9. परमेश्वरोको मूसा स बुलून

यूसुफा का मराना का बाद उक सब रिश्तेदार मिस्र में बस ग्या। उन और उनार वंशज कई सालून तक मिस्र मेंई र्यान और उन बाँ भौत बड़ ग्या। उन इस्राएली कहलायान।

कई सौ सालून का बाद, इस्राएलीन की संख्या भौते बढ़गै। और मिस्री लोग अब यो बात खिन आभारी नी छ्या कि उनरि मद्दत करून खिन यूसुफ ले भौत कुछ करीना को छ्यो। उन इस्राएलीन है डर गैछ्या क्याखिनकि उनरि तादात भौत बढ़ गैछी। येक कारण उ बखत मिस्रो को फिरौन ले इस्राएलीन मिस्रीन को गुलाम बना दीछ।

मिस्रीन ले इस्राएलीन भौत ठूला-ठूला घर और याँ तक कि कई शैहरून बनून खिन मजबूर करछ्य। उ भौत कठिन मेहनत ले उनार जीवनून भौत दुःखदायी बना दीछ, लेकिन परमेश्वरे ले उनून आशीष दीछ और उनार और ले ज्यादा संतान पैद भ्यान।

फिरौन ले देखछ्य कि इस्राएलीन की भौत संतान पैद हुन मर्यान, येक कारण उले अपून लोगून इस्राएलीन का सब च्यालान पैद हुनैई नील नदी में खीतभेरन मार दीनाक हुकुम दीछ।

एक इस्राएली स्यैनिले एक च्यालास जन्म दिया। उले और उक घरवालाले उ बच्चास तीन मैन तक लुकाभेरन राखछ्य।

और जब उन उ बच्चा ज्यादा दिन तक लुकाभेरन नै राख सक्या, त उनूनले ऊस मरून है बचून खिन एक तैरने वाली टोकरी में नील नदी का किनारे में सरकंडों बोटून का बीच राख दीछ। और उ बच्चा की दीदी यो देखछी कि उक दगाड़ की हुछो।

वाँ फिरौन राजा की चेलि नाहान खिन आछ तक उले उ टोकरी स देखभेरन उक भीतर देखछ्य। जब उले एक बच्चा स देखछ्य त उले उ बच्चास गोद ली लीछ। और उले एक इस्राएली स्यैनिस उस दूध पिलून खिन काम में राख लीछ, बिना यो जाणे कि उ उ बच्चा की ईजा छै। और जब उ बच्चा दूध पिनो छुड़ ग्यो, त उले फिरौने की चेलि का पास ऊस लौटा दीछ, और बच्चा को नाम मूसा छ्यो।

जब मूसा जूवान भ्योछ, त एक दिन उले देखछ्य कि एक मिस्री एक इस्राएली स पिटून मर्योछ। मूसा ले अपून इस्राएली भाई स बचूना की कोशिश करछ्य।

जब मूसा ले देखछ्य कि ऊस कोई नै देखून मर्यो त उले उ मिस्री स मार डालछ्य और उकी लाश स दफना दीछ कर। लेकिन मूसा ले जो करछ्य उ केले नै देख्यो।

लेकिन यो बात फिरौन स मालूम हो गै कि मूसा ले कि करछ्य। उले ऊस मार डालना को हुकुम दीछ, लेकिन मूसा मिस्र भटे मिद्यान देश खिन भाग जाछो। और फिरौना का सैनिक ऊस नै खोज सक्या।

और वाँ मूसा भेड़-बाकारान चरूना को काम करछो। और उले वाँ ब्या कर लीछ और उक द्वी च्याला पैद भ्यान।

मूसा अपून सौरा का भेड़ून चरूछ्यो। एक दिन, उले एक जलीना की झील स देखछ्य जो भस्म हुई बिना जलून मरेछी। ऊस उ देखून खिन उ झीला का पास ग्योछ। जब उ उक भौत नजीक ग्योछ त परमेश्वरेले उथैं बात करछ्य। उथैं क्योछ, "हे मूसा, अपून जूतान खोल द। तू एक पवित्र जागा में ठाड़ छै।"

परमेश्वरेले क्योछ, "मैंने अपून लोगून का दुखून देखछ्य। मैं तैस फिरौना का पास भेजूँलो ताकि तै इस्राएलीन मिस्रा का गुलामी भटे निकाल ल्याले। मैं उनून कनान देश द्यूलो, उ देश जैस दीना को मैंले अब्राहम, इसहाक और याकूब थैं वादा करीना को छै।"

मूसा ले पुछ्छै, "अगर उन लोग जाणून चाला कि मैंस केले भेजरेछ त मैं कि कूँलो?" परमेश्वरेले क्योछ, "जो मैं छूँ सो मैं छूँ। उनूनथै कये, 'मैं छूँ ले मैंस तुमार पास भेजिना को छै।' उनूनथै यो ले कये, 'मैं तुमार पूर्खा अब्राहम, इसहाक और याकूबो को परमेश्वर यहोवा छूँ।' म्योरो यो नाम हमेशा को छै।"

मूसा डर छ्य और फिरौना का पास जान नी चाछ्यो क्याखिनकि उ सोछो कि उ निकीकै बात नी कर पालो, येक कारण परमेश्वरे ले मूसा का भाई, हारून, स उकी मद्दत करून खिन भेजछ्य।