4. अब्रामा का दगाड़ परमेश्वरो को बादा

बाढ़ का कई सालून का बाद, फिर संसारा में भौत लोग बढ़ ग्या, और उनून ले परमेश्वर और एक-दुसरा का बोरोध में पाप करछ्य। क्याखिनकि उन सबै एक्कै बोलि भाषा में बात करछ्या और परमेश्वरो को उनून खिन हुकुम छ्यो कि पूरी दुनिया में फैल ज्या इसो करून बजाय उनूनले एक नगर बनाछ।

और उन भौत घमंडी छ्या, और उन परमेश्वरा का द्वारा दीईना का हुकुमून का द्वारा जीवन नी जीन चाँछ्या। बल्कि उनून एक इसी मीनर बनून शुरू करछ्य जो स्वर्ग तक पुजौ। परमेशवरे ले देखछ्य कि अगर उन एक दगाड़ मिलभेरन बुराई करनै रौला, त उन भौत सा बुरा कमून कर सकनान।

येक कारण परमेश्वरे ले उनरि भाषा स कई भाषान में बदल दीछ और उन लोगून पुरी दुनिया में फैला दीछ। जो नगरे स उनूनले बनून शुरू करीना को छ्यो उ नगरो को नाम बाबेल कहलाई ग्योछ, जैको मतलब गड़बड़ी छै।

कई सौ सालून का बाद, परमेश्वरे ले अब्राम नामाका एक आदिमी का दगाड़ बात करछ्य। और परमेश्वरे ले उथैं क्योछ, अपून देश और परिवार स छोड़भेरन उ देश खिन जा जो मैं तैस दिखूलो।मैं तैस आशीष द्यूलो, और तै भटे एक ठूली जाति बनूलो। मैं तेरो नाम महान करूँलो। जो तैस आशीष द्याला मैं ऊस अशीष द्यूलो, और जो तैस श्राप द्योलो मैं ऊस श्राप द्यूलो। और त्यारा कारण संसारा का सब जाति आशीष पाला।"

अब्राम ले परमेश्वरे की बात मानछ्य। उले अपून सब सेवकून और अपूनी सारी सम्पत्ति समेत अपूनी घहरवाली सारै स लीभेरन कनान देश खिन जाछो जो परमेश्वरे ले ऊस दिखाछ।

जब अब्राम कनान देश में पुजछ्य त परमेश्वरे ले उथैं क्योछ, “अपून चारू तरफ देख। मैं तैस यो पुरो देश द्यूलो और तेरा वंशाका का लोग येमें हमेशा खिन अधिकार राखाला।" तब अब्राम उ देश में बस ग्यो।

मलिकिसिदक नामोको आदिमी छ्यो जो महान परमेश्वरो को याजक छ्यो। एक दिन जब अब्राम युद्ध जीत भेरन वास उन मरेछ्यो त उकी भेट मलिकिसिदका दगाड़ भैछ। मलिकिसिद ले अब्राम स अशीष दीछ और क्योछ, “महान परमेश्वर जो धरती और स्वर्गो मालिक छै उ तैस आशीष दे।" और फिर अब्राम ले युद्ध में भटे जीतीनाक सब चीजून को दशमांश मलिकिसिद स दीछ।

कई साल बीतना का बाद ले अब्राम और सारै को कोई संतान नी छी। परमेश्वरे ले अब्रामथैं बात करछ्, और फिर उथैं वादा करछ्य कि उको एक च्योलो पैदा होलो और जसकैं आकाश में तारा छन उसीकैं उक ले वंश होलो। अब्राम ले परमेशवरा का वादा में विश्वास करछ्य, परमेश्वरे ले घोषणा करछ्य कि अब्राम एक धर्मी जन छ्यो किलैकी उले परमेश्वरा का बातून में विश्वास करछ्य।

तब परमेश्वरे ले अब्रामा का दगाड़ एक वादा करछ्य। येक बारिमें देखी जौ त एक वादा द्वी दलून का बीच में एक-दुसरा कामून करना को एक समझौता हुछो। परमेश्वरे ले अब्रामथैं उ वादा तब करछ्य जब अब्राम पड़िनाको छ्यो, लेकिन उ तब ले परमेश्वरे की आवजे स सुण सकछ्यो। परमेश्वरे ले उथैं क्योछ, “ मैं तैस तेरि घरवाली सारै भटे ही एक च्योलो द्यूलो। मैं त्यारा वंशा का लोगून यो कनान देश दीछूँ।" लेकिन ऐल तक ले अब्रामे की कोई सन्तान नी छी।