10. मिस्र देश में दस विपत्ति

जब याकूबो को वंश मिस्र देश में भौत ज्यादा बढ़ ग्यो त वाँको राजा जैथैं फिरौन कुछ्या उले उनून गुलाम बनाभेरन उनून में अत्याचार करछ्यो, परमेश्वरे ले मूसा और हारून स इस्राएलीन मिस्र देशे की गुलामी भटे छुड़ून खिन चुनछ्य, जब उन फिरौना का पास ग्यान त उनूनले क्योछ, "इस्राएलो को परमेश्वर इसो कुछो, 'म्यारा लोगून जान दे!'" लेकिन फिरौन ले उनरि नै मानी और इस्राएलीयून नै जान दीन बल्कि उले उनून और ज्यादा मेहनतो काम करून खिन मजबूर करछ्य।

फिरौन उन लोगून जान दीन खिन लगातार इंकार करनै रूछो, येक कारण परमेश्वरे ले मिस्र देश में दस भयंकर विपत्तिन भेज्यान। इन विपत्तिन का द्वारा, परमेश्वरे ले फिरौन स दिखाया कि उ फिरौन और मिस्र देशा का देवतान भटे ज्यादा शक्तिशाली छै।

परमेश्वरे ले नील नदी को पानी खून में बदल दीछ, लेकिन फिरौन ले फिर ले इस्राएलीन न जान दीन।

परमेश्वरे ले पूर मिस्र देश में भेकुना भेज्यान। फिरौन ले भेकुनान दूर करून खिन मूसाथैं विनती करछ्य। लेकिन सब भेकुना का मर जाना का बाद, फिर फिरौन ले अपून मने स कठोर कर लीछ और इस्राएलीन मिस्र देश भटे नै जान दीन।

येक कारण परमेश्वरे ले कई प्रकारा जूणा की विपत्ति भेजछ्य। उक बाद डाँसून की विपत्ति भेजछ्य। तब फिरौन ले मूसा और हारून स बुलाया और उनूनथैं क्योछ कि अगर तुम इन विपत्तिन रोक दी त इस्राएलीन मिस्र देश स छोड़भेरन जा सकनान। तब मूसा ले प्रार्थना करछ्य त परमेश्वरे मिस्र देश में भटे डाँसून हटा दीछ। लेकिन फिर फिरौन ले अपून मने स कठोर कर लीछ और उन लोगून मिस्र भटे जान खिन मना कर दीछ।

त फिर परमेश्वरे ले मिस्र देशा का लोगून का गोरू-बाँछान में बीमारी भेजछ्य और उन मरून लागनान। लेकिन फिर ले फिरौनो को मन कठोरे र्योछ और उले इस्राएलीन जान नै दीनो।

तब परमेश्वरे ले मूसाथैं फिरौना का सामुनि हवा में साजी खितून खिन क्योछ। जब उले इसो करछ्य त मिस्र देशा का लोगून का शरीर में दर्द दीनवाला फ्वाड़ निकल्यान, लेकिन इस्राएलीन में कोई विपत्ति के असर नै भ्यो। परमेश्वरे ले फिरौना का मने स कठोर कर दीछ, और फिरौन ले इस्राएलीन नै जान दीन।

फिर उक बाद डाल पड़छ्य और उले मिस्र देशे की सब फसल स नाश कर दिया और जो आदिमी और गोरू-बाछा भ्यार छ्या उन ले मारी ग्यान। तब फिरौन ले मूसा और हारून स बुलाछ और उनूनथैं क्योछ, "मैंले पाप करछ्य। अब तुम लोग जा सकछा।" तब मूसा ले प्रार्थना करछ्य, और आकाश भटे डाल पड़ून बन्द हो गै।

लेकिन फिरौन ले पाप करछ्य और अपून मने स कठोर कर लीछ। उले इस्राएलीन नै जान दीन।

तब परमेश्वरे ले मिस्र देश में टिड्डीन का दलून उन दीछ। इन टिड्डीन ले उ सब फसल खा लीछ जो डाले ले बचिना की छी।

फिर परमेश्वरे ले पूरा मिस्र देश में तीन दिनून तक अंधकार कर दीछ। उ अन्यारो इतुक ज्यादा जो मिस्रा का लोग अपून घरून भटे नै निकल पाया। लेकिन जाँ इस्राएली लोग रूछ्या वाँ उज्यालो छ्यो।

इन नौ विपत्तिन का बाद ले, फिरौन ले इस्राएलीन आजाद नै कर्यो। येक कारण परमेश्वरे ले एक आखरी विपत्ति स भेजना की योजना बनाछ। यो फिरौना का मने स बदल देली।