44. पतरस और यहूना को एक लंगड़ा भिखारी स चंगा करून

एक दिन पतरस और यहूना मंदिर में ग्यान। एक जन्म भटे लंगड़ो आदिमी भीख माँगून खिन मंदिरा का भ्यार बैठीना को छ्यो।

पतरसे ले उ लंगड़ा आदिमी का तरफ देखभेरन क्योछ,, "म्यारा पास तैस दीन खिन रूपाया त नाहातिन। लेकिन जो म्यारा पास छै उ मैं तैस दीछूँ। यीशु का नाम ले, उठ और हिट!"

और तुरन्त परमेश्वरे ले उ लंगड़ा आदिमी स चंगो कर दीछ। और उ इतथै-उतथै दौड़ून और उछल-कूदभेरन परमेश्वरे की बढ़ाई करून लागछ्य। जो लोग मंदिर का खाला में छ्या यो देखभेरन हैरान छ्या।

और लोगून की भीड़ उ आदिमी स देखून खिन आछ जो चंगो होईना को छ्यो। पतरसे ले उनूनथैं क्योछ, “तुम यो आदिमीस देखभेरन क्याखिन ताजूब करून मरेछा। और हमार तरफ कि चाँन मरेछा, जसकैं कि हमूले येस अपूनि शक्ति ले चंगो कर रैछ, हमूले नै बल्कि यीशु ले यो आदिमी स चंगो करछ्य, क्याखिनकि हम यीशु में भरोसा करनू।”

उ तुमी छा जिनूनले उ रोमी राज्यपाल स यीशु स मार डालून खिन क्योछ। तुमूनले ऊस मार डालछ्य जो सबून जीवन दिछ्यो। लेकिन परमेश्वरे ले ऊस मरीनान में भटे ज्यून करछ्य। तुमूले नै समझ्यो कि तुम कि करून मरेछ्या, लेकिन जब तुम उन कामून करून मरेछ्या जो भविष्यद्वक्तान ले कईना ले छ्या। उनूनले कईना छ्यो कि मसीह दुख उठालो और मर जालो। परमेश्वर ले इसो हुन दीछ। येक कारण अब पश्चाताप करा और परमेश्वरा का तरफ फिरा, ताकि उ तुमारा पापून धोकर साफ कर द्योँ।

जब मंदिरा का अगुवान ले पतरस और यूहन्ना का बातून सुणछ्य, त उन भौत घबरा ग्याँ। येक कारण उनूनले पतरस और यहूनास पकड़ भेरन दुसारा दिन तलक जेल में राँखछ्य, क्याखिनकि ब्याल हो गैछी। लेकिन जो लोग संदेश स सुणन मरैछ्या, उनूनमें भटे भौत लोगूनले यीशु में विश्वास करछ्य, तो वाँ कुल मिलाभेरन लगभग पाँच हजार आदिमी छ्या, जो यीशु में विश्वास करूनवाला बन ग्या।

दुसार दिन, उन यहूदी अगुवा पतरस और यूहन्ना स महायाजक और अन्य धार्मिक अगुवा का पास लीभेरन आयान। उन उ आदिमीस ले ल्याईना छ्या जो चंगो होईना को छ्यो। तब उनूनले पतरस और यहूनास वाँ बुलाभेरन बीच में ठाँड़ करभेरन पुछ्छै, “यो आदिमी स चंगो करून खिन कैले तुमून शक्ति और अधिकार दीछ?”

पतरस ले जवाब दीछ, त तुम सब और पुर इस्राएली देशा का लोग जाण लीन, कि यो यीशु मसीहक सामरथ ले चंगो करि ग्योछ। उई यीशु स तुम लोगून ले सूली में लटका भेरन मार दालछ्य, लेकिन परमेश्वरले ऊस मरिनान में भटे ज्यून करछ्य।! तुमूले ऊस स्वीकार नै कर्यो, लेकिन यीशु का सामर्थ का अलावा उद्धार पान खिन कोई दूसोरो बाँटो नाहातिन!"

उन अगुवा हैरान छ्या, कि पतरस और यहूना की बात सुणिभेरन यहूदी अगुवा दंग है ग्या कि इन इतुक निडर है भेरन अपूनी बात बतुनान, जब की उन अनपढ़ और साधारण मैंस छन। तब यहूदी अगुवान ले पछ्याण लीछ कि उन यीशुक दगड़िया छन। येक कारण उनूनले उनूनथैं क्योछ, "हम तुमून भौत अधिक दंड द्यूलो अगर तुम यीशु का बारिमें लोगून कोई उपदेश द्याला त।" इसी भौत सा बात कुंनान का बाद उनूनले पतरस और यूहन्ना स जान दीछ।