37. यीशु को लाजर स मुर्दान में भटे ज्यून करूनो

बैतनियाह गौं में लाजर नामको एक आदिमी बिमार छ्यो।उकी द्वी बेनिन छ्या जिनोरो नाम मरियम और मार्था छ्यो। उन सब यीशु का घनिष्ठ छ्या। एक दिन, केले यीशु स बताछ कि लाज़र भोत बीमार छै। जब यीशु ले यो सुणछ त उले क्योछ, "यो बिमार लाज़र का मरना का दगाड़ खतम नि होलि। येक अलावा, यो लोगून परमेश्वरोको आदर करून खिन प्रेरित करेलि।"

यीशु मार्था और उकी बैनि और लाजर स प्रेम करछ्यो। लेकिन जब यीशु ले सुणछ्य कि लाजर बिमार छै, त जै जाग में उ छ्यो, वाँ द्वी दिन तक और रूक ग्यो। द्वी दिन बाद यीशु ले अपून शिष्यनूथैं क्योछ, “आ, हम फिर यहूदिया प्रदेश खिन जानू।” शिष्यून ले उथैं क्योछ, “गुरू जी, ऐल त तैंस यहूदी अगुवा ढूंगान ले लोणियून चाना, और तैं फिरले वाँई जान चाछै?” यीशु ले क्योछ "हमोरो मित्र लाज़र पड़ ग्योछ और मैंस ऊस जगून छै।"

तब शिष्यून ले उथैं क्योछ, “हे प्रभु, अगर उ पड़ ग्योछ, त उठ जालो।” तब यीशु ले अपून शिष्यून थैं साफ कै दीछ, “लाजर मरग्योछ।” और मैं तुमार कारण खुश छूँ, कि मैं वाँ नी छ्यूँ जेलै तुम विश्वास करला। लेकिन आ,

फिर जब यीशु बैतनिय्याह गौं में आछ, त ऊस मालूम भ्योछ, कि लाजर स दफनाईना का चार दिन हो ग्यान। जसीकैं मार्था ले यीशु की उनाकी खबर सुणछ्य, त उ ऊस मिलन खिन गैछ, लेकिन मरियम घर में बैठि रूछी, मार्था ले यीशु थैं क्योछ, “हे प्रभु, अगर तैं या हुनै, त म्येरो भाई कभै नी मरूनो। लेकिन मैं विश्वास करछू, कि जो तैं परमेश्वर थैं माँगले, परमेश्वर तैंस द्योलो।”

यीशु ले उथैं क्योछ, “मैं उई छूँ जो मरिना का लोगून को जीवन मैं वापस ल्यूछूँ, जो कोई मैंमें विश्वास करछो अगर उ मर जालो त, तब ले ज्यून रौलो, जो कोई मैंमें विश्वास करछो उ ज्यूनो छै, उन कभै नी मराला, क्या तैं यो बात में विश्वास करछी? मार्था ले उथैं क्योछ, “होई, हे प्रभु, मैं विश्वास करछूँ, कि परमेश्वरो को च्योलो मसीह छै।"

तब मरियम वाँ पुजछ्य जाँ यीशु छ्यो, त उले यीशु देखनै उक खुटान में पड़भेरन कुछी, “हे प्रभु, अगर तैं या हुनै त म्येरो भाई नी मरूनो।” यीशु उनूनथै पुछ्छै “तुमूनले लाजर स काँ दफना रैछ?” उनूनले क्योछ, “प्रभु हिट देखले।” तब यीशु आँसू निकलून लाग्यान।

कबर का पास आछ, जो एक गुफा में छी, और एक ढूंगा ले गुफा को मुँख बंद करिना को छ्यो। जब यीशु ले क्योछ, “ढूंगा स हटा।” लेकिन मार्था उथैं कुछी, “हे प्रभु, अब त उ भटे बाश आलि, क्याखिनकि उ मरिनाका चार दिन हो ग्यान।”

यीशु ले उथैं क्योछ, “क्या मैंले तैथैं नै क्योई कि अगर तैं विश्वास करली, त परमेश्वर की महिमा देखलि।” तब उनूनले उ ढूंगा स हटा दीछ।

तब यीशु ले स्वर्ग का तरफ चाँभेरन क्योछ, “हे पिता परमेश्वर मैं तेरो धन्यवाद करछूँ, कि तैले मेरि सुण हलछय। लेकिन जो भीड़ आश-पास में ठाड़ छी, येक कारण यीशु ले जोरले क्योछ, मैं जाणछूँ कि तैं हमेशा मेरि सुणछै, जैले उन विश्वास करून कि तैंले मैंस भेज रैछ।”यो कैभेरन उले जोरले ध्दयाभेरन क्योछ, “हे लाजर, कबर भटे भ्यार निकल अ!”

उ जो चार दिना को मरिना को छ्यो, कबर भटे भ्यार आग्यो, उक पुर शरीर पट्टीन ले और उक मुँख कपाड़ा ले लपटीना को छ्यो। यीशु ले क्योछ, “कबर का कपाड़ान खोल दी, और तैंस जान दी।” यो चमत्कारा का कारण भौत यहूदीन ले यीशु में विश्वास करछय।

लेकिन यहूदीन का धार्मिक अगुवा यीशु भटे जलनू लगनान, येक कारण उई दिन भटे यहूदी अगुवा ऊस मरना डालना की साजिश करून लाग्यान।