40. यीशु स सुली में चढ़ाई जानो

यीशु का मजाक उडूना का बाद सिपाई ऊस सुली में चढून खिन लि ग्यान। उनूनले उ सुली स ऊथै उठवाछ जै में उ मरोलो।

तब सिपाई यीशु स गुलगुता नामाका जाग में ली ग्यान, जैक नामको मतलब छै खोपड़ी की जाग। येक बाद उनूनले उक हात-खुटान में कील ठोकभेरन सूली में टाँग दीछ। लेकिन यीशु ले क्योछ, “हे पिता, इनून माफ कर दे, किलैकी इन नै जाणनान की इन कि करून मर्यान।” सिपाईन ले लाकड़ा का पट्टा में दोषपत्र लिखी भेरन उक खारा मलि में सूली में टाँग दीछ, कि यो यहूदीन को राजा छै।

येक कारण सिपाई ले एक-दुसारा थैं क्योछ, “हम येस नै फाड़ना, लेकिन येमें चिठ्ठी डालनू कि उ कैको होलो।” कि पवित्रशास्त्र में जो लिखी ग्योछ उ बात पुरी हो, “उनूनले म्यारा कपाड़ा आपस में बाण लियान और म्यारा कपाड़ान में चिठ्ठी डालछ्य, उ योई छै जो सिपाईन ले वाँ करछ्य।”

सिपाईन ले यीशुस और उनार दगाड़ द्वी डाकू ले अलग-अलग एक स यीशु का दैंन तरफ और दुसरा स बौं तरफ सूली में चढ़ाछ। जो बुर काम करूनवाला द्वी आदिमी यीशु का दगाड़ सूली में लटकाईना का छ्या, उनूनमें भटे एकले उकी निन्दा करभेरन क्योछ, “क्या तैं मसीहा नै? त अपून-आपस और हमून बचौ।” यो बात में दुसारा आदिमी ले ऊस डाठभेरन क्योछ, “क्या तैं परमेश्वर भटे ले नै डरनै? हमून त अपून बुर कामून कि सजा मिली रैछ, लेकिन इनूनले कोई ले बुरो काम नै कर्यो।” यो कैभेरन उले यीशु थैं क्योछ, “हे यीशु, जब तुम अपून राज्य में राजा हो भेरन आला, तब तुम मैंस याद कर्या तब यीशु ले उथैं क्योछ, “मैं तैथैं सच्ची कुछूँ, तैं आजै म्यार दगाड़ स्वर्गलोक में होलै।”

यहूदी अगुवान ले और भीड़ में भटे लोगून ले यीशु की मजाक उड़ाछ। उनूनले उथै क्योछ, "अगर तै परमेश्वरो को च्योलो छै, त सुली भटे तलि उतर अ और अपनास बचाले! तब हम तैमें विश्वास करला।"

और लगभग दिना का बारा बजे भटे लीभेरन तीन बजे तक सारा देश में अन्यारो छा र्योछ, और सूरजों को उज्यालो जानै र्योछ।

और यीशु ले जोरले ध्दया भेरन क्योछ पुरो भ्यो, “ओ पिता, मैं अपूनी आत्मा स त्यारा हात में सौंप छूँ।” और यो कैभेरन यीशु ले अपून प्राण छोड़ दीयान। और तब उ बखत मन्दिरो को मोटो पर्दा बीच भटे फाट ग्यो, और द्वी टुकूड़ा हो ग्या,

अपूनी मौता का द्वारा, यीशु ले लोगून खिन परमेश्वरा का नजिक ऊनाको बाटो तैय्यार कर दीछ। जब यीशु निगरानी राखून वाला सिपाईन ले जो ले भ्योछ सब देखछै त उले क्योछ “सच्ची में यो आदिमी निर्दोष छ्यो। यो परमेश्वरो को च्योलो छै।"

तब यूसुफ और नीकुदेमुस नामाका द्वी यहूदी अगुवा आयान। उन विश्वास कर छ्या कि यीशुई मसीह छ्यो। उनूनले पिलातुस थै यीशु की लासै स मागछै, और एक सफेद कफन में ऊस लपेट भेरन इसी कबर में राख दीछ, जो चट्‍टान में खड़िनाकी छी। तब उनूनले उ कब्र का द्वार स एक ठुलो ढूगा ले बंद कर दीछ।