47. फिलिप्पी में पौलुस होर सीलास

जेवा शाऊले सारे रोमी साम्राज्य में यात्रा करी, तेवा तेऊ आपणे रोमी ना "पौलुस" रा इस्तेमाल करना शुरू करू। एकसा दिहाड़ी, पौलुस होर तेऊ रअ साथी सीलास फिलिप्पी नगरा में यीशु रे बारे में शुभ संदेश शुणाउणे री तणी नाठे। त्या नगरा बागे नदी रे किनारे एकसा जगहा नाठे जखे लोका प्रार्थना करणे री तणी कठे होई दे थी। तखे त्या लुदिया ना री एकसा बेटड़ी का मिली जोह एक व्यापारी थी। सह परमेश्वरा का प्रेम करदा थी, होर तेऊरी आराधना करदा थी।

परमेश्वरे लुदिया रा मन यीशु रे शुभ समाचारा पेंदे विशवास करणे री तणी सक्षम करी। पौलुस होर सीलासे तेसा होर तेसके टबरा वे बपतिस्मा दिना। तेसे पौलुस होर सीलासा वे आपणे घरे रहणे री तणी बोलू , तेवा त्या तखे रुकी।

पौलुस होर सीलास लोका वे सदा तेसा जगहा भेटा थी, जखे यहूदी लोका प्रार्थना करदे रहंदा थी। रोज जेवा त्या तखे नाह्न्दा थी, तेबा एक सेबक लड़की जोह दुष्टात्मा जकड़ी डाही दी थी, त्या रा पीछा करदी रहंदा थी। एसा दुष्टात्मा रे सगे सह लोका रा भविष्य खोजदी रहंदा थी, तेवा सह भविष्य खोजणे आल़ी रे रूपा में आपणे मालका वे बहु ढबे खटे करा थी।

त्या नाह्दे वक्ते यह दासी शोहरी जोरे- जोरे बोल्दी लागी थी, "या मणश परम प्रधान परमेश्वरा रे सेवक साहा। या तमा वे उदार पाउणे री बाता खोजदे लागेदे साहा!" सह रोज एडा करदा थी जासु का पोलुस तग होऊ।

एकसा धयाडी जेवा सह सेबक शोहरी जोरे -जोरे बोल्दी लागी, तेवा पौलुसे तेसा फेरा वे फिरि करे तेसके मितरा री दुष्टात्मा वे बोलू, "यीशु रे ना का एसा का निखल।"तेऊ बकते तेसा शोहरी का दुष्टात्मा बागे निकदी।

तेसा शोहरी रे मालका बखे रोष होऊ। त्या पता लागा कि बिना तेसा दुष्टात्मा का सह दासी शोहरी लोका रा भविष्य नाँई खोजी सकदी थी। एतका मतलब यह थी कि लोका एवा तेसरे मालका वे ढबे नाँई दीणे कि सह त्या वे भविष्य खोजे कि त्या संघे कैह हुणा।

तेवा तेसा शोहरी रे मालके पौलुस होर सीलास रोमी अधिकारी सेटा वे निई। त्याये पौलुस होर सीलास चिकी, होर तेउकी त्या जेले पाई।

त्याये पौलुस होर सीलास जेला रे ऐडे हिस्से में डाही जखे सभी का ज्यादा सिपाही थी। होर त्याहे त्याहा री जांघा एकी लकडा रे एकी बड़े छेदा में बानी। पर पौलुस होर सीलास आधा राची रे बक्त , परमेश्वरा री स्तुति री गीआ गाउदे लागे थी।

तेबा एक दम, तगड़ी जाजरी होई ! जेला रे सारे दूआर खुली, होर सारे कैदी री जंजीर खुली।

तेवा दरोगा उठू। तेऊ हेरू कि जेला रे सारे दुआर खुलीदे दे थी। तेयूये सोचु कि सारे कैदी बची करे ठुरी हूँणे। सह डरू थी कि त्यारे ठुरणे री बजहा का रोमी अधिकारी हाऊ मारी पाउण, तेवा सह आपणे आपु वे मारणे री तणी त्यार होऊ ! पर पौलुस तेऊ हेरी करे जोरे बोलू, "रुक ! आपणे आप वे नुक्सान नाँई पजेरे। हामे सब्हे अखे साहा।"

तेऊ दरोगे काँमदे काँमदे पौलुस होर सीलासा सेटा इच्छी करे पुछु , "उदार पाउणे री तणी हाउ कैह करू?" पौलुसे जवाब दिना, "प्रभु यीशु पेंदे विशवास कर, तेवा ताह होर तेरे घराने उदार पाउणा।" तेवा तेऊ दरोगे पौलुस होर सीलास आपणे घरा वे नीई, होर त्या रे घाव धोई। पौलुसे तेऊ रे घरा रे सभी लोका वे यीशु रे बारे में शुभ समाचार सुणाउ।

दरोगा होर तेऊरे पुरे टबरे यीशु पेंदे विशवास करू, तेवा पौलुस होर सीलासे त्याबे बपतिस्मा दीना। तेवा दरोगे पौलुस होर सीलासा वे खाणा खिलाऊ, होर त्या एकी बारी कठे होई करे खुश होई।

आग़ले दिहाड़े नगरा रे गुरु पौलुस होर सीलास जेला का आजाद करी, होर त्या का बोलू फिलिप्पी नगरा का नाहा। पौलुस होर सीलास लुदिया होर एखा होरी साथी का मिली होर तेता बाद तेऊ नगरा का निखदे। यीशु रे बारे में शुभ संदेश फैलदा रहू, होर कलीसिया बढ़दी रही।

पौलुस होर होरी मसीही गुरु बहु नगरा री यात्रा करी। त्याये लोका वे यीशु रे बारे में शुभ समाचार शुणाउ। त्याये कलीसिया रे के विश्वासी लोका बे शिक्षा दीणे री तणी कईये चिठ्ठी भी लिखी। याह में एखा चिठ्ठी बाइबला री कताबा बणी।