6. परमेश्वर इसहाक खिन इतजाम करछो

जब अब्राहम भौत बूढ़ो हो गैछ्यो, और इसहाक की उमर चालीस साले की हो गैछी। येक कारण अब्राहमे ले अपून एक सेवक स अपून च्याला इसहाक खिन घरवाली ल्यून खिन उ देश में भेजछ्य जाँ उक रिश्तदार रूछ्या।

अब्राहमो को सेवक एक लम्बो सफर करभेरन उ देश में पुजछ्य, वाँ परमेश्वरे ले ऊस रिबका नामा का लड़की का दगाड़ मिलाछ। जो अब्राहमा का भाई की नातिनी छी। त अब्राहमो सेवक उक घर जाभेरन इसहाक खिन रिबका को हात माँछो, त रिबका बाब और उक भाई ले यो जाणभेरन की यो परमेश्वरे की इच्छा छै उकी बात मान लीछ।

रिबका अपून परिवार स छोड़भेरन उ सेवका दगाड़ इसहाका घर जान खिन मान जाछी। वाँ पूजभेरन इसहाक ले उक दगाड़ ब्या कर लीछ।

अब्राहम एक सौ पचहत्तर साला उमर में मर ग्यो। तब परमेश्वरे ले अब्राहमा का च्याला स आशीष दीछ। जैको वादा परमेश्वरे ले अब्राहमथैं करीना को छ्यो तेरा वंशस स आकाशा का तारान की नियाती बढूनो। लेकिन इसहाके की घरवाली रिबका भटे कोई सन्तान नै भै।

इसहाक ले रिबका खिन प्रार्थना करछ्य, और परमेश्वरे ले उकी सुणछ्य और उक गर्भवती भैछ और उक गर्भ में जुड़वाँ बच्चा छ्या, उन आपस लड़ून लाग्यान, येक जो कुछ उक दगाड़ हुन मरैछ्यो रिबका ले परमेश्वरे स बताछ।

परमेश्वरे ले रिबका थैं क्योछ, “ तै द्वी च्यालान जन्म देली। उनून भटे द्वी अलग-अलग जाति बनाला उन एक-दुसार खिन लड़ाला। लेकिन ठुलो च्योलो नान वाला का अधिन रौलो।”

जब रिबका ले बच्चान जन्म दीछ, त ठूलो च्योलो लाल रंगो को और बालून वालो छ्यो और उनूनले उको नाम एसाव राँखछ्य। और नानवालो एसाव की एड़ी पकड़ भेरन पैद भ्योछ, और उनूनले उको नाम याकून राँखछ्य।