33. एकी ज़िम्मींदारे कथ्या,

एकी बारी त ईशू गलील समुंदरे बाढै लोगा परमेशरे राज़े बारै गल्ला खोज़दअ लागअ द। तिधी हुऐ एतरै खास्सै लोग कठा कि तिधी निं खल़ै हणां लै बी ज़ैगा रही। तेखअ किई समुंदरे बाढै किश्ती खल़ी संघा खल़्हुअ तेथ प्रैंदै। तेखअ लागअ तिधा का लोगा संघै गल्ला करदअ।

ईशू खोज़ी तिन्नां का एक कथ्या कि एकी बारी डेऊअ एक ज़िम्मींदार बेज़ै बऊंदअ, ज़ांऊं सह बेज़ै शोटदअ लागअ, धख बेज़अ पल़अ बाता और सह बेज़अ हेरअ च़ेल्लू पखीरू नढैऊऐ च़ुंघी।

धख बेज़अ पल़अ शाफल़ा प्रैंदै, तेथ थिअ धख माटअ और तेथ टिप्परू ता लागै पर ज़ल़ैल़ै लै डुघअ माटअ निं आथी त, ज़ांऊं तिन्नां टिप्पूरू लै धुप्पे मार पल़ी, तिंयां शुक्कै पठी।

धख बेज़अ पल़अ कांडै-रिंडै जैंदरी, तेते टिप्परू संघै टिप्पै होर आल़-जाल़ बी संघा दाभुऐ तेते डाल़ तेता जैंदरी और तेथ निं राम्बल़अ नाज़ लागी सकअ।

जुंण बेज़अ राम्बल़ी रज़दी-पज़दी ज़िम्मीं दी पल़अ, सह टिप्पअ बधिया और तेथ लागी फसल बी राम्बल़ी, कोई दी लागै तिह, कोई दी शाठ और कोई दी शौ दाणैं। खिरी बोलअ ईशू इहअ, “ज़ुंण परमेशरा संघै एछणअ च़ाहा, सह दैआ एहा गल्ला दी धैन कि मंऐं एभै किज़ै बोलअ।”

ऐहा कथ्या शूंणीं पल़ै च़ेल्लै बड़ै सोच़ा बच़ारा दी, और तेखअ लागअ ईशू एतो भेद खोज़दअ कि ज़ुंण बेज़अ आसा, सह आसा परमेशरो बैण, बाता पल़अ द बेज़अ आसा इहै मणछ ज़ुंण परमेशरे गल्ला शूंणां पर समझ़दै निं आथी, तेऊए दिल्ला का हेरा राख्स तेभी तिन्नां गल्ला उझै च़की।

शाफल़ा प्रैंदै पल़अ द बेज़अ आसा इहै मणछ, ज़ुंण परमेशरे गल्ला खुशी-खुशी ता मना, पर दुख मुसिबता निं सह ज़िरी सकदअ संघा डेओआ परमेशरा का दूर। मतलब तिंयां निं परमेशरा दी भरोस्सअ डाहंदै।

कांडै-रिंडै और आल़-जाल़ा आल़ी ज़िम्मीं दी पल़अ द बेज़अ आसा इहै मणछ, ज़ुंण परमेशरे गल्ला ता शूंणा पर दिल्लै हआ तिन्नें फिकर पल़अ द।

और रांबल़ी ज़िमी आसा सह ईहअ मणछ ज़ो परमेशरे गला शुणा-मना और तेथ दी च़ला, और तेऊ ही प्रैंदै भरोसअ डाहा, और खास्सै फल़ पैदा करा।” राम्बल़ी रज़दी-पज़दी ज़िम्मीं दी पल़अ द बेज़अ आसा इहअ मणछ ज़ुंण परमेशरे गल्ला,