5. वादा को च्योलो

अब्राम और सारै का कनान देश में पुजनान का दस साला का बाद, आजितक ले उनेरि कोई सन्तान नी छी। येक कारण अब्रामे की घरवाली सारै ले उथैं क्योछ, “परमेश्वरे ले मैंस ऐल तक कोई सन्तान नै दी रैछ और अब मैं बच्चा पैद करून खिन भौत बूढ़ी होग्यूँ, अब तै मेरी दासी हाजिरा का दगाड़ ब्या करले ताकि उ मैंखिन एक सन्तान पैद कर सकौ।”

अब्रामे ले सारै की बात मान भेरन हाजिरा का दगाड़ ब्या कर लीछ। हाजिरा भटे अब्रामो को एक च्योलो पैद भ्योछ जैको नाम उले एश्माएल राँखछ्य। लेकिन सारै हाजिरा भटे जलन करून लागछी। जब इश्माएल तेरह सालो को भ्योछ, परमेश्वरे ले आब्रमा का दगाड़ फिर बात करछ्य।

परमेश्वरे ले क्योछ, “मैं सर्वशक्तिमान परमेश्वर छूँ। मैं त्यारा दगाड़ एक वादा करछूँ।” तब अब्रामे ले भीमें पड़िभेरन परमेश्वरे स ढोक दीछ। और परमेश्वरे ले अब्रामथैं क्योछ, “तै भौत सी जातिन को बाब होले, मैं तैस और त्यारा वंशस अपूनी जमीन हुन खिन कनान देश द्तूलो और मैं हमेशा खिन उनोरो परमेश्वर हुलो, तैस अपूनो घराना को हरेक आदमीको खतना करून छै।”

“तेरी घरवाली सारै को एक च्योलो पैद होलो उ वादा च्योलो होलो। तै उको नाम इसहाक राँखे। मैं उक दगाड़ अपूनो वादा बनाइना को राँखलो और उ भटे एक ठूली जाति बनूलो। और एश्माएल भटे ले एक ठूली जाति बनूलो, लेकिन म्योरो वादा इसहाका का दगाड़ रौलो।” तब परमेश्वरे अब्रामो को नाम बदल भेरन अब्राहम कर दीछ, जैको मतलब “भौत जाति को बाब छै।” और सारै को बदल भेरन सारा कर दीछ, जैको मतलब “मूलमाता छै।”

उन दिन अब्राहम ले अपूना घराना सब आदमीन को खतना करछ्य। लगभग एक साल बाद जब अब्राहम सौ सालो को भ्योछ और सारा नब्बे साले की छी, तब अब्राहमो को सारा भटे एक च्योलो पैद भ्योछ। और परेमेश्वरा का कईना का अनुसार उनूले उको नाम इसहाक राँखछ्य।

जब इसहाक जवान भ्योछ त परमेश्वरे ले यो कैभेरन अब्राहमे की परीक्षा लीछ, “तै अपूना एकलौत च्याला इसहास मैंखिन बलि चढौ।” त अब्राहम ले परमेश्वरे की बात मान भेरन अपून च्याला स बलि करूँन खिन तैयार करछ्य।

जब अब्राहम परमेश्वरा का बताईना का जागा खिन इसहाक स बलि चढुन खिन जान मऱैछ्या त इसहाक ले पुछछ्य, “ बबा हमारा पास बलि खिन लाकाड़ा त छन, लेकिन बलि करूँन खिन भेड़ काँ छै?” अब्राहमे ले जबाब दीछ, “ हे म्यारा च्याला परमेश्वर बलि को भेड़ो को इनतजाम खुद करोलो।”

जब उन बलि चढून वाला जगा में पुज्यान, त अब्राहमे ले इसहाक स बाँदि भेरन वेदी का मलिमें राँखछ्य। और अब्राहम इसहाके की बलि चढून खिन मारनै वालोई छ्यो त परमेश्वरे ले अब्रहामथैं क्योछ, “रूक जा! अपून च्याला स जन मार! अब मैं जाण ग्यूँ कि तै म्योरो डर मान छै किलैकी तैले अपून एकलौत च्याला स ले मैंखिन दीन खिन तैयार छै।”

थ्वाड़ दुर में अब्राहमे ले एक भेड़ स झील में फसीना को देखछ्य। परमेश्वरे ले इसहाका का बदला में बलि खिन भेड़ो को इनतजाम करीना को छ्यो। अब्राहमे खुश होभेरन भेड़ की बलि चढा दीछ।

तब परमेश्वरे ले अब्राहमथैं क्योछ, “किलैकी तै मैंस सब कुछ दीन खिन तैयार छ्ये। याँ तक कि तै अपून एकलौत च्याला ले, येक कारण मैं तैस आशीष दीना को वादा करछूँ। त्यारा वंशस स आकाश का तारान है ले ज्यादा बड़ूलो। क्याखिनकि तैले मेरो हुकुम मानछ्य येक कारण त्यारा परिवारा का द्वारा संसारा का जातिन आशीष द्यूलो।”