38. यीशु को पकड़वाई जानो

हर साल, यहूदी लोग फसह को त्यार मनूछ्या। यो येक बारिमे त्यार छ्यो कई सालून पैलि परमेश्वर ले उनारा पुर्खान मिस्र देश की गुलामी भटे छुड़ाईनाको छ्यो। लगभग यीशु ले तीस साल बाद प्रचार करून और शिक्षा दिनो सुरु करछय। यीशु ले अपून शिष्यून बताछ कि उ उनारा दगाड़ यरूशलम शैहर में फसह को त्यार मनून चांछो, और यो ले कि उ वाँ मार डाली जालो।

यीशु का शिष्यून में भटे यहूदा नामोको एक आदिमी छ्यो। यहूदा प्रेरितून का उक पास पैसान को थैलो रूछ्यो, और उ जै केले डालछ्या, उ निकाली ली छ्यो। यीशु और शिष्यून का यरूशलम पूजना का बाद यहूदा यहूदी अगुवान का पास ग्योछ। उले धन का बदाला में यीशु स उनारा हात पकडूनाको प्रस्ताव राखछै। उ जाणछयो कि यहूदी अगुवा यीशु स मसीहा नि मानछ्या। उ जाणछ्यो कि उन ऊस मार डालून चांछ्या।

महायाजक का कुन में यहूदी अगुवान ले यीशु स उनारा हात में पकडून खिन यहूदा स तिस चाँदी का सिक्का दियान। यो उसिकै भ्योछ भविष्यद्वक्ता जसो कै राख छ्यो कि होलो। यहूदा मान ग्यो और धन लिभेरन न्हैग्यो। और उई बखत है उ यीशुस ध्वाका ले पकड़ूना का ताक में रूछो, कि कसीकैं यीशु स उनार हवाला करूँ द्यू।

यरूशलम में, यीशु ले अपून शिष्यून का दगाड़ा फसह को त्यार मानाछ त्यार खान बखत, यीशु ले रोटो तोड़छै। उले क्योछ, “यैस ली और खा। यो मेरो आंग छै जो मैं तुमून खिन दिछू। यैस मेरी याद में करिया।” इसिकै, यीशु ले क्योछ कि उ उनून खिन मारी जालो, अर्थात उनून खिन उ अपून शरीर स बलि चढ़ा द्योलो।

फिर यीशु ले कटोर लीभेरन धन्यवाद करछ्य, और शिष्यून दीभेरन क्योछ, “तुम सब येस पी, क्याखिनकि यो म्येरो नय्या वाचा को खून छै जो भौतून का पापून की माफी खिन बगाई जाछो।”

तब यीशु ले अपूना शिष्यून थै क्योछ,, "तुमून में भटे एक जन मैस पकड़वालो।" शिष्य हैरान हो ग्या, और पूछून लागनान को इसो काम करोलो। यीशु ले क्योछ, "मेरो पकडूनवालो आदिमी उ छै जैस में यो रोटा को टुकुड दिछू।" तब उले उ रोटो यहूदा स दीछ।

उ रवाटा स लिनान का बाद, यहूदा में शैतान समा ग्यो। यहूदा वाँ भटे निकल भेरन यीशु स गिरफ्तार करून खिन यहूदी अगुवान की मद्दत करून खी न्हैग्यो। यो रातो को बख्त छ्यो।

खाना का बाद, यीशु और उक शिष्य जैतून पहाड़ में न्हैजानान। तब यीशु ले अपून शिष्यून थैं क्योछ, “तुम सब मैंस छोड़ी भेरन भाग जाला, जसो। कि पवित्र-शास्त्र में म्यारा बारिमें लिखीना को छै, उ पुरो हो। जो कुंछो ‘मैं अपून लोगून का ग्वाला की नियाती देख-भाल करूनवाला स मार डाललो, और उन सब भेड़ का नियाती तितर-बितर हो जाला।”

पतरस ले यीशु थैं क्योछ, “गुरू जी, चाहे सब तैंस छोड़भेरन भाग ले जून, लेकिन मैं तैंस छोड़भेरन नी जूँ।” यो सुणिभेरन यीशु ले पतरस थैं क्योछ, “मैं तैथैं सच्ची कुछूँ, कि आज का रात ब्यान बखत मुर्गा का द्वी बार बाँक दिन है पैलि, तैं मैंस तीन बार पछ्याणून है मना करले।”

लेकिन पतरस ले और लै जादा जोर दीभेरन क्योछ, “चाहे मैंस तुमार दगाड़ मरून लै पड़लो, तब लै मैं तैंस पछीयाणून है कभै नी मुकरूँ।” और सब शिष्य ले पतरस को जसो कुन लाग्यान।।

जब यीशु और उक शिष्य गतसमनी नामाका बगीच में आयान, और यीशु ले अपून शिष्यून थैं क्योछ, “तुम याँ बैठि रौ, तब तलक मैं परमेश्वर थैं प्रार्थना करछूँ।”

और उ थ्वाड़ा अघिल के जाभेरन भिमें में घुणान का बल बैठभेरन प्रार्थना करछो, “हे म्यारा पिता अगर तैं चाँछै, तो मैंस यो दुख है बचाले जो म्यारा मलि में उनवालो छ। तैखिन सब कुछ समभव छ, इसो कर की यो दुख म्यारा मलि में नै अ, पर जसो मैं चाँछू ऊसो नै हो बल्कि जसो तुम चाँछा ऊसो हो।” और उन भौत संकट में व्याकुल हो भेरन और ले जोरले प्रार्थना करून लाग्यान, और उनोरो पसीनो माना खून का ठुल-ठुल तवाप नियाति भिमें खितीन मरेछ्या। तब स्वर्ग भटे एक स्वर्गदूत उनुस दिखाई दीछ, जो उनून सामर्थ दी छ्यो।

हर बार प्रार्थना का बाद, यीशु अपूना शिष्यून का पास वापस आयान, लेकिन उन पड़ रेछ्या,। जब यीशु तीसरी बार लौटा त उले क्योछ उठा मैस पकडून वालो याँ आग्योछ।”

जब यीशु यो कुनै मरेछ्यो, उ बखत यहूदा इस्करियोती वाँ आछ जो बार च्यालान में भटे एक छ्यो; और उ अपून दगाड़ प्रधान याजकून यहूदी अगुवान का तरफ भटे लोगून की एक ठूली भीड़ तालवार और डंडा लीभेरन आग्या। और यहूदा तुरन्त यीशु का पास आभेरन कुंछो, “गुरू जी नमस्कार।” और यीशुस चुमून लागछै। यहूदा ले प्रधान याजक थैं क्योछ, “जैस में गल लगूँलो तुम समझ लिया उई यीशु होलो ऊस पकड़ लिया।” तब यीशु ले क्योछ, “हे यहूदा क्या तै गल लगा भेरन मैस पकडून मरेछ्य।

जब उन सिपाई यीशु स पकडून मरेछ्या तो पतरस ले अपूनी तलवार निकाल भेरन महायाजक का एक दास को कान काटि दीछ। तब यीशु ले उनूनथैं क्योछ; अपूनी तलवार अपून म्यान में राखलै! मैं अपून पिता थैं विनती कर सकछू? और उ मैं खिन बार सेना का दल भटे ले ज्यादा स्वर्गदूत भेज सकछो। लेकिन मैस अपूना पिता की बात मानून छै। तब यीशु उ आदिमी को कान स ठीक कर दीछ, तब सब शिष्य भाजी ग्या।