5. बायदे रअ शोहरू

अब्राम होर सारै रे कनाना पूज़णे कअ दस साला बाद, एबरे तणी भी त्या रे कोहे शोहरू नाई थी। तेवा अब्रामा री वेटडी सारै तेऊ वे बोलू , " हेर परमेश्वरे एबरे तणी हामा बे शोहरू नाँई दीनअ, होर एबा हाऊ शोहरू पैदा करने बे बहू बूढली होई, शूण तूह मेरी दासी हाजिरा का महाबे शोहरू पैदा कर।’’

तेउकी अब्रामें हाजिरा का आपणी बेटड़ी सारे बा एक शोहरू पैदा करू करु, होर अब्रामें तेऊ रा ना इश्माएल डाहु। पर सारै हाजिरा का जल़दी लागी। जेबा इश्माएल तेरह साला रअ थी, परमेश्वरे भी अब्रामा का गल्ला करी।

परमेश्वरे बोलू , "हाउ सर्व-शक्तिमान परमेश्वर साहा। माह ताह संघे एक बायदा करणा " तेवा अब्रामें जमीना में पड़ी करे प्रणाम करु। परमेश्वरे अब्रामा का यह भी बोलू, "तूह बहु सारी जाति रअ पिता हूणअ। माह ताह बे होर तेरे खानदाना वे त्यारी आपणी जमीन बणने री तणी कनन देश दीणअ होर हाऊ सदा वे त्या रअ परमेश्वर हुणा। तूह आपणे घराने हर एकी मर्दा रा खतना करणा। "

तेरी बेटडी सारै रा एक शोहरू बे जन्म दीणा– सह बायदे रअ पुत्र हुण तूह तेऊरा, ना इसहाक डाहे। माह तेऊ संघे आपणा बायदा बणाई डाहणा और सह एक बड़ी जाति हूँणी। माह इश्माएल बे एक बड़ी जाति बणाऊणी, पर मेरा बायदा इसहाके संघे रहणा। तेवा परमेश्वरे अब्राम रा ना बदली करे अब्राहम करु , जसका मतलब साहा "बहु सारे रअ पिता"। परमेश्वरे सारै रा ना भी बदली करे सारा करु, जसका मतलब साहा “बहु री आमा।’’

तेसा दिहाड़ी अब्राहमे आपणे सारे घराने रे सारे मर्दा रा खतना करु। लगभग एकी साला बाद, जेबरे अब्राहम शअ साला री उम्र थी होर सारा री उम्र नम्बे साला री थी, तेब्रे सारा इसाहका वे जन्म दीना। जेडा परमेश्वरे तेऊ वे बोलू थीं त्याये आपणे शोहरू रा ना इसहाक डाहू।

जेवा इसहाक जुआन होऊ तेवा परमेश्वरे अब्राहमा रे विश्वासा री परीक्षा करी, परमेश्वरे बोलू, “महाबे आपणे एकलौते शोहरू री बलि चढ़ा।’’ अब्राहमें परमेश्वरा री आज्ञा मनी होर आपणे शोहरू री बलि चडाउणे वे तैयार होऊ।

जेवा अब्राहम होर इसहाक बलि चडाउणे री जगहा वे नाह्दे लागे दे थी तेवा इसहाके अब्राहमा का पूछू, “ पिता जी , हामा सेटा बलि वे झुका तअ आसा, पर बलि चड़ाउणे वे घाबू कई साहा ?" अब्राहमें जवाब दिना, “हे मेरे शोहरूआ , परमेश्वर बलि वे घाबू रा इतजाम करणा।’’

जेबा त्या बलि चडाउणे री जगहा पूजे, तेवा अब्राहमें इसहाक बाँनि करे वेदी पेंदे लिटाउ। सह आपणे शोहरू मारणे आल़ थी कि परमेश्वररे बोलू, “रुक आपणे शोहरू बे नुकसान नाई करे। एवा माई जाणू, कि तूह माह का डरा, क्योंकि तांई आपण एकलौतअ शोहरू भी माह का बचाई नाँई डाहू।

तखी अब्राहमें एक गाभु हेरू जोह झाखड़े फँसू दअ थी। इसहाक री बलि रे बदले परमेश्वरे गाभु रा इतजाम पहिले ही करू दा थी। अब्राहमें खुशी-खुशी सगे गाभु री बलि चढ़ाई।

तेवा परमेश्वरे अब्राहमाँ का बोलू, “तूह माह वे आपणा सवे सा दींणे वे तैयार थी, अखे तणी कि तूह आपणे एकलौते शोहरू री बलि दीणे बे तयार थी, तेवा हाऊ ताह वे आशीष दीणे रा बायधा करा। तेरे वंश सरगा रे तारे का भी बहू हुणे। किबेकी ताई मेरी आज्ञा मनी तेबा महा तेरे परिवार सगे संसार री सभी जाति बे आशीष दीणी।’’