19. भविष्यद्वक्ता

परमेश्वर हमेशा इस्राएलिन का पास भविष्यवक्तान भेजनै रूछ्यो। भविष्यवक्ता परमेश्वर भटे संदेश सुणू छ्या और ऊस लोगून बतूछ्या।

जब अहाब इस्राएल राज्यो को राजा छ्यो त उ बखत एलिय्याह भविष्यवक्ता छ्यो। अहाब एक बुरो आदिमी छ्यो उले झुठ्ठा बाल देवता की पूजा करून खिन लोगून विवश करछ्यो। येक कारण एलिय्याह ले अहाब थै क्योछ की परमेश्वर उन लोगून दंड दिन वाला छन। उले उथै क्योछ, “जब तक मैं फिर है बरखा हुन खिन नै कूं तब तक इस्राएला का राज्य में बरखा नि होलि और नै ओस पड़ेलि।” यो बात ले अहाब स इतुक गुस्सा आछ की उले एलिय्याह स मार डालनाको फैसला करछै।

येक कारण परमेश्वर ले एलिय्याह थै क्योछ की उ जंगल में जाभेरन आहाब भटे लुक जा। एलिय्याह जंगल में उ पानिक सोता का पास ग्योछ जाँ जान खिन परमेश्वर ले ऊस बता राखछ्यो। काँवा एलियाह खिन रात्तै-ब्याल रोटा और शिकार ल्यूछ्यो, और उ वाँक पानि पिछो। यो पुरो बखत आहाब और उकी सेना एलिय्याह स खोजून मरेछ्या लेकिन उन ऊस खोज नै पाया।

बरखा नै हुनाले कुछ बखता का बाद उ पानिको सोता सुख ग्यो। एक कारण एलिय्याह नजिक का एक देश में न्हैग्यो। उ देश में एक गरीब विधवा छी जैको एक च्योलो छ्यो। उनारा पास खान- खिन लगभग खतम है चुकी ग्यो छ्यो। किलैकी वाँ कोई ले फसल नै भे। लेकिन फिर ले उ स्यैनि ल एलिय्याह की देख भाल करछय, एक कारण परमेश्वर ले उकी और उका च्याला की जरूरत पूरी करछ्य, यो कारण ले उको धुला को डब्बा और उक तेल ले की कुप्पी कभे खाली नै भे। उ पुर अकाला का दोरान उनारा पास खान- खिन छ्यो। एलिय्याह कुछ सालून तक वाँ र्योछ।

तिसारा साल परमेश्वर ले एलिय्याह थैं क्योछ की मैं फिर बरखा कर द्यूलो। उले एलिय्याह थै वापिस इस्राएला राज्य में जाभेरन आहाब थैं बात करून खिन क्योछ। येक कारण एलिय्याह आहाब का पास ग्योछ। जब आहाब ले ऊस देखछै त उले क्योछ, “अरे तैं छै। मुसीबत पैद करून वालो!” एलिय्याह ले जबाब दीछ, “ मुसीबत पैद करून वालो त तैं छै! तैंले यहोवा स त्याग दी हैछ। उई सच्चो परमेश्वर छै, लेकिन तैं बाल देवता की पूजा करून मरेछै। अब तैंस इस्राएला राज्य का सब लोगून कर्मेल डाण में लिभेरन ऊन छै।

और सब लोग कर्मेल डाण में ग्यान। उन आदिमी ले आयान जो कुछ्या की उन बाल देवता का संदेशून बतूछ्या। यो बाल का पुजारी चार सौ पचास छ्या। एलिय्याह ले उन लोगून थै क्योछ, “कब तक तुम अपूना मनून फिरानै रोला? अगर यहोवा परमेश्वर छै त उकी अराधना करा! अगर बाल परमेश्वर छै त उकी पूजा करा!”

तब एलिय्याह ले बाल का पुजारीन थै क्योछ, एक बल्द स बलि करिभेरन उको शिकार भेट चढून खिन एक वेदी में रखा, लेकिन उमे आग नै लाग। तब मै ले इसो करुंलो, और आग नै लगूलो। तब अगर परमेश्वर वेदी में आगो खिताला त तुम जाण ल्याला की उ सच्चो परमेश्वर छै।” तब बाल का पुजारीन ले एक बलि स तैय्यार करछ्य लेकिन आगो नै लगायो।

तब बालाक पुजारिन ले बाल देवता स धात लगाछ, हे बाल, हमेरी सुणा!” रात्तै भटे ब्याल तक उन जोर- जोर ले चिल्लानै धात लगूना और याँ तक की अपून-आपस तलवार और भाल ले घायल कर दीछ, लेकिन बाल देवता ले कोई जबाब नै दियो, और उले कोई आगो नै खितियो

बाला का पुजारिन ले बाल देवता थै विनती करनै लगभग पुरो दिन बीत ग्यो। और उनूनले धात लगून बंद कर दीछ। तब एलिय्याह ले दुसारा बल्दो को शिकार स परमेश्वर की वेदी में राख दीछ। उक बाद, फिर उले उनुथै क्‍योछ, "तुम चार फलो पानि भरभेरन वेदी में डाली दिया।" जब उनुले पानि डाली दीछ, एलियाल उनुथै फिर क्‍योछ, "दुबाँरा खिता।" इसिकैं उले उनूनथै तीन बार पानि खितवाछ। तब वेदीक चारों तरफ पानि-पानि हैग्यो, और उले गड्डास ले पानिले भर दीछ।

येक बाद एलियाल वेदीक नजिक जाभेरन दुआ करछय, "ओ इब्राहीम, इसहाक और इस्रायलाका प्रभु परमेश्‍वर, आज यो बात साबित हुन दियो कि इस्रायल में तुमी परमेश्‍वर छा, और मै तुमोरो दास छ, और मैले यो सब तुमोरो कूनाले करछ्य।

तब प्रभु परमेश्वरक तरफ भटे उ वेदी में आगो लागछ्य और उले ढुगाका दगाड़ धूल-मॉट जला भेरन भसम करिभेरन उ गड्डाको पानि ले सुखा दीछ। जब लोगूनले यो देखछय, उन भिमें खिती ग्या और कुनान, “यहोवाई परमेश्वर छै! यहोवा ई परमेश्वर छै!”

तब एलिय्याह ले क्योछ, “बाला का एक ले पुजारी बच भेरन जन जान पौ!” एक कारण लोगून ले बाला का पुजारी पकड़ लीछ और उनूस वाँ भटे अलग ली ग्यान और उनून मार डाल्यान।

तब एलिय्याह ले आहाब राजा थै क्योछ, “झट अपून घर खिन भाग जा।“ तब पुर आकाश में घनघोर कालो बादलूनका दगाड़ भयंकर तूफानले चारू तरफ अन्‍यारो पट्ट होभेरन भौत बरखा भैछ। यहोवा उ सुखा स खतम करून मरेछ्या। येले प्रगट भ्योछ की यहोवा ही सच्चो परमेश्वर छै

जब एलिय्याह ले अपूनो काम स पुरो कर दीछ, त परमेश्वर ले एलिशा नामोको एक आदिमी स अपूनो भविष्यवक्ता हून खिन चुनछै। परमेश्वर ले एलिशा का जरियाले भोत चमत्कार कर्यान। एक चमत्कार नामान का दगाड भ्योछ। उ एक दुश्मनों सेना को सरदार छ्यो, लेकिन ऊस कोढ़ी छ्यो। नामान ले एलिशा का बारिमें सुणनाको छ्यो, येक कारण उ एलिशा का पास आछ और ऊस चंगो करून खिन विनती करछै। एलिशा ले नामान थै क्योछ की जाभेरन यरदन नदी का पानि में सात बार डुबकी लगाये।

नामान स गुस्सा आग्यो। उले इसो करून है मना कर दीछ, किलैकी यो ऊस बेकुफी को काम लाग छ्यो। लेकिन बाद में उले अपूना मन बदल लीछ और जाभेरन यरदन नदी का पानि में सात बार डुबकी लगाछ। जब आखरी बार उ पानि भटे भ्यार निकलछय त परमेश्वर ले उको कोढ़ भटे ऊस चंगो कर दीछ।

परमेश्वर ले इस्राएला का लोगून का पास और भौत भविष्यव्क्तान भेजछै। उन सब लोगून थै मूर्तिन को पूजा करून बंद करून खिन क्योछ। एक बजाये उनून एक दुसरा दगाड़ निको ब्यवहार करून चैछो और एक दुसारा में दया करून चैंछो। उन भविष्यवक्तान ले लोगून चेतावनी दीछ कि उनून अपूना बुरा कामून बंद करून चैछो। और परमेश्वर का बातुनको पालन करून छै। अगर उन लोगून ले इसो नै कर्यो त परमेश्वर उनून दोषी मानभेरन उनोरो न्याय करोलो, और उनून सजा द्योलो।

और भौत बखत, उन लोगून ले परमेश्वरो को हुकुम नै मानियो। अक्सर उनूनले भविष्यवक्तान का दगाड़ बुरा ब्यवहार करछय और याँ तक कभे- कभे उनून मार ले दिछ्या। एक बार, उनून ले यिर्यमाह भविष्यवक्ता स सुखा कुवा ले डाल दीछ और ऊस वाँ मरून खिन छोड़ दीछ। उ कुवा का ताल कीचड़ में धंस ग्यो। लेकिन तब राजा ले ऊस देखिभेरन दया आछ और उले अपूना सिपाईन आदेश दीछ की यिर्मयाह का मरून पैली ऊस कुवा भटे भ्यार खीचा।

भविष्यवक्ता ले परमेश्वरा का तरफ भटे बोलून जारी राखछै भले लोगून ले उनून देखभेरन नफरत करछै। उनूनले लोगून चेतावनी दीछ कि अगर उनूनले पश्य्चाताप नै करून त परमेश्वर उनून नाश कर द्याला। उनूनले लोगून यो ले याद दिलाछ की परमेश्वर ले उनून खिन मसीहा स भेजना को वादा कर रैछ।