6. परमेश्वर इसहाका वे इतजाम करा

जेवा अब्राहमबहु बूढ़लअ होउ थी तेवा तेऊ रअ शोहरू, इसहाक, जुआन होऊ थी। तेवा अब्राहमें आपणअ एक सेवक तेऊ देशा बे भेजू, जखे तेऊ रे रिश्तेदार रहंधा थी, की सह अब्राहमा रे शोहरू बे बेटड़ी आणी सके।

एक लम्बी यात्रा बाद, अब्राहमा रअ नोकर तेऊ देशे पूजअ जखे अब्राहम रे रिश्तेदार रहंधा थी, परमेश्वरे सह नोकर रिविका सगे मिलाऊ रीबिका अब्राहमा रे रिस्तेदारा री पोची थी।

रिबका आपणे परिवारा छाडी करे अब्राहमा रे सेबका संघे इसहाक रे घरा बे हीहणे बे तयार होई। जेड़े ही त्या घरे पूजे, वापस नाहंणे वे तैयार होई। जैडे त्या पूजे इसहाके रिविका संघे ब्याह करु।

एक लामे वक्ता बाद, अब्राहमा री मऊत होई। तेवा परमेश्वरे अब्राहम रे शोहरू इसहाका वे आशीष दीनी, किबेकी परमेश्वरे अब्राहमें संघे बाचा बानीदी थी। तेसा बाचा में परमेश्वरे एक बायदा करू थी अब्राहमा रे बंशज सरगा रे तारे जेहे हुणे। पर रिबका रे शोहरू नाई होई।

इसहाके रिबका री तणी प्रार्थना करी, होर परमेश्वरे तेउरी प्रार्थना शूणी होर तेउरी लाड़ी बे तेबरी दुई जुड़वाँ शोहरू री आशीष दीनी। जासु वक्ते त्या शोहरू रिबका रे पेटे ही थी त्या पेटा में ही आपु में लड़दे लागे, तेबा रिबिका परमेश्वरा का पुछु यह केह हुंदा लागा।

परमेश्वरे रिबका वे बोलू , " ताह दुई शोहरू वे जन्म दीणा। त्या रे वंशा दुई अलग-अलग जाति बनाऊणी। त्या एकी दूजे का लड़णा। पर तेरेअ बड़अ शोहरू होछे शोहरू रे अधीन रहण।"

तेवा रिबका रे शोहरू रा जन्म होऊ, तेसक बडअ शोहरू ;लाल होर रुई जेहअ थी , होर त्याये तेऊ रा ना एसाव डाहू। होर होछअ शोहरू एसावा री टांग ढाकी करे पैदा होऊ ,होर त्याये तेऊ रा ना याकूब डाहू।