39. यीशु में मुकरदमा चलूनो

तब उनूले यीशुस पकड़ भेरन अपून कब्‍जा में करि लीछ, और महायाजक का घर में ली ग्यान यीशु है थ्वाड़ा रैभेरन पतरस महायाजक का द्वार तलक छ। जब लोग खाला का बीच में आगो जलाभेरन उक चारू तरफ बैठ रेछ्या, तब पतरस ले आभेरन उनार दगाड़ बैठग्यो।

घरा का भीतर, यहूदी अगुवन ले यीशु में मुकरदमा चलाछ। उन उक खिलाफ झूठी गवाही दिन खिन झुठ्ठा गवाह लिभेरन आयान। हालाँकि, उनेरी बात एक दुसरा का दगाड़ा मेल नी खान मेरछी, येक कारण यहूदी अगुवा यो साबित नै कर पाया कि को बातो को दोषी छ्या। यीशु ले के नै क्यो।

आखरी में, महायाजक ले यीशु का तरफ देखभेरन क्योछ, “ हमून बतो की क्या तै ज्यून परमेश्वरो को च्योलो मसीहा छै?”

यीशु ले क्योछ, मैं छूँ, और मैंस परमेश्वरा का दगाड़ा बैठीनाको और स्वर्ग भटे उनो देखाला।“ महायाजक ले अपूनो कपाड़ा फाड़ लियान किलैकी जो यीशु ले क्योछ उस यो बात में भोत गुस्सा और उले क्योछ, “येले परमेश्वरो को अपमान करछ्य, अब हमून गवाही कि के जरूरत नाहतिन? देखा, तुमूनले सुणछ्य कि यो परमेश्वरो को अपमान करछो। त तुम लोगून को कि विचार छै?” तब और लोगून ले जबाब दीछ, “यो त मौत की सजाक लायक छै”

सब यहूदी अगुवान ले महायाजक स जवाब दीछ, "उ मोत का लायक छै!" तब उनूनले यीशु का आँखा में पट्टी बाँद दियान, तब उन लोगून ले यीशु का मुँख में थूकछ्य और घूँसा मारियान। और कुछ लोगून ले थप्पड़ मारभेरन यीशु को मजाक उड़ाछ। “अगर तैं मसीहा छै त हमून बतौ कि तैंस केले मारछ्य?”

जब पतरस भ्यार खाला में बैठिना को छ्यो तब एक स्यैनि ले उक पास आभेरन क्योछ, “तैले त यीशु गलीली का दगाड़ छै।” तब सबून का सामुनि यो कैभेरन मना करछ्य, “मैं नै जाणनू कि तैं कि कुछी।” येक बाद पतरस उले है न्हैजाछो, लेकिन एक दुसरी स्यैनि ऊस देखिभेरन, जो वाँ बैठिना का छ्या उनूनथैं क्योछ, “यो ले त यीशु नासरी को दगाड़ छ्यो।” तब पतरसले कसम खाभेरन क्योछ, “मैं यीशुस नै जाणनू।” थ्वाड़ा देर बाद जो लोग वाँ ठाड़ छ्या, पतरस का पास आभेन क्योछ, “सच्ची में तैंले उनूनमें भटे एक छै क्याखिनकि तेरि बातुन ले पत्तो चलून मरियोछ की तैले गलीली छै।”,

तब पतरस फिर कसम खाभेरन कुंछो “मैं ऊस नै जाणनू।” और उई बखत मुर्गा ले बाँक दीछ। तब पतरस स यीशु की कईनाकि बात याद आछ।

“कि मुर्ग बाँक दिन है पैलि तैं तीन बार म्येरो इनकार करले।” और तब पतरस भ्यार जाभेरन जोर-जोर ले रून लाग छ्यो। उई बखत, यीशु का पकडूवालो यहूदा ले देखछै की यहूदी अगुवान ले यीशु स मौत की सजा दी हैछ। यहूदा भौत दुखी हो ग्यो और जाभेरन उले अपनास फांसी लगा दीछ।

अब उ देशो को राज्यापाल पिलातुस छ्यो। उ रोम खिन काम कर छ्यो। यहूदी अगुवा यीशु स उ पास लिभेरन आयान। उन चांछ्या कि पिलातुस ऊस मौता की सजा दे और ऊस मार डालो। तब पिलातुस ले यीशु थै पूछछै, "क्या तै यहूदियून को राजा छै?"

यीशु ले जवाब दीछ, "तैले सच्ची क्योछ। लेकिन मेरो राज्य याँको धरती को नाहातिन। अगर हुनो तो म्यारा दास मैं खिन युद्ध लड़ना। मैं धरती में परमेश्वरा का बारिमें सच बतून खिन आरयूं। हरेक जन जो सच्ची में प्रेम करछो और मेरी सुणछो।" पिलातुस ले क्योछ, "तो सच कि छै?"

यीशु का दगाड़ बात करना का बाद पिलातुस ले भ्यार भीड़ का पास जाभेरन क्योछ, “मैं यो आदिमी में केले दोष नै पानू।” मौत की सजा लायक हो।” लेकिन यहूदी अगुवा और भीड़ का लोग चिलाभेरन कुन लाग्यान, “ऊस सूली में चढा दी!” पिलातुस ले जबाब दीछ, “उले केले गलत कामो को दोषी नाहातिन।” लेकिन उन और ले जोरले- जोरले चिल्लान लाग्यान। तब पिलातुस ले तीसरी बार क्योछ, “उ दोषी नाहातिन!”

पिलातुस डर ग्यो कि यो भीड़ लड़ाई- झगाड़ शुरू कर देलि, येक कारण उ अपून सिपाईन का द्वारा यीशु स सुली में चढून खिन मान ग्यो। रोमी सिपाईन ले यीशु स कोड़ा लगायान, और ऊस राजा कपाडा पैनायान, और उका ख्वारा में काणान को बनाईनाको मुकुट राखछै। तब उन यो कैभरेन उको मजाक उडून लाग्यान, “देखा, यहूदिन को राजा!”