3. बाढ़

भौत बखता का बाद, संसार में भौते लोग रूँछ्या। उन भौत दुष्ट और उपद्रवी हो गै छ्या। यो इतुक बुरा छ्यो कि परमेश्वर ले एक ठुली बाढ़ै ले यो पूर संसारै स नाश करना को फैसला लीछ।

लेकिन परमेश्वर नूह भटे खुश छ्या। उ दुष्ट लोगून का बीच में रूनवालो एक धर्मी आदिमी छ्यो। परमेश्वर ले नूह स बताछ की मैं धरती स जल- प्रलय ले नाश करून वालो छूं। मैं तैस बचूलो, येक कारण तैं निको मजबूत लाकडाको एक पानिको जहाज बनो।

परमेश्वर ले नूहथै क्योछ जो जहाज तैस बनून छै, उकि लम्बाई तीन सौ हात, चौड़ाई पचास हात और उचाई तीस हात हो। उमें भौत कमरा बनाये। और जब तैं जहाजको छत बनाले तब उक एक हात मेलि खिड़की बनाये, और जहाजका एक तरफ में एक द्वार बनाये। यो पुर जहाज में तीन खंड बनाये। उ जहाज नूह स, उका परिवार, और धरती में हरेक प्रकारा का जानवरून उ बाढ़ भटे बचा राखेलि।

नूह ले परमेश्वरैकि बात मानछै। उले और उका च्यालान ले उस्सो जहाज बनाछ जसो परमेश्वर ले बता राखछयो। किलैकी उ जहाज भोते ठुलो छ्यो, येक कारण ऊस बनून में कई साल लाग्यान। नूह ले लोगून उन वाली बाढ़ा का बारिमें चेतावनी दीछ और उनून परमेश्वरा का तरफ मुडून खिन क्योछ, लेकिन उनूनले उकी बातुन में विश्वास नै कर्यो।

परमेश्वर ले नूह थैं क्योछ अपूना परिवार खिन और इन सब जानवरून खिन खाना को समान जाम करिभेरन जहाज में रांखिया। जब सब कुछ तैयार छ्यो, त परमेश्वर ले नूह थै क्योछ यो बखत नूह और उकि स्यैनि, और उका तीन च्याला, और ब्वारिन कुल मिलाभेरन आठ जन जहाज में जानो छ्यो।

परमेश्वरने हर जानवर और पक्षी के नर और मादा को नूह के पास भेजाता कि वे नाव में जा परमेश्वर ले हरेक जानवर और पक्षी का नर और मादा स नूह का पास भेजछै की उन जहाज में जा सकून और बाढ़ा का दौरान बच सकूंन। परमेश्वर ले इसा हर प्रकारा का जानवरून सात नर और सात मादाऊन भेजछै जिनून बली चढून खिन इस्तमाल करी जा सकों जब उन सब जहाज में आया ग्या त खुद परमेश्वर ले जहाजो को द्वार स बंद कर दीछ।

तब बरखा हुनि शुरू भैछ, लगातार चालीस दिन और चालीस रात तक बरखा हुनै रै। पुर संसारै की हरेक चीज, याँ तक की उच्चा है उच्चा पाहाण ले पानि में डूब ग्या।

यो गाड़-खाड़ में धरतिक हरेक लोग, चिड़िया और सब जीव-जन्तु खतम भ्यान। बस उन लोग और जानवर बचियान जो नूहका दगाड़ जहाज में छ्या।

बरखा का रूक जाना का बाद, पांच मैंनून तक उ जहाज पानि में तैरनै रूछो, और कुछ बखता का बाद पानि कम हुनो लागछय। तब एक दिन उ जहाज अरारात नामाका पहाड़ में टकरा भेरन रुकि जाछो। लेकिन संसार येल तक पानिले ढकीनाको छ्यो। तिन मैंनाका बाद पाहाड़ दिखाई दिन लाग्यान।

येक चालीस दिनका बाद जहाजकि खिड़की खोलिभेरन नूहले एक काँवा भ्‍यार उड़ाछ और जब तलक धरतिक पानि सुकी नै ग्यो, तब तलक उ इथकै-उथकै उड़नै रियोछ।

फिर बाद में नूहले एक कबुतरस यो जाणून खिन उड़ाछ कि धरतिक पानि सुकि ग्योछ या नै सुकी। कबुतरस कांइ ले बैठून खिन जागा नै मिली।, क्‍याखिनकि धरति में पानि-पानि छ्यो। येक कारण कबुतर लौटभेरन नूहका पास वापिस आ ग्यो। येक सात दिनका बाद नूहले कबुतरस दुबारा उड़ाछ। कबुतर ब्‍याल बखत नूहका पास आछ, और उक खाप में एक ताजो जैतूनको पात छ्यो, जो यो बातको सबूत छ्यो कि धरति सुकि गैछ।

नूहले सात दिन तक इन्तजार करछय और तिसारा बार उ कबूतर स भ्यार भेजछ्य। यो बार ऊस रूना खिन जागा मिल गै और उ वापस नै आयो। पानि सुखून मरेछ्यो।

द्वी मैंना का बाद परमेश्वर ले नूह थै क्योछ, “अब तैं और तेरो परिवार और सब जानवर जहाज भटे भ्यार ल्या। परमेश्‍वरले नूह और उक च्‍यालान आशीश दिभेरन क्‍योछ, "तुम भौत नॉनतिनास पैद करिभेरन धरति में भर दीया।” तब नूह और उको परिवार जहाज भटे भ्‍यार आयान। और सब जानवरून को जोड़ो ले जहाज भटे भ्‍यार आयान।

तब नूहले एक वेदी बनाभेरन परमेश्‍वरस धन्यवाद दिन खिन उ वेदी में हरेक शुद्ध जानवरुन में भटे एक-एक जानवर जला भेरन बलि चढ़ाछ। परमेश्वर उ बलि भटे खुश भ्यान और उका परिवार स आशीष दीछ।

परमेश्वर ले क्योछ, “मैं वादा करछू की आदिमी का द्वारा अनजाना में बुर कामून का कारण मैं फिर कभे धरती श्राप नी द्यू या बाढ़का द्वारा संसार स नाश नी करू, हालाकि आदिमी अपूना नान- छना भटे पापी छै।

फिर परमेश्वर ले नूह थै क्योछ, जब बादल लागाला और उनारा बीच में म्‍यार धनुष दिखाई द्यलो, तब ऊस देखिभेरन मै अपूना यो वादास याद करलो, जैल अब कभै धरतिक प्राणि खतम नि होला।"