18. विभाजित राज्य

दाऊद राजा ले चालीस सालून तक शासन करछ्य। उक बाद उ मार ग्यो, और उको च्योलो सुलैमान ले इस्राएल में शासन करून सुरू करछय। परमेश्वर ले सुलैमान थै बात करछय और उथै पुछ्छै कि उ सबुन है ज्यादा कि चांछो की परमेश्वर उ खिन करो। सुलैमान ले परमेश्वर थै मांगछै कि उन मैस भौत बुदधिमान बना दी। यो बात ले परमेश्वर भोत खुश भ्यान, येक कारण परमेश्वर ले सुलेमान स संसारो को सबुन है बद्धिमान आदिमी बना दीछ। सुलैमान ले भौत बातून सिख्यान और उ बुद्धिमान राजा छ्यो। परमेश्वर ले ऊस भोत धनवान ले बना दीछ।

यरूशलम में सुलैमान ले उ मन्दिर स बनाछ जै खिन उका बाब ले योजना बनाईनाकि छी और समान स जाम करछ्य। अब लोग मिलाप वाला तम्बू में नै मन्दिर में परमेश्वर की अराधना करछ्या और उ खिन बलि चढू छ्या। परमेश्वर की मौजुदगी रूछी और वाँ अपूना लोगून का दगाड़ वास कर छ्यो।

लेकिन सुलैमान ले दुसरा देशून की स्यैनिन प्यार करछ्य। उले भोत लगभग एक हजार स्येनिन का दगाड़ ब्या करभेरन परमेश्वर की आज्ञा नै मानी! इनूनमें भटे भोत स्यैनिन दुसारा देशून भटे आयान और अपूना दगाड़ अपूना देवतान ल्यान और उनेरी पूजा करून जारी राखछै। जब सुलैमान बुढो हो ग्यो त उले लै उनारा देवतान की पूजा करछय।

यो कारण ले परमेश्वर सुलैमान भटे नाराज छ्यो। उले क्योछ की उ इस्राएल देश स द्वी राज्य में बाटना का द्वारा ऊस सजा द्याला। उ सुलैमान का मरना का बाद इसो करोलो।

सुलैमान का मरना का बाद, रहबाम राजा बनछै। इस्राएल देशा का सब लोग अपूना राजा का रूप में मानून खिन एक एक दगाड़ जाम भ्यान। उनूनले रहबाम थै शिकायत करछै कि सुलैमान उनूनथै भौत कठिन महेनत करवाईनाकि छी और भौत कर वसूलिनाका छ्या। उनूनले रहबाम थै अनुरोध करछ्य कि हमून थै कम है कम करवाया।

लेकिन रहबाम ले उनून भौत मूर्खता ले जबाब दीछ, “तुम कूछा की म्यारा बाब सुलैमान ले तुमूनथै कठिन महेनत करवाया। लेकिन मैं तुमूनथै उहै ज्यादा कठिन महेनत करूलो, और मैं तुमून उही ले ज्यादा पीड़ित करूलो।“

जब लोगून ले ऊस इसो कुनो सुणछै त उनूनमें भटे कई लोगूनले उका खिलाफ बलवा करछय। दस गोत्रून ले ऊस छोड़ दीछ; उका दगाड़ द्वी गोत्र बचियान। इन द्वी गोत्रून ले खुद यहूदा को राज्य क्योछ।

बाकी दस गोत्रून ले यारोबाम नामाका एक आदिमी स अपूना राजा बना लीछ। यो गोत्र देशा का उत्तर- पूरबा का भाग में छ्या। उनूनले अपून- आपस इस्राएल को राज्य क्योछ।

लेकिन यारोबाम ले परमेश्वरा का विरोध में बलवा करछे और लोगून थै पाप करवायान। उले अपूना लोगून का द्वारा पूजा करून खिन द्वी मूर्तिन बनायान। उन अब यहूदा का राज्य में यरूशलम में परमेश्वरा का मन्दिर में उकी अराधना करून खिन नै ग्या।

यहूदा और इस्राएल का राज्य दुश्मन बन ग्या और एक दुसारा का खिलाफ लडून लाग्यान।

इस्राएल का नय्या राज्य में, सबै राजा दुष्ट छ्या। इनूनमें भटे कई राजा उनारा जागा में राजा बननाकि इच्छा राखून वाला और इस्राएलीन का द्वारा मारि गै छ्या।

इस्राएल राज्य का सबै राजान ले और अधिकतर लोगून ले मूर्तिन की पूजा करछ्य। जब उनूनले इसो करछय, त उन अक्सर वेश्याऊन का दगाड़ पड़ियान और याँ तक कि कई बार मूर्तिन का अघिल नान्तिनान की बलि ले चढ़ाछ।

यहूदा राज्या का राजा, दाऊदा का वंशज छ्या। इन राजान में भटे कई भल आदिमी छ्या जिनूनले न्यायपूर्वक शासन करछय और परमेश्वर की अराधना करछय। लेकिन यहूदा का ज्यादा राजा दुष्ट छ्या। उनूनले दुष्टता ले शासन करछय, और मूर्तिन की पूजा करछय। याँ तक की इनूनमें भटे कुछ राजान ले झुठ्ठा देवतान का अघिल अपूना नान्तिनान ले बली चढा दीछ। यहूदा का अधिकतर लोगून ले परमेश्वरा का विरूद्ध बलवा करछ्य और दुसारा देवतान की पूजा करछय।