46. पौलुसो को मसीही विश्वासी बन ज्यानो

शाऊल नामोको एक आदिमी छ्यो जो यीशु में विश्वास नी करछ्यो। जब उ जवान छयो, तब उले स्तिफनुस स मारूनवाला लोगून का कपड़ान की निगरानी करून मरेछ्यो। बाद में उले विश्वासीन सताछ। उले यरूशलम में घर-घर जाभेरन आदिमीन और स्यैनिन पकड़ भेरन जेलखान में डाल दीछ। तब महायाजक ले शाऊल स दमिश्क नगर में जाना की अनुमति दीछ। उले वाँ का मसीह में विश्वास करून वालान पकड़ भेरन उनून वापस यरूशलम ल्यून खिन शाऊल थै क्योछ।

शाऊल ले दमिश्क जान खिन सफर शुरू करछ्य। उ नगर में पूजून है थ्वाड़ पैलि, उक चारू तरफ आकाश में औत ज्यादा उज्यालो चमकछ्य, और शाऊल उ उज्याला स देखभेरन भिमें खीति पड़छ्य। और उले कैसे यो कुन सुणछ्य, "हे शाऊल! हे शाऊल! तै मैंस किलै सतुछै?" तब शाऊल ले पूछ्छै, "हे प्रभु, तै को छै?" यीशु ले ऊस जवाब दीछ, "मैं यीशु छूँ। तै मैंस सतून मरैछै!"

जब शाऊल उठछ्य त ऊस देखीन बन्द होग्यो। उक मित्र ऊस दमिश्क खिन ली ग्यान। शाऊल ले तीन दिन तक के ले नै खायो नै पियो।

दमिश्क में हनन्याह नामोलो एक शिष्य छ्यो। परमेश्वरे ले उथैं क्योछ, "उ घर में जा जाँ शाऊल रूकीना को छै। अपून हाथून उमें राख ताकि उ फिर देखून लागौ।" लेकिन हनन्याह ले क्योछ, "हे प्रभु, मैंले सुणछ्य कि तो आदिमी ले विश्वासन कसीकैं सताईना को छै।" परमेश्वरे ले ऊस जवाब दीछ, "जा! मैंले ऊस यहूदीन खिन और दूसरी जातिन का लोगून में म्योरो नामोको प्रचार करून खिन चुन रैछ। और उ म्यारा नामाका कारण भौत कष्ट उठालो।"

तब हनन्याह शाऊला का पास ग्योछ, और अपून हाथून उमें राखभेरन क्योछ, " हे भाई शाऊल, प्रभु यीशु जो तैस बाँट में दिखाई दीछ, उले मैंस त्यार पास भेजछ्य ताकि तै देखून लागौ, और पवित्र आत्मा तैस मिलौ।" तुरन्त शाऊल उनजैई देखून लागछो, और हनन्याह ले ऊस बपतिस्मा दीछ। तब शाऊल ले खानो खाछ और ऊस ताकत मिलछ्य।

और फिर शाऊल ले दमिश्क में रूनवाला यहूदीन में प्रचार करून और यो कुन शुरू करछ्य। "यीशुई परमेश्वरो को च्योलो छै!" यो सुणभेरन यहूदी लोग ताजूब में छ्या, कि यो उई शाऊल छी जो विश्वासीन मार डालछ्यो, लेकिन शाऊल यहूदीन का दगाड़ साथ वाद-विवाद करछ्यो, और उनून बतूछ्यो कि यीशुई मसीह छै।

भौत दिनून का बाद, यहूदीन ले शाऊल स मार डालना को पलान बनाछ। उनूनले ऊस मार डालून खिन नगरा का फाटकून का पास लोगून भेजछ्य। कि उकी निगरानी करून लेकिन शाऊल ले उनार पलाना का बारिमें जाण लीछ, और उक मित्रून ले ऊस बचभेरन उकी मद्दत करछ्य। एक रात उनूनले शाऊल स टोकरी में बैठा भेरन नगरे की दीवाल भटे तलि उतार दीछ, दमिश्क भटे बचभेरन निकलना का बाद शाऊल ले यीशु का बारिमें प्रचार करून जारी रखछ्य।

शाऊल प्रेरितून मिलून खिन यरूशलम शैहर ग्योछ, लेकिन प्रेरित उहै डरछ्या। तब बरनबास नामोको एक विश्वासी शाऊल स प्रेरितून का पास लीभेरन ग्योछ। उले उनून बताछ कि शाऊल ले कसकैं हिमतेले दमिश्क में प्रचार करछ्य। उक बाद प्रेरितून ले शाऊल में विश्वास करछ्य।

कुछ विश्वासी जो यरूशलम में सतावा का कारण स भाग भेरन अंताकिया नगर में न्है गैछ्या और यीशु का बारिमें प्रचार करछ्या। अंताकिया में रूनवाला ज्यादा तर लोग यहूदी नी छ्या, लेकिन पैलि बार उनूनमें भटे भौत लोग विश्वासी बन ग्या। बरनबास और शाऊल इन नय्या विश्वासीन यीशु का बारिमें और ज्यादा सिखून खिन वाँ ग्यान और वाँ कलीसीयान मजबूत करछ्य। यीशु में विश्वास करूनवाला पैल बार अंताकिया में "मसीही" कहलायान।

एक दिन, अंताकिया का मसीही लोग उपवास का दगाड़ प्रार्थना करून मरेछ्या। पवित्र आत्मा ले उनूथैं क्योछ, "मैंखिन बरनबास और शाऊल स उ काम स करून खिन अलग करा जैस करून खिन मैंले उनून बुलारे छै।" येक कारण अंताकिया की कलीसिया ले बरनबास और शाऊल खिन प्रार्थना करछ्य और उनूनमें अपून हाथून राख्यान। और उनूले उनून यीशुक बारिमें सुसमाचार प्रचार करून खिन भेजछ्य। बरनबास और शाऊल ले गैर यहूदीन में जाभेरन शिक्षा दीछ, और भौत लोगून ले यीशु में विश्वास करछ्य।