41. परमेश्वर यीशु स मरीनान में भटे ज्यूनो करछो

सिपाइन का द्वारा यीशु स सूली में पर चढ़ूना का बाद, यहूदी अगुवान ले पिलातुस थैं क्योछ, "उ झूठ्‍ठा, यीशु ले कईना को छ्यो कि उ तीन दिना का बाद मरीनान में ज्यूनो होजालो। त कैसे कबरे की निगरानी करून होली, काँई इसो नै हो कि उक शिष्य उकी लाशस चुर लीजून। अगर इसो हैग्यो त उन कौला की उ मरीनान में भटे ज्यूनो हैग्यो।”

पिलातुसे ले क्योछ, "कुछ सिपाईन लीजा, और जसकैं तुम कर सकछाँ उसकैं कबरे की निगरानी करा।" येक कारण उनूनले उ कबरा का मुँख में ढूगाले बन्द करभेरन भेरन उमें सरकारी मोहर लगा दी। उनून यो मालूम करून खिन वाँ सिपाईन को पहरा बैठा दीछ कि कोई ले यीशु की लाशस चुरा नै सकौ।

यीशु का मरना का बाद दिन सबतो को दिन छ्यो। कोई ले सबता का दिन केले काम नी कर सकछ्यो, येक कारण यीशु का कोई ले मित्र कबरा का पास नै आया। लेकिन सबतो दिन बितना का बाद, रातैनी कुछ स्यैनिमैसीन यीशु की कबर में जान खिन तैय्यार भ्यान। कि उन उक आंगा में खुशबूदार लेप लगून चाछी।

उन स्यैनिन का पुजून है पैलि कबर में एक तेजो को भुचाल आछ। स्वर्ग भटे एक स्वर्गदूते ले आभेरन उ ढूगास जो कबरा का मुँख में लगाईना को छ्यो उस गुरका भेरन उमें बैठी ग्यो। उ स्वर्गदूत बिजली नियाती चमकून मर्योछ। कबर में जो सिपाई छ्या उनूनले ऊस देखछ्य। उन सिपाई डरा का कारण बेहोश होग्या।

जब उन स्यैनिन कबर में पुज्यान त उ स्वर्गदूते ले उनूनथैं क्योछ, "जन डरा। यीशु याँ नाहातिन। उ मरीनान में भटे ज्यून होग्योछ, जसो कि उले कईना को छ्यो कि ज्यूनो हो ज्यालो! कबर में देखा।" उन स्यैनुन ले कबरा का भीतर जाँ यीशु की लाश राखीना की छ्यी,वाँ देखछ्य उनूनले वाँ यीशु की लाशस नै पायो।

तब उ स्वर्गदूते ले उन स्यैनिन थैं क्योछ, "जाभेरन उक शिष्यून बता, 'यीशु मरीनान में भटे ज्यून होग्यो और उ तुमून है पैलि गलील में पुजोलो।'"

वे स्यैनिन डरीना का त छ्या लेकिन उन खुश होभेरन शिष्यून का पास यो बात बतून खिन दौड़ियान।

जब उन स्यैनिन शीष्यून यो खुश खबरी बतून खिन जान मरेछ्या और उन बाँट में छ्या, त यीशु उनून दिखाई दीछ। उन उक खुटान में पड़ ग्या। तब यीशु ले उनून क्योछ, डरा जन। जाभेरन म्यारा शिष्यून थैं गलील खिन जान खिन कौ। उन वाँ मैंस देखाला।"