45. स्तिफनुस और फिलिप्पुस

पैला मसीही अगुवान का बीच में स्तिफनुस नामोको एक आदिमी छ्यो। सब लोग उकी इजत करछ्या। पवित्र आत्मा का द्वारा ऊस भौत सामर्थ और बुद्धि मिलीना की छी। स्तिफनुस ले भौत सा चमत्कार करीना का छ्या। जब उले यीशु में विश्वास करना का बारिमें लोगून शिक्षा दीछ त भौत लोगून ले उक बातून में विश्वास करछ्य।

एक दिन, स्तिफनुस यीशुक बारिमें शिक्षा दीन मरेछ्यो, और कुछ इसा यहूदी जिनूनले यीशु में विश्वास नै कर्यो और उक दगाड़ वाद-विवाद करून लाग्यान। उन भौत गुस्सा हो ग्या, येक कारण उन धर्म गुरून का पास ग्यान और उक बारिमें झूठ बोलछ्य। और उनूनले क्योछ, "हमूले स्तिफनुस स मूसा और परमेश्वरा का बारिमें बुरी बातून कुन सुणछ्य!" येक कारण धर्म गुरून ले स्तिफनुस स गिरफ्तार कर लीछ और उस महायाजक और यहूदीन का अन्य अगवान का पास लीभेरन आयान। और कुछ लोगून ले स्तिफनुसा का बारिमें झूठी गवाही दीछ।

तब महायाजक ले स्तिफनुसथैं पूछ्छै, "क्या इन लोग त्यार बारिमें सच्ची कुन मर्यानी?" स्तिफनुस ले महायाजक स जवाब दीछ। उले क्योछ कि परमेश्वर ले अब्राहमा का बखत भटे यीशुक बखत तक इस्राएला का लोगून खिन भौत चत्मतकारा का काम कर्यान। लेकिन लोगून ले कभै ले परमेश्वरो को हुकुम नै मान्यो। स्तिफनुस ले क्योछ, "तुम लोग हठीला और परमेश्वरा का खिलाफ बलवा करूनवाला छा। तुमूनले हमेशा पवित्र आत्मा स अस्वीकार करछ्य, जसकै कि हमार पूर्खान ले हमेशा पवित्र आत्मा स अस्वीकार करछ्य और हमेशा परमेश्वरा का संदेश दीनवालान मार डालछ्य। लेकिन जो उनूनले करछ्य, तुमूनले उहै ले ज्यादा बुरा करछ्य! कि तुमूले मसीह स मार डालछ्य!"

जब उन धर्म गुरून ले यो सूणछ्य, त उनूनले गुस्सा में जोर ले चिल्लाभेरन अपून कान बंद कर लीयान। और उनूनले स्तिफनुस पड़कछ्य और घसीट भेरन नगर भटे भ्यार लीग्यान और ऊस मारून खिन ढूगान ले लोड़यूनान।

लेकिन स्तिफनुस प्रार्थना करून मरेछ्यो, "हे प्रभु यीशु, मेरी आत्मा स ग्रहण कर!" तब उ अपून घुणा टेक भेरन कुन लागछ्य, "हे प्रभु, यो पाप उनून में जन लगाये।" और उ यो केभेरन मर ग्यो।

उई दिन भटे यरूशलमा का विश्वासीन में भौत सताव हुन लागछ्य, येक कारण विश्वासी लोग यहूदिया और सामरिया देशून में तितर-बितर हो ग्या। लेकिन फिर ले उन जाँ ले जाछ्या उन यीशुक बारिमें प्रचार करछ्या।

फिलिप्पुस नामोको यीशु को एक विश्वासी छ्यो। जो यरूशलम भटे भागभेरन। सामरिया नगर खिन न्हैग्यो। वाँ उले लोगून यीशुक बारिमें प्रचार करछ्य। भौत लोगून ले उक बातून में विश्वास करछ्य और उद्धार पाछ। एक दिन, फिलिप्पुसा का पास परमेश्वरा का तरफ भटे एक स्वर्गदूत आछ और उथैं क्योछ, “उठ और दक्षिण खिन उ बाटा में जा, जो यरूशलम भटे गाजा शैहर तरफ जाछो। यो रेगिस्तान बाटो छै।” तब ऊस उ बाट में इथोपिया देशो को एक अधिकारी मिलछ्य, जो उ देशो को महारानी को मंत्री और खजांछी छ्यो। उ परमेश्वर की अराधना करून खिन यरूशलम शैहर में जाईना को छ्यो। तब पवित्र आत्मा ले फिलिप्पुसथैं क्योछ कि जाभेरन उ आदिमी का दगाड़-दगाड़ हिट।

येक कारण फिलिप्पुस रथा का पास ग्यो। और उ यशायाह भविष्यद्वक्ता कि किताब स पढून मरेछ्यो उमें लिखीना को छ्यो, " उ बलि करीजान वाला भेड़ा का नियात पुजाई ग्योछ। और जसकैं एक भड़े बाल कुतरून बखत शान्त रूछी, उले ले अपूनो मुँख ख्लोयो। उनूनले उक दगाड़ बुरो व्यवहार करछ्य और उक आदर नै कर्यो। उनूनले उक प्राण ली लीछ।"

फिलिप्पुस ले उ मंत्री थैं पूछ्छै, "जो तै पढ़ मरेछै क्या तै ऊस समझून ले मरेछै?" उ मंत्री ले जवाब दीछ, "नै। जब तक कोई मैंस नी समझालो, तब तक मैं येस नै समझ सकनू। कृपा करभेरन म्यार पास आभेरन बैठ। यशायाह यो कैक बारिमें लिखछो अपून बारिमें या और कैका बरिमें?"

फिलिप्पुस रथ में चढ़भेरन बैठ ग्यो। तब उले उ मंत्री उ बताछ जो यशायाह ले यीशुक बारिमें लिखीना को छ्यो। फिलिप्पुस ले परमेश्वरा का वचनून में भटे और चर्चा करछ्य। इस तरीका ले उले उ मंत्री स यीशुक बारिमें शुभ संदेश सुणाछ।

फिलिप्पुस और मंत्री हिटून-हिटून पानी का ताला का पास पूज्यान। उ मंत्री ले क्योछ, "देख! याँ पानी छै! क्या मैं बपतिस्मा ली सकछूँ?" और उले रथ स रोकऊन खिन क्योछ।

अतः उन पानी का ताल में ग्‍यान, और फिलिप्पुस ले उ मंत्री स बपतिस्मा दीछ। जब उन पानी है भ्यार आछ, त पवित्र आत्मा ले अचानक फिलिप्पुस स उठाभेरन वाँ भटे कोई दुसार जाग खिन ली ग्योछ। वाँ फिलिप्पुस ले लोगून यीशुक बारिमें सुसमाचार सुणाछ।

उ मंत्री अपून घर खिन जाछो, और उ भौत खुश छ्यो कि उ अब यीशु स जाणछो।