29. निर्दयी दासे की कहानी

एक दिन पतरस ले यीशु थैं पूछछै, “प्रभु अगर कोई विश्वासी भाई म्यारा विरूद्ध बुराई करनै रौ, त मैं ऊस कतुक बार माफ करूँ, क्या सात बार तक?” यीशु ले उथैं क्योछ, “मैं तैथैं यो नै कुनूं कि सात बार तक बल्कि सात बाराका सत्तर गुना तक माफ कर।” तब यीशु ले उनून एक कहानी सुणाछ।

स्वर्ग राज्य उ राजा जसो छै, जेले अपून दासूनथैं लेखा लीन चाँछ। जब उ हिसाब लीन लागछ्यो, त एक आदिमी उक सामुनि आछ जैमें सुना का सिक्कान को दस हजार बोरिन को कर्जदार छ्यो।

लेकिन जब उक पास कर्ज चुकून खिन के नी छ्यो त उक राजा ले आज्ञा दीछ कि ऊस और उकी स्यैनि, नान्तिनान, और जो कुछ उक पास छै, सब बेचिभेरन कर्ज चुका दी जौ।

येक कारण “उ दास ले राजा का खुटान में पड़भेरन ऊस प्रणाम करछ्य, और क्योछ, मालिक धैर्य रखा। मैं सब कुछ चुका द्यूलो। तब ‘राजा ले उ दास में तरस खाभेरन ऊस छोड़ दीछ, और उको सब कर्ज माफ कर दीछ और ऊस जान दीछ।”

“लेकिन जब उ दास राजा का पास भटे भ्यार आछ, त उकी मुलाकात अपून दगड़िया दास थै मिलछय जो उकी चार मैंनान की मंजूरी को कर्जदार छ्यो; उले ऊस पकडछ्य और उको गलो दबाभेरन क्योछ, “म्येरो कर्ज चुकौ।”

तब “उको दगड़िया दास उ खुटान पड़भेरन विनती करून लागछ्य, धैर्य राख, मैं सब कुछ द्यूलो। फिरले उ नै मानियो और ऊस तब तक खिन जेल में डाल दीछ, जब तक उले कर्ज चुका नै दीयो।”

“यो देखिभेरन उक दगड़िया दास भौत दुखी भ्यान, और उनूनले जाभेरन राजा स यो घटना बताछ।”

तब राजा ले ऊस बुलाभेरन क्योछ, हे दुष्ट दास! तैले जो मैंथै विनती करछ्य, तो मैंले तेरो सब कर्ज माफ कर दीछ। येका कारण जसी दया मैंले तैंमें करछ्य, क्या तैले अपून दगड़िया दास में दया नै करून चैछी? और राजा ले क्रोध में आभेरन ऊस सजा दिनवालान का हात में सौप दीछ, कि कर्ज चुकूनो तब तक उनार हातून में रौ।

यीशु ले क्योछ, इसीकैं अगर तुमून में भटे हरेक अपून विश्वासी भाई मन है माफ नै करोलो त म्येरो स्वर्गीय पिता ले तुमार दगाड़ ऊसो करोलो।