमेश्वरे इस्राएली लोके संघे एक वाचा बाँधी, किबेकी त्या ऐडे लोका थी जोह परमेश्वरे आपणे हुणे री तणी चुनी दअ साहा। पर एवा परमेश्वरे एडी वाचा बाँधीदी साहा जोह सभी वे साहा। अगर कासी भी जाती रअ कोहे भी मनश एसा नउइ वाचा स्वीकार करदा साहा, तेवा सह परमेश्वरा रे लोका में नाह्न्दा साहा। सह एडा तेवा करदा साहा क्योंकि सह यीशु पेंदे विशवास करदा साहा।

मूसा एक एडअ भविष्यद्वक्ता थी, जासुये परमेश्वरा रे वचना बड़ी सामर्थ संघे प्रचार करुदा थी। पर यीशु सभी भविष्यद्वक्ताओं का सभी का बडअ साहा। सह परमेश्वर साहा, तेवा जोह भी तेउये करू होर बोलू सह परमेश्वरा रे काम होर वचन थी। तेवा पवित्र-शास्त्र यीशु वे परमेश्वरा रअ वचन बोल्दा साहा।

परमेश्वरे राजा दाऊदे सगा बाईदा करू थी,कि तेरअ एक बंशज राजे रे साही परमेश्वरा रे लोका पेंदे सदा बे राज करणा। यीशु परमेश्वरा रअ शोहरू होर मसीह साहा, तेवा सह राजा दाऊदा रअ वंशज साहा, जोह सदा री तणी राज करी सकदा।

दाऊद तो इस्राएला रअ राजा थी, पर यीशु सारे संसारा रअ राजा साहा! सह भीआ का इहंणा, होर सदा री तणी आपणे राज्य में इंसाफ होर शान्ति सगे राज करणा।