7. परमेश्वरो को याकूब स आशीष दीन

जब एसाव और याकूब जवान भ्यान त याकूब स घर में रून ठीक लाछो, लेकिन एसाव स जंगली जानवरून को शिकार करून निको लागछ्य। रिबका याकूब स ज्यादा प्यार करछी, और इसहाक एसाव स।

एक दिन एसाव शिकार करभेरन आछ त उ भौत भूखो छ्यो। त एसाव ले याकूब ले क्योछ, “ जो तैले पकारैछ उमें भटे थ्वाड़ खानो मैंस दे।” याकूब ले जबाब दीछ, “ पैलि तै मैंथैं यो वादा कर कि तेरा जेठो हुनाका कारण जो चीज तैस मिलून चैछी, अब उको अधिकार मैंस दे।” एसाव ले उन सब चीजून याकूब स दीना को वादा कर दीछ। तब याकूब ले ऊस खानो दीछ।

इसहाक एसाव स आशीष दीन चाछ्यो। लेकिन उहै पैलि कि उ इसो करूनो, रिबका और याकूब ले एसाव हुना ढोंग करभेरन इसहाका का दगाड़ ध्वाका करछ्य। किलैकी इसहाक बूढ़ो हो गैछ्यो और देख नी पाछ्यो। येक कारण याकूबे ले एसावा का कपाड़ा पैन्यान और बकरा की खाल अपूना हातुन और गाला में लपेटी भेरन।

याकूब ले इसहाका का पास आभेरन क्योछ, “ मैं एसाव छूँ। मैं येक कारण आरयूँ कि तै मैंस आशीष दे।” तब इसहाक ले हातुन उक बाकरा बाल महसूस कर्यान और कापाड़ान सुँघछ्य, त ऊस लागछ्य कि यो एसावै छै और उले ऊस आशीष दीछ।”

एसाव याकूब खिन जल करछो किलैकी याकूबे ले उको जेठो हुना को अधिकार स और उकी आशीषून ले चुरा लीछ। और एसाव ले योजना बनाछ की इसहाका का मरना का बाद याकूब स मार द्यूलो।

लेकिन रिबका ले एसाव की योजना जाण लीछ। येक कारण उले और इसहाक ले याकूब स रिबका भाई घर रून खिन भेज दीछ।

याकूब कई सालून तक रिबका रिश्तेदारून का दगाड़ र्योछ। और उले ब्या करछ्य और उक बारह च्याला और एक चेलि छी। परमेश्वरे ले ऊस भौत धनी बना दीछ।

बीस सालून तक अपून घर कनान देश दूर रूना का बाद, याकूब अपून परिवार और सवकून, और अपून जानरून का दगाड़ अपून देश खिन पास आछ।

याकूब येक कारण भौत डरीना को छ्यो क्याखिनकि उ सचछ्यो कि एसाव आजि ले ऊस मार डालून चाँछो। येक कारण उले अपून भाई एसाव खिन कई जानवरून का झुंड उखिन भेट में भेज्यान। जो सेवक उन झुंडून लीभेरन ग्यान उनूनले क्योछ, “तेरो दास याकूबे ले इन जानवर तैखिन भेज राँख्यान। और उ जल्दी उन वालो छै।”

लेकिन एसाव अब याकूब स नुकसान नी पुजून चाँछ्यो। बल्कि उ याकूब स देखभेरन भौत खुश भ्योछ। येक बाद याकूब कनान देश में शान्तिपूर्वक र्योछ। और इसहाक एक सौ अस्सी सालो होभेरन मर ग्यो और याकूब और एसाव ले ऊस दफनाछ। परमेश्वर जो वादा अब्राहम करीना को छ्यो उ अब इसहाक भटे याकूब में आ गैछ्या।